Esta mañá o alumnado de 4º-5º e 6º de Primaria acudiron a Puzo do Lago para realizar a segunda parte da carreira de campo a través en Puzo do Lago (Maside).
Disfrutaron dunha xornada de confraternización con outros nenos e nenas dos coles da comarca e da natureza. Non fixeron grandes marcas pero gozaron participando nesta actividade e animando aos/ás seus/súas compañeiros/as!!
Os alumnos de 4º da ESO tivemos a gran sorte de poder realizar unha práctica de laboratorio con Julia Carballo, unha profesora do Facultade de Ciencias de Ourense, e doutora en Microbioloxía. O día 14 de xaneiro visitou o noso centro para contarnos moitas cousas sobre o mundo bacteriano. Sementamos bacterias de diferentes zonas da nosa anatomía en placas de cultivos para demostrar que estamos rodeados destas, e mesmo convivimos con elas. Dous días mais tarde fomos a visitala a Facultade de Ciencias, que está no campus de Ourense, para ver se medraran as nosas bacterias. Foi alucinante ver como aparentemente da nada xurdían colonias de bacterias macroscópicas!!. A experiencia foi incrible e esperamos poder repetir algunha parecida. Moi interesante!!
Os nenos e as nenas de Infantil e Primaria elaboraron coloridas caixas para facer unha árbore de Nadal pouco convencional, creativa, diferente...
Os rapaces e rapazas de Secundaria están a facer unha árbore a partir de perchas decoradas, facendo honra ao seu labor de empregar materiais de reciclaxe e da vida cotiá.
Ahh!! Grazas por colaborar traendo serrín, musgo e cortiza para montar o Belén.
O equipo de biblioteca coordinou a actividade de conmemoración do día internacional dos dereitos humanos. Celebrámolo no noso comedor. Todo o alumnado compartiu o seu traballo artístico realizado os días previos sobre cada un dos dereitos e acompañouno cun relato sobre eles.
Xa temos aquí as fotos que nos fixeron os monitores e monitoras de "A Casa da Terra" en Antas de Ulla...lembrádesvos??
Fixeramos os nosos boliños de pan e levarámolos para as nosas casas, buscamos un tesouro e tivemos unha fantástica despedida cunha sesión música tibetana...que relaxación!!
