Skip to Content

contador gratis para blog

Escolares, Complementarias, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Idioma extranxeiro

ANTÍA, WAMBA E O REGATO PEQUENO

Mar, 10/28/2014 - 17:18 — Mar
Mañá, mércores 29, os alumnos e as alumnas de 3º e 4º de Primaria acudirán ao Auditorio de Ourense a ver a obra de teatro
Antía, Wamba e o regato pequeno
Wamba, un mozo do Congo, conta a Antía historias que falan de África e Europa, do que nos sobra e falta, de compartir, de valorar o importante, de ollarcon esperanza... Son catro contos para bailar, cantar, xogar e tamén parasentir e pensar.
Os relatos fan reflexionar sobre a solidariedade, a igualdadee o que nos podemos achegar uns aos outros

Applícate o conto: 4 de novembro

Mar, 10/28/2014 - 14:29 — admin

A nosa app está lista. O vindeiro martes día 4 teremos un acto de presentación no CIFP da Carbaleira, os nosos compañeiros de viaxe neste proxecto. A partir dese día poderedes descargala nos vosos dispositivos android: móbiles e tablets. Estamos moi emocionados por ver como o froito do traballo colaborativo desenvolvido no curso pasado por todo o alumnado do centro está a punto de ver a luz. Permanecede atentos aos nosos perfís nas redes sociais e tamén á web do centro a partir dese día para saber como descargala.

CONCERTO "DE AQUÍ PARA ALÁ!

Mar, 10/21/2014 - 13:01 — Mar

Este venres, 24 de outubro, os nenos e as nenas de Infantil, 1º e 2º de Primaria acudirán ao auditorio de o Carballiño para disfrutar do concerto

"De aquí para alá"

 

A través da música de Lydia Botana e o seu grupo viaxaremos pola historia dunha Bolboreta que remata a súa metamorfose co son dos instrumentos musicais. Embarcaremos nunha viaxe arredor do mundo aprendendo gracias ás imaxes e a actuación dos músicos que veremos, escoitando e cantando as músicas de cada lugar facendo partícipe ó público na procura de novos sons.

Pasaremos por países coma Brasil, Cuba, Xamaica, os Balcáns, Estados Unidos,… rematando na nosa terra máxica: Galicia!

MAXIA NA BIBLIOTECA

Ven, 10/10/2014 - 11:23 — Mar

LIBROS DE TEXTOS 2014/2015. CAMBIO DE ISBN DO LIBRO DE PLÁSTICA DE 1º DE PRIMARIA

Mar, 07/08/2014 - 09:32 — Mar

HOUBO UNHA ERRATA, POR CAUSAS ALLEAS AO CENTRO, NO ISBN DO LIBRO DE TEXTO DE PLÁSTICA DE 1º DE PRIMARIA. O ISBN CORRECTO É O SEGUINTE

 

978-84-8793-751-4

PERDOEN AS MOLESTIAS

Viaxamos e Comunicámonos: Xornal Viaxeiro

Ven, 06/20/2014 - 12:50 — admin

E como remate do proxecto educativo Viaxamos e Comunicámonos desenvolvido ao longo deste terceiro trimestre do curso académico 13-14 presentámosvos o Xornal Viaxeiro. Unha publicación comandada polo alumnado de 6º de Infantil na que poderedes ver como relatan as súas vivencias máis cercanas como uns auténticos xornalistas e máis se fan eco da actualidade social, política e cultural. Un xornal que non sería posible sen a colaboración das familias, que axudaron na casa a recoller as noticias e redactalas a modo de crónica.

NAS NOSAS MANS

Xov, 06/19/2014 - 10:34 — admin

Las Olimpiadas Más Animales. Proxecto Nas Nosas Mans. Explicar un proxecto como este a toda a comunidade educativa é un dos retos que nos plantexamos xa ao inicio, dous cursos atrás. En que se diferencia este, doutros proxectos anteriores? En que o plantexamento de base parte de ceder todo o protagonismo ao alumnado. Non só como mero receptor dos contidos se non como productor dos mesmos. Dende a elaboración do texto teatral, as correccións e valoracións dos mesmos. A dramaturxia e posta en escea, construcción do teatro e monicreques, dirección, producción, planificación dos ensaios, interpretación, escenografía.. Todo recae "nas súas mans". Cumprimos así a máxima da aprendizaxe por competencias: SABER, SER FACER. Traballamos o curriculum de tecnoloxía, lengua castellana, música, plástica e competencias como a social, cultural, lingüística, artística, a iniciativa e autonomía persoal. Como resultado deste estilo de aprendizaxe o nivel de motivación e implicación do alumnado aumenta ao sentirse non só parte se non centro de todo o proceso de aprendizaxe. Enfróntanse a un reto real que esixirá o mellor de todos eles. Algo que vai máis alá de superar unha asignatura: poñer a andar unha compañía teatral infantil que ten que estrear unha obra con data e lugar concreto. Iremos colgando na web e nas redes sociais vídeos de todo o camiño ata aquí e tamén, por suposto, o resultado.

Excursión do 2º ciclo

Mar, 06/17/2014 - 12:30 — admin

Primeiro fomos a unha base de helicópteros. Alí subimos a un e tamén a un camión de bombeiros. Falamos por unha emisora. Vimos un cráneo dunha vaca na entrada. Fixémonos fotos e logo marchamos. Despois fomos ao Pazo de Fontefiz e alí había moitos animais autóctonos de Galicia, algúns deles en perigo de extinción. Ensináronos de que raza eran. Vimos un cabalo galopando, porcos celtas, galiñas de Mos e galiñas poñedoras, carneiros, ovellas, touros, castróns, bois e cabras. Ensináronos unha incubadora. O guía da excursión díxonos que tardan 21 días en nacer e que a eses pitiños que había na incubadora tan só lles faltaban 3. Había outros que xa naceran, uns tiñan quince días e outros 7. O guía tamén nos dixo que un animal entrara no galiñeiro e que comera todas as galiñas. Despois fomos comer a Monterroso bocadillos de chourizo e queixo e de postre xeados, mmmmm. Despois de comer xogamos nun parque cercano. Ao rematar dirixímonos a unha granxa escola e alí fixemos pan. Isto déusenos moi ben, porque somos de terra de panadeiros. Ben, non todos, pero algo sabemos. Ao chegar ás nosas casas algunhas das nosas nais probaron o pan e comentaron que lles faltaba sal, hehehe. Mentres o pan cocía fixemos un xogo de presentación para coñecer os nosos nomes e os nosos gustos e consistía en pasarnos un fío de lá entre todos e ir comentándoos en voz alta. O resultado final parecía unha arañeira. Ao remate do xogo había que desfacer a tea lembrando o nome e os gustos da persoa que che pasara o fío. Ao remate do paseo xogamos á busca do tesouro. A continuación fomos dar un paseo polo río na compañía dun can boxer chamado Bufi que non paraba de enredar con nós. O que máis lle gustaba era que lle tirasen paos ao río e ilos buscar. Despois ao sair pasaba ao noso carón e mollábanos as pernas. Para despedir a xornada xogamos ao brilé e escoitamos música relaxante con instrumentos doutros países coma o gong e as cuncas tibetanas. Galería de fotos

Viaxamos e comunicámonos: A Coruña

Xov, 06/12/2014 - 13:25 — admin

Fomos visitar en Arteixo A Voz de Galicia. No taller vimos a rotativa, que era a máquina que facía os periódicos e levaba moito papel. Usan catro tintas: amarela, vermella, azul e negra. Despois ían cunhas pinzas polo aire. Tamén vimos unhas bobinas xigantes de papel reciclado. Despois fomos visitar a redacción. Alí escribían as noticias e traballaban ata as doce da noite os xornalistas. Está todo moi en silencio. Vimos tamén un plató de televisión onde había moitas cámaras e luces. Vimos o museo, as fotos, xornais e máquinas antigas... Fixémonos unhas fotos diante do letreiro do avó que fundou o periódico. Cando saímos fomos comer a un parque e alí había moitos xogos. Comemos bocadillos de chourizo, de salchichón e de queixo. De postre galletas e pera. Estaba un día moi bonito e ía moita calor así que puxemos gorras na cabeza. Ao rematar o xantar visitamos o aeroporto de Alvedro. Había dous avións, unha avioneta e un helicóptero. Un dos avións estaba queimado e chamounos moito a atención. Outro avión, antes de despegar, foi dar a volta, empezou a correr moito e logo saiu voando. Saudamos ao piloto. No porto había un barquiño de paseo. Veu a policía e díxonos que foramos rápido ao autobús que se non multábao. Vimos un trasatlántico botando fume pola cheminea e cando marchou nós tamén marchamos así que cando iamos no autobús voltamos velo. Tamén vimos a torre de control. E vimos que estaban arranxando un barco veleiro, coa coroa do Rei Felipe, para botalo á auga. Tamén moitos veleiros. Todos os barcos levaban a bandeira coa coroa. Cando marchamos do porto fomos merendar ao carón da Torre de Hércules. Había unha estatua dun señor que morreu hai moitos anos que se chamaba Hércules. E xogamos a botarnos correndo polo monte abaixo. Á volta algúns viñemos durmindo no autobús. Tamén recordamos as paradas do camiño para facer pisn e cando usamos o baño do autobús. Pasámolo xenial!!!!

Relato colectivo escrito polo alumnado de infantil.

Distribuir contido


by Dr. Radut