Durante a semana pasada festexamos unha festa de gran tradición en Galicia: O SAMAÍN.

Nesta semana lembramos aos celtas e os seus costumes, como foron as “pedras dos desexos”, os MILLADOIROS. Esta cultura tiña nas encrucilladas amontoamentos de pedras (chamados milladoiros) e tíñase o costume de depositar unha pedra e pedir un desexo. Existe un milladoiro no camiño de Santiago, que é famoso (ademais de estar preto de Santiago de Compostela), porque posúe unha gran cruz de ferro. O feito de depositar unha pedra alí é signo de que non terás mala fortuna durante o que queda de viaxe, por iso os peregrinos soen levar unha pedra desde o seu lugar de orixe, ou ben a collen antes de chegar ao milladoiro.

Na Escola de Rañó, facendo uso dos elementos do outono, pedimos os nosos desexos empregando unha piña, “as piñas dos desexos”. Queredes velos…?