CEIP PLURILINGÜE A LAXE

Ola familias 

Esta semana continuamos repasando conceptos matemáticos coa pantalla dixital e avanzando no conteo con propostas de outono: o que máis nos gustou foi usar a mesa de luz para colocar elementos na árbore segundo indicaba o dado, faciámolo por parellas asi que... traballo en equipo xa que podemos axudarnos uns ós outros!

Seguindo coas propostas de outono, na clase de arte fixemos esculturas cos elementos da natureza que fomos coller a semana pasada ao parque, acordádesvos?.

Exploramos un material novo, a arxila, que nos sorprendeu que estivese máis dura e fría que a plastilina; pero desempeñando a nosa motricidade fomos capaces de modelar e dar forma. Despois manipulamos paus, castañas, follas... e colocámolos nas nosas esculturas, mirade o resultado! 

Ao terminar a escultura, seguimos desenvolvendo a creatividade e a imaxinación xogando no minimundo do outono, poñendo en práctica o vocabulario que aprendemos e traballando a psicomotricidade fina.

E falando de motricidade fina, nos momentos de xogo libre encantounos xogar con dous xogos novos que nos trouxo a profe: temos coitelos e táboas para cortar diferentes alimentos e tamén, un taboleiro para colocar boliñas segundo o patrón (clasificamos por cores e usamos a pinza). Como vedes, hai que estar moi concentrad@!

En canto á lectoescritura, seguimos traballando co máis próximo, sempre dunha maneira manipulativa e visual, que é como mellor aprendemos. Usamos as nosas iniciais, os nosos nomes e os dos compañeir@s e profes, e tamén as vocais. Xa somos capaces de pensar palabras que empezan por... 

Tamén tivemos tempo para contar contos. Esta semana lemos ''A Gran Tribo'', un álbum ilustrado que trata as experiencias que vivimos @s cativ@s ao ir ó cole; e démonos conta, de que todos nós tamén formamos unha tribo! . Despois fixemos un debuxo sobre o conto, falando do que máis nos gustou.

Dentro do proxecto do corpo humano, seguimos repasando as partes da cara a través da arte: primeiro fixemos un fondo con acuarelas e logo mirándonos no espello, o noso autorretrato, que a profe axudounos a recortar e despois pegámolo. Mirade que ben nos quedaron!

Ademais, un compi tróuxonos un dente de verdade!, estivemos a falar sobre eles e aprendemos que temos sobre vinte ''dentes de leite'' que aos cinco anos comezarán a caerse para que outros poidan nacer... e recibamos a visita de alguén moi especial... pero iso algúns xa o sabiamos!  jeje. 

Tamén tratamos os hábitos saudables, xa que é moi importante coidar deles facendo un bo lavado de dentes todos os días e acudindo ó dentista cando o necesitamos. De feito, convertémonos en dentistas por un momento! Xogamos a modelar plastilina facendo as pezas dentarias e limpándolle as caries ó noso paciente...

E seguindo co proxecto do corpo humano comezamos a traballar as partes do corpo, buscando o vocabulario visto e escribindo a palabra ou recoñecéndoa, cortando e pegando. Coma sempre, cada un ó seu ritmo!

Por último, o venres montamos un cinema na nosa clase e viñeron os compis de tres e cinco anos a ver a película ``O Grúfalo´´, en galego. Gustounos moito e ademais aparecía unha chea de vocabulario de outono que viramos en clase.

Boa fin de semana familias!!

Ola familias!!

Esta semana seguimos avanzando no proxecto do corpo humano e xa comezamos coa decoración de Samaín, ademais doutras propostas. Estades preparados para velas? 

Na asemblea temos outra das rutinas que é identificar números nas casiñas. Ímolas presentando pouco a pouco e repasando as anteriores.

Esta semana identificamos as partes do corpo por fóra. Para iso traballamos o vocabulario previamente en galego e logo identificamos os carteis onde poñían os diferentes nomes e os colocamos nas partes correspondentes. Aquí traballamos lectoescritura, motricidade fina e concentración. Como sempre cada un/unha ao seu ritmo.

Tamén nos adentramos no mundo das minúsculas relacionando cada unha delas coa súa maiúscula. Algunha xa nos sonan, pero outra puidemos buscalas nun cartel para poder unilas todas.

E traballamos a coordinación óculo- manual, o equilibrio e o traballo en equipo construíndo pontes netre vasos con paus depresores para que os osiños puideran cruzar.

Tamén nos convertimos en artistas creando as nosas esculturas de outono usando arcilla e elementos naturais como follas, castañas, paus e piñas. Canto traballo de mans e creatividade!! Quedaron fermosas!!! 

E como podemos seguir traballando as mans e a coordinación óculo- manual? Pois colocando castañas en oveiras empregando as pinzas.

Ademais construimos un tren colocando os seus vagóns formando a recta numérica ata o 30; e que mellor maneira de facelo que traballando en equipo.

Esta semana tamén fomos en grupos mixtos aoa ambientes das tres clases. Nesta ocasión puidemos ir a outras propostas que os días anteriores non nos foi posible posto que unha das normas e respectar o turno e se hai outro compañeiro/ nunha actividade individual temos que esperar a que quede libre.

Tamén seguimos avanzando no proxecto de Perú. Primeiro repasamos o que coñecimos o día anterior e despois puidemos descubrir a súa moeda. Sabedes que se chama sol? Ademais identificamos os elementos máis importantes da súa flora: a árbore da Quina, a orquídea, o unlla de gato, a selva peruana e a cantuta, a súa flor nacional. 

Ao mesmo tempo que aprendemos todo isto imos preparando materiais para a exposición que faremos a finais de curso para o resto dos compañeiros/a do cole.  Nesta ocasión lle puxemos o nome a cada elemento da flora.

Nos momentos de xogo libre nos gusta facer quebracabezas.

Esta semana o conto foi "Sopa verde", no que a un coello só lle gustaban o alimentos desta cor. Despois da lectura falamos da historia e fixemos un debuxo da mesma. Algúns debuxamos só ao coello e outros máis animais da historia.

É importante saber clasificar e se ademais traballamos a motricidade fina e a coordinación óculo-manual moito mellor. Para iso clasificamos pompóns segundo a súa cor.

E seguimos coa conciencia fonolóxica, nesta ocasión cos fonemas D, P, M e F, rodeando os debuxos co nome que comezan por eses fonemas.

Sumas e outono é posible. Así tivemos que facer unhas sumas, empregando material manipulativo quen o precisase, para poder completar as bellotas. 

E xa comezamos coa decoración de Samaín, algo que nos fixo moita ilusión. Colocamos carteis, adornos nas fiestras, na asemblea e ata descubrimos elementos decorativos dun photocall e xogamos con eles.

Como proposta de arte tivemos que decorar o tronco dunha árbore con diferentes grafismos e logo, coas cores do outono, repasar o contorno da árbore seguindo ao mesmo tempo unha serie. Canta concentración, precisión e paciencia. 

E rematamos a semana compartindo cos compis de 3 e 4 anos unha sesión de cine. Nesta ocasión vimos o Grúfalo en galego, que por certo nos encantou.

Ah por certo, tamén levamos a cabo o préstamos de libros da biblioteca, fomentando sempre a autonomía. 

Ata a semana!!!

Ola familias!!! Outra semana de aprendizaxe superada.

Como vos ensinamos a semana anterior, gústanos moito traballar a lóxica - matemática na pantalla dixital. Cada día despois de terminar coa nosa rutina de asemblea facemos diferentes exercicios para traballar os números e outros conceptos como moitos - poucos, algún - ningún... É moi divertido!

Ademais, tamén fixemos diferentes actividades para traballar os mesmos contidos matemáticos. Algúns de nós traballamos o cálculo coa mesa de luz, poñéndolle á nosa árbore tantas follas como nos marcaba o dado que lanzabamos ao aire. Tamén usamos as pezas soltas para traballar o cálculo do 1 ao 5, mentres que outros repasamos algúns dos conceptos traballados anteriormente (moitos - poucos).

Unha das actividades máis divertidas desta semana foi cando fixemos un autorretrato con este quebracabezas, repasando así as diferentes partes da cara que xa coñeciamos: orellas, ollos, cellas, pestanas, boca, dentes...

Na clase de arte deixamos voar a nosa creatividade e formamos as nosas esculturas de outono, utilizando diferentes materiais de outono, entre os que estaban as castañas que saímos a recoller a semana anterior. Quedáronnos xenial!!

Non paramos cos números!! Estivemos a traballar o número 3, esta vez con castañas que nos sobraron das nosas esculturas. Ao terminar, repasamos na pantalla o número 1 e 2 que xa traballamos anteriormente e tamén o novo número 3.

Continuamos co noso proxecto sobre o corpo humano traballando as partes do corpo: cabeza, tronco, brazos, mans, pernas e pés. Unha das actividades que fixemos foi picar os nomes das partes do corpo traballadas para facer unha actividade a semana que vén... que será??

Para rematar con esta semana chea de aprendizaxe tivemos unha sesión de cine cos compis da clase da profe Noe e da profe Rocío. Vimos O Grúfalo e gustounos moito!!

Ola familias!! Comezamos un novo mes e con el chegan moitas cousas novas. Unha delas é que a nosa asemblea é cada vez máis completa, porque agora que xa levamos un mes no cole xa temos as rutinas aprendidas e toca descubrir cousas novas. Esta semana, o encargado ou encargada tiña que facer unha actividade de lóxica - matemática moi divertida na pantalla dixital, traballando conceptos como moitas, poucas, algunha, ningunha… 

Tamén seguimos a traballar co noso nome, e para iso fixemos unha actividade na que tiñamos que formar as letras que compoñen o noso nome con plastilina. Non foi nada doado, xa que tivemos que traballar moito coas nosas mans para poder moldear a plasti, traballando así motricidade fina á vez que aprendemos as nosas letras. 

Outra das novidades foi que comezamos a traballar o proxecto deste primeiro trimestre: o corpo humano. Primeiro fixemos unha choiva de ideas na asemblea sobre o que sabíamos do noso corpo: temos brazos e pernas, orellas, ollos, sangue, ósos... e tamén falamos daquilo que nos gustaría conocer, como por exemplo que temos dentro da cabeza, se temos sangue en todo o noso corpo ou como respiramos. 

O primeiro que comezamos a traballar sobre este proxecto son as partes da cara, polo que tivemos que facer esta actividade que veredes na que tiñamos que formar os nomes das partes da cara que aprenderamos pero cuns sellos con letras. 

Unha das novas que máis nos gustou foron os ambientes. Xunto cos nenos e nenas da clase da profe Noe e da profe Rocío, desfrutamos de diferentes ambientes nas tres aulas de educación infantil o martes, mercares e xoves en pequenos grupos heteroxeneos. Foi moi divertido porque coñecimos a nenos e nenas das outras clases de infantil e pasámolo moi ben xuntos. 

No ambiente de xogo simbólico tiñamos o Hospital A Laxe, onde estivemos curando aos compis que estaban enfermos, tiñamos termómetro, tiritas, vendas...

No ambiente de arte tiñamos papel continuo de cor branco e diferentes pinturas de dedos con cores de otoño onde deixamos voar a nosa imaxinación e creatividade para facer obras moi chulas. 

No minimundo tivemos unha paisaxe de outono chea de animais.

Na mesa sensorial tiñamos habas e diferentes figuras de outono, así como culleres, vasos, pinzas... 

No ambiente de reto tiñamos que intentar construir con LEGO algún dos modelos que tiñamos.

Outro ambiente que nos gustou moito foi o dos erizos, onde tiñamos que darlles de comer cunha culler.

No ambiente de vida práctica aprendimos a poñer a mesa.

E por último nos experimentos tivemos unha actividade moi difícil na que tiñamos que botar auga nuns botes intentando recrear as diferentes imaxes que tiñamos de modelo. 

Na aula tamén tivemos diferentes propostas ao longo da semana, como as seguintes nas que fixemos quebracabezas seguindo as secuencias, un memory de animais, ou a composición dos nosos nomes con depresores e letras móbiles. 

Xa casi para rematar, esta semana comezamos co préstamo de libros da biblioteca do cole. Xa levábamos moitos días preparándonos para este momento, xa que fumos a visitar a biblio e elixir os nosos contos e tamén estivemos decorando as nosas bolsas para levar os préstamos a casa na fin de semana. Para levar un control de que contos xa limos e cales non, cada neno ou nena deberá buscar o seu nome na libreta de préstamos de biblioteca que temos na aula e deberá tachar o conto que leva cada semana. 

Por último, fixemos unha pequena excursión ao patio do cole para recoller castañas e follas, xa que a semana que ven imos facer unha actividade moi guai para a que necesitaremos algúns materiais de outono como estes. 

Non queremos despedirnos sen recordar o aniversario dunha das nosas compis, Sofía! Celebrámolo o luns e coma sempre pasámolo moi ben bailando e cantando. 

Ata a semana que ven, familias!!

Ola familias!!!

Esta semana démoslle a benvida a outubro e ademais comezamos cos ambientes, grazas aos cales podemos estar en grupo cos compis de 3 e 4 anos e visitar as aulas da profe Inés e da profe Noe, nas que disfrutamos doutras propostas que elas vos amosarán.

Outra das novidades é que comezamos a facer restas e a profe está moi orgullosa de nós. Como sempre, quen o necesita pode usar material manipulativo.

Ao comezaor mes novoa, tamén lle dixemos adeus a setembro e por iso fixemos o rexistro do tempo. A encargada contou cantas arandelas había en cada tempo atmosférico e nós puxemos tantos gomets como ela dicía, ademais de apuntar o número. Para rematar escribimos o nome dos mes. Esta actividade a facemos en grande grupo para acostumarnos a facer actividades neste tipo de agrupamento e traballamos o conteo, a asociación de grafía- cantidade, a grafía dos números e a respectar o turno, pois compartimos gomets cada dous e tivemos que esperar a que o compañeiro/a rematase de usalos para poder facelo nós.

Ademais comezamos co proxecto do corpo humano, concretamente coas partes da cara. Primeiro traballamos o vocabulario da mesma cunhas tarxetas que nos amosou a profe e logo escribimos o nome de cada unha das partes, en galego, para avanzar no coñecemento da outra lingua oficial da nosa comunidade. Así fomentamos a lectoescritura, e como sempre adaptado ao nivel de cada un/unha.

Tamén traballamos a conciencia fonolóxica identificando imaxes que comezaban pola letra que aparecía na tarxeta, esta vez eran consoantes.

Outra das propostas estivo relacionada coa lóxica- matemática. Tiñamos unha morea de osiños no centro da tuff e varias casiñas con diferentes números nas portas. Nós tivemos que levar a cantidade de osiños exacta a cada casa. Desta forma afianzamos a asociación de grafía - cantidade.

Tamén tivemos que completar a táboa do 100 traballando en equipo.

A semana pasada limos co conto de "El ladrón de hojas" e esta semana tivemos que ordear cronolóxicamente unha imaxes do conto, traballando así a memoria, para ver do que nos acordábamos da historia, e tamén a secuencia cronolóxica.

Grazas a vós, familias, temos xa moito material no recuncho do proxecto e xa estivemos manipulándoo.

E chegou o día dos ambientes. Lévamolos a cabo os martes, mércores e xoves, estando cada un dos días nunha clase diferente na que poderemos desfrutar de propostas moi interesantes para traballar en equipo, afianzar contidos, seguir avanzando na motricidade fina...

Na nosa clase as propostas son as seguintes:

- Formar as letras ou números con pezas de diferentes cores e lonxitudes.

- Realización de series con elementos do outono seguindo uns patrón dados, pero adiviñando que elementos segue despois.

- Mesa sensorial con garavanzos de cores do outono e piñas, traballando os trasvases e a coordinación óculo- manual, pero tamén o desfrute do tempo cos compañeiros/as.

- A pizzería: neste recuncho podemos deixarnos levar e ser pizzeros/as e preparar pizzas de diferentes tamaños, con diferentes ingredientes e por suposto cobralas, jeje. Nesta proposta non só damos renda solta ao xogo simbólico, senón que tamén traballamos a lóxica matemática, pois temos tarxetas con pizzas e uns ingredientes concretos (4 champiñóns, 8 aceitunas,, 3 rodaxas de tomate...). E por suposto tamén as metemos no forno. 

- Minimundo: pobo de outono no que temos árbores, castañas, canciños, nims e no desenvolvemos a nosa creatividade e imaxinación.

- Proposta de arte: decorar debuxos de elementos do outono con cores desta estación e traballando o puntillismo (dámoslle cor con puntiños de cores). Ademais aquí está moi presente a concentración.

- Proposta científica: podemos conseguir cores do outono (laranxa e marrón) mesturando cores como o amarelo, vermello e verde? Pois iso é o que tiñamos que facer nesta proposta: mesturar auga destas cores usando as pipetas e botándoa en discos desmaquillantes. Temos que dicir que conseguimos o marrón, pero na auga que caeu na tuff. Canto traballo de coordinación óculo- manual e atención!!

- Reto: formar a figura da imaxe cos tubos. Como vedes tamén algún compi o conseguiu. 

- Vida práctica: moer café de forma manual. Esta actividade foi a que máis éxito tivo, estando moitos dos nosos compañeiros/as nela bastante tempo. É unha actividade individual, posto que se xa hai alguén nela os demais temos que esperar, respectando o turno e traballando o tempo en espera. Pero tamén podemos axudar ao compañeiro/a posto que hai que facer bastante forza para moer o café e necesitamos empregar as dúas mans, así un compi nos suxeita o molinillo e nós xiramos a manivela. Ademais tamén traballamos os trasvases ao botar o café no molinillo e logo no tarro.

Ás veces, o café cae ao chan e dentro da vida práctica tamén está varrer e recoller o lixo.

O mércores a profe Laura leunos o conto "A cousa que máis doe do mundo" e falamos das verdades e mentiras, o valor deste mes de outubro. Despois deunos diferentes imaxes e nós tiñamos que clasificalas en verdades e mentiras, como por exemplo unha mazá azul ou unha árbore verde.

Aproveitando que o venres non choveu fomos a recoller castañas, follas e paus pequeniños para unha actividade que imos facer a semana que ven.

E como esta semana nos centramos na cara, fixemos un autorretrato mirándonos nun espello. Despois démoslle cor con acuarelas e tamén pintamos o marco como quixemos, traballando a toma de decisións e a representación da nosa cara.

As simetrías son importantes e por iso completamos unha folla e unha cabaza, démoslle cor e escribimos o seu nome en galego.

Vos gustan os sudokus? Nós non sabiamos o que eran, pero cando a profe nolos explicou e comezamos a facer un coas cores do outono pronto comprendemos a dinámica. A concentración, a atención e o razoamento son moi importantes para poder realizalo.

E como sabedes esta semana comezamos co préstamo de libros da biblioteca. Este curso hai unha novidade: somos nós mesmos os que facemos o rexistro. Temos un libro onde en cada páxina aparece o nome dun/dunha de nós e as imaxes dos contos que fomos coller á biblioteca. O que facemos é escoller un libro, buscar a súa imaxe e rodeala, para saber que ese xa o levamos e outro día non podemos repetir. Canta autonomía!!!

Boa fin de semana familias!!!