Proxecto VEDRA MEDRA

Vedra medra non quixo pasar por alto o Entroido 2021 e, ao non poder facer como era habitual os atranques, nin dar os vivas pensamos nunha actividade alternativa: reinterpretar as máscaras que temos que poñer cada día para protexernos con motivos dos traxes dos xenerais da Ulla.

Resultou finalmente unha proposta de Entroido sobre fondo negro, metáfora dos tempos de pandemia que nos toca vivir. A máscara negra engalanámola con cores brillantes seguindo os motivos da indumentaria tradicional dos xenerais e correos utilizando abelorios, flocos dourados, plumas, fitas de cores… que foron cosendo ou pegando pacientemente os rapaces e as nais. 

Son obra do alumnado de 3.º da ESO e foron obxecto dunha exposición no centro e base dunha reportaxe fotográfica que pode verse no web do centro e no Facebook Vedra medra.

E á falta do vistoso espectáculo dos atranques, recuperamos por vez primeira a tradición de "poñer o burro". Aínda que sexa propia do Domingo de Piñata, adiantámonos e fixemos a actividade en 1.º e 3.º da ESO. 

Escribimos «coplas do burro» utilizando dous soportes en función da temática, as de amor (ou afecto) nun que imita a figura dun burro namorado e as de crítica ou burla nun que semella o burro dando un couce.

Por obra dalgún demachiño que anda por aí solto… apareceron dous burros nos corredores do centro e procedemos á interpretación: reparto e a lectura das coplas. En breve, subiremos ao Facebook as fotos e a gravación do acto.

Pendentes de difusión están aínda outras achegas que o alumnado de 4.º e 3.º da ESO está elaborando con base naqueles recordos en color que nos veñen á memoria tras ver as fotografías de cursos pasados. Agardamos impacientes os resultados.

Desde Vedra medra queremos dar as grazas a todas aquelas persoas que nos axudaron e fixeron posible coa súa colaboración que estas tradicións poidan continuar celebrándose no CPI de Vedra mesmo nestes tempos escuros.

Pódese ver un album de fotos aquí

Xulia Marqués

Coordinadora de Vedra medra

Vedra medra. Camelias para Rosalía

Para celebrar o Día de Rosalía e a Festa da exaltación da camelia 2020, o CPI de Vedra presenta a peza "Camelias para Rosalía" sumándose así ao festexo local.

Vedra medra vén colaborando habitualmente con asociacións culturais e entidades vedresas en actuacións de dinamización na contorna e esta é unha contribución máis.

A coincidencia no tempo das dúas festas levounos a deseñar unha proposta en honra da escritora utilizando como base a flor de Vedra por excelencia, a camelia, en cuxos pétalos inserimos poemas de Cantares Gallegos e de Follas novas. Acompañamos o cartel dunha gravación dos textos rosalianos utilizados.

Participaron en "Camelias para Rosalía" os/as alumnos/as de 1º e 2º da ESO desde a materia de Lingua Galega. A rapazada de 2º ESO encargouse da lectura, gravación e música da peza que acompañará o cartel e que formará parte da exposición que terá lugar o vindeiro 23 de febreiro en Sta. Cruz de Ribadulla.

Xulia Marqués

Coordinadora de Vedra medra

Ver + fotos

Vedra medra. TRABALLO E XÉNERO NO RURAL VEDRÉS II

O pasado 13 de febreiro, entrevistamos a Isaura e a Digna Fariñas Varela, dúas irmás de Reboredo (Boqueixón) que emigraron a Bos Aires nos anos cincuenta do pasado século. 

Estes días estiveron de visita en Galicia e aproveitamos para coñecelas e achegarnos ao relato da súa historia familiar e laboral de máis de sesenta anos en Arxentina onde residen na actualidade.

A nosa gratitude para as irmás Fariñas por compartir connosco toda unha tarde de vivencias en Compostela.

Xulia Marqués, coordinadora de Vedra medra

Coma cada ano chega o Entroido e desde Vedra medra seguimos a manter o compromiso con esta tradición local. 

Esta vez fixémolo da man da Escola de xenerais e correos que o Concello promoveu e na que participamos cunha vintena de rapaces de educación primaria e da ESO.

Cada martes, desde o día 21 de xaneiro compuxeron e prepararon os atranques cos que participarán no Entroido escolar e no municipal.

Agora tócalles actuar no centro. 

Galería de fotos

Velaquí as dez parellas, de xenerais e correos, que se presentarán ante os compañeiros/as e profesores/as:

1º. Laura (6º EP) —Ángel (4º EP)

2º. Noel (1º ESO)—Laura (3º ESO)

3º. Dani García (1º ESO)—Pablo F. (2º ESO)

4º. Dani Rodríguez (1º ESO)—María Pereira (2º ESO)

5º. Iker (4º EP)—Gisella (5º EP)

6º. Inés Garrido (2º ESO)—Andrea (2º ESO)

7º. Alex Cabo (1º ESO)—Lucía (4º EP)

8º. Carlota C. (1º ESO)—Ainara (2º ESO)

9º. André (3º ESO)—Gabriela (4º ESO)

10º. Xabi (4º ESO)—Asier (3º ESO)

11º. Xabi (4º ESO)—Gabriela (4º ESO)

Moita sorte para todos/as! E grazas aos preparadores/as.

Aquí deixamos algunhas fotos da última sesión dos ensaios.

Coma cada ano chega o Entroido e desde Vedra medra seguimos a manter o compromiso con esta tradición local. 

Esta vez fixémolo da man da Escola de xenerais e correos que o Concello promoveu e na que participamos cunha vintena de rapaces de educación primaria e da ESO.

Cada martes, desde o día 21 de xaneiro compuxeron e prepararon os atranques cos que participarán no Entroido escolar e no municipal.

Agora tócalles actuar no centro. 

Velaquí as dez parellas, de xenerais e correos, que se presentarán ante os compañeiros/as e profesores/as:

1º. Laura (6º EP) —Ángel (4º EP)

2º. Noel (1º ESO)—Laura (3º ESO)

3º. Dani García (1º ESO)—Pablo F. (2º ESO)

4º. Dani Rodríguez (1º ESO)—María Pereira (2º ESO)

5º. Iker (4º EP)—Gisella (5º EP)

6º. Inés Garrido (2º ESO)—Andrea (2º ESO)

7º. Alex Cabo (1º ESO)—Lucía (4º EP)

8º. Carlota C. (1º ESO)—Ainara (2º ESO)

9º. André (3º ESO)—Gabriela (4º ESO)

10º. Xabi (4º ESO)—Asier (3º ESO)

11º. Xabi (4º ESO)—Gabriela (4º ESO)

Moita sorte para todos/as! E grazas aos preparadores/as.

Aquí deixamos algunhas fotos da última sesión dos ensaios.

Galería de fotos

Xulia Marqués, coordinadora de Vedra medra