Non conseguimos gravar un vídeo de calidade do acto de gradación. Sentímolo moito. Pero si temos os vídeos que elaborou o profesorado para poñer no acto e para que teñades de recordo.

Feliz verán e moita sorte na nova etapa.

Vídeo sexto A: Chea de vida.

Vídeo sexto B: Todos somos capitáns.

Vídeo despedida: Un longo camiño.

 Aquí vos deixamos a nosa candidatura deste ano ao "Enreguéifate 2021". Unha regueifa con temática COVID á que non lle falta a retranca e sátira propias deste xénero. Un aplauso para "Os Ramalloseir@s"!! E que a sorte nos acompañe

Neste ano 2021, queremos conmemorar unha das datas máis significativos para a nosa lingua galega; o 17 de Maio, DÍA DAS LETRAS GALEGAS,  e nesta ocasión, da man da escritora, poeta e tradutora XELA ARIAS.

Para coñecer un pouco da súa vida e obra compartimos diversos recursos clicando no seguinte symbaloo

RADIO TEATRO ESCOLAR

Esta semana das Letras, ESTREA DA SERIE "DESTINO ESCURO". Segue a publicación dos diferentes episodios nas datas indicadas. Poderás escoitalos premendo nas imaxes!!

Ep.1 "A Lenda de Edlemiro" (10-05-21)            Ep.2 "A cova segreda" (11-05-21)

Ep.3 "Poderes desafortunados (12-05-21)        Ep.4 "Salvación ou perdición" (18-05-21)

"A PATRULLA CANINA SALVA A LINGUA GALEGA"  

E O VINDEIRO MARTES 18 de Maio...

ESTREA DA PRIMEIRA ENTREGA MUNDIAL EN GALEGO DA SERIE "A PATRULLA CANINA".

Desta volta, cunha misión ben importante; "A patrula canina salva a Lingua Galega"

Un traballo para fomentar o uso da lingua galega entre os máis cativos/as

Producido, dobrado e musicalizado polos mestres/as do

"Equipo de Dinamización da Lingua Galega" do Centro.

- ESTREA: MARTES 18 DE MAIO -

     Está a piques de saír do forno xa 

IMAXES DE ACTIVIDADES QUE SE LEVARON A CABO PARA CONMEMORAR ESTA DATA O DÍA 14 DE MAIO:

- XOGOS POPULARES: CADEIRAS MUSICAIS, ZANCOS, ARRASTRAMORTOS, PANO, RELEVOS,...

- A MÚSICA FOI A NOTA DOMINANTE NESTE DÍA DE FESTA E DE XUNTANZA: PASODOBRE de A ILLA (Santa Comba), PASODOBRE de MARFULO (A Laracha), BLUES DA CONVIVENCIA, coplas de MAIO entre outras pezas 

A continuación pódese ver algunhas fotos dos distintos momentos e un vídeo recopilatorio das pezas musicais das que gozamos

 video recopilatorio

- XANTAR COMPARTIDO, COCIÑADO DENDE O COMEDOR PARA TODA A COMUNIDADE EDUCATIVA, CUN MENÚ ESPECIAL ESCOLLIDO PARA A OCASIÓN (CADA GRUPO COMEU NA SÚA PARCELA OU EN MESAS SEPARADAS, NO CASO DO ALUMNADO DE INFANTIL)

 Como cada 23 de ABRIL, conmemoramos o DÍA DO LIBRO, esta data tan significativa polo que supón un libro no proceso de aprendizaxe e formación das crianzas. 

    "SE PENSAS CHEGAR A ALGUNHA PARTE NA VIDA, TES QUE LER MOITOS LIBROS". ROALD DAHL

A nosa mascota da biblioteca, ROKI, enviou unha carta e unhas propostas como suxerencias de actividades ás aulas, co propósito de traballar sobre os contos clásicos. Polo que cada titoría podía escoller como abordar e traballar a proposta; cambiando os finais, reelaborando as historias, misturando personaxes, facendo adaptacións, inventando novas versións,...

Dende a biblioteca se fixo unha exposición de contos clásicos para facilitar o seu uso e manexo

- Propúxose un CONCURSO DE DESEÑO DE PORTADAS de contos clásicos favoritos, onde @s gañadores levarían un pequeno obsequio polo seu bo facer, a súa creatividade e presentación. 

E por suposto, tod@s merecen que o seu traballo sexa valorado, dado a coñecer e poida ser visto pol@s demais compañeir@s do centro, polo que se fixo unha  EXPOSICIÓN con todas as PORTADAS DESEÑADAS  

- O Colexio participou da proposta do concello que consistía na elaboración de marcapáxinas de temática libre, de entre os cales se escollería un que dito organismo empregaría para agasallar polo día do libro.

Dende o centro aproveitamos esa actividade e fíxose unha escolla dun marcapáxinas por cada ciclo, que logo se imprimiron para todo o alumnado, profesorado e persoal da cociña e repartidos o propio día 23 de abril

Así de chulos foron os marcapáxinas seleccionados e repartidos en cada ciclo!!!

- Dende as aulas, leváronse a cabo diferentes propostas de traballo:

  * Elaboración de contos propios, con versións novas ou reelaboradas dos contos clásicos por alumnado de 3º

     E algúns quixeron facer de contacontos e, compartir e  contar o seu conto ao alumnado de infantil, que escoitaron moi atent@s

    Ver máis fotos clicando aquí

 * alumna Daniela de 3º comparte a súa historia reinventada  (ver adxuntos)

 * Proposta dende a área de lingua inglesa; alumnado do 2º ciclo, traduciron títulos de clásicos e puxeron voz a pequenas intervencións de personaxes nas distintas historias

https://artistteo.blogspot.com/2021/04/dia-internacional-do-libro.html

* Outros contos elaborados por alumnado de 4º, dentro das actividades da aula (verse no documento adxunto)

* Elaboración de PORTADAS cos seus respectivos contos inventados, que nos mostran o alumnado de 4º primaria

   * Análise e recollida das diferencias entre as versións lidas do conto de "Caperucita Roja", por alumnado de 5º de infantil

CONTO INVENTADO POLO ALUMNADO DE 5º DE INFANTIL B

A Cabrapuchiña Rosa

Premede na imaxe para poder ver ou descargar as fotos deste entroido no centro.

Como sabedes, por mor da alerta sanitaria do COVID19, este ano estivemos moi limitados na programación do mesmo. Pero a pesares disto, tentamos por todos os medios que os cativ@s pasaran un día diferente e divertido, como a ocasión o merecía.

Agradecementos:

- A todos os discentes e familias pola súa colaboración, disposición e bo facer.

- A todo o equipo de profesionais do CEIP da Ramallosa pola súa implicación nestes tempos tan difíciles que nos está tocando vivir a tod@s.

- A Xurxo, o profe de prácticas de Ed. Musical, polo seu traballo ao fronte da cámara para esta reportaxe fotográfica.

Trataremos tamén de facer unha pequena montaxe de video coas fotos.

Agardamos que vos guste!!