OLA, SON FRAN E QUÉROVOS EXPLICAR CANTO SEI DA PRAIA DO TRONCO...

PARA QUE VEXADES ONDE ESTÁ SITUADA FÍXENVOS UN MAPA.

COMO VEDES, A DO TRONCO É UNHA PEQUENA PRAIA (DUNS 100 METROS DE LONGO) SITUADA ENTRE A PRAIA DE TANXIL E A DESEMBOCADURA DO RÍO DA GRENLA.
NOS SEUS EXTREMOS HAI UNS PEDREGAIS E CANDO SOBE A MAREA, A PRAIA, DE AREA MOI FINA, DESAPARECE.

PARA CHEGAR Ó TRONCO TEMOS QUE BAIXAR POR UNHAS PEQUENAS ESCALEIRAS DENDE ONDE PODEMOS VER LOUREIROS, HEDRAS E PEQUENOS PINAIS. ALÍ HABITAN MOITOS PAXAROS COMO CORVOS, POMBAS, MERLOS, E MOITOS XÍLGAROS, HOXE A SALVO DE SER ATRAPADOS UTILIZANDO VARIÑAS CON PEGAMENTO, COMO SE ADOITABA FACER HAI 15 OU 20 ANOS !!

NA PRAIA DO TRONCO NON HAI MOITO MARISCO, SÓ TEN ALGO DE BERBERECHO, PERO NA ESQUINA QUE HAI Ó LADO DE TANXIL, A CORNA, HABÍA MOITAS OSTRAS, CARAMUXOS E CAMARÓNS. ANTIGAMENTE TAMÉN SE COLLÍAN ALÍ PEDRAS PARA PEGAR NAS FACHADAS DAS CASAS.

PÓDESE DICIR QUE A ZONA DA PRAIA DO TRONCO NON TEN MOITOS PROBLEMAS MEDIOAMBIENTAIS AGÁS O INMOBILIARIO, PERO COMO AGORA NON SE PODE CONSTRUÍR PRETO DA COSTA, ESTÁ A SALVO. NON É UNHA ZONA VIRXE DA COSTA, PERO O MELLOR QUE TEN É QUE ESTÁ POUCO EXPLOTADA.

Familia de FRAN

Columpios de corda na Praia de Tronco