CEIP PLURILINGÜE A LAXE

Ola familias!!

Esta semana foi curta, pero chea de actividades tanto na nosa clase como co resto dos compañeiros/as do cole.

Como sabedes, na asemblea levamos a cabo moitas actividades, e unha delas é pasar lista. Despois poñemos na pantalla Casa e Cole, contamos os compañieros/as que hai en cada espazo e anotamos o número, reforzando a grafía do número. A continuación poñemos o símbolo que representa os conceptos maior que/menor que, que é a boca do crocodilo.

Esta semana seguimos con propostas de Samaín e unha delas, para avanzar nos contidos de lectoescritura, foi completar as palabras de vocabulario de nada coas vogais que faltaban. Con esta actividade tamén traballamos a conciencia fonolóxica.

Outra das propostas para introducirnos na lectura foi identificar nunha tarxeta onde aparecía escrito o nome da imaxe que había nela, para iso tiñamos que intetar ler as dúas palabras, pois a profe foi moi pilla e a diferenza entre as palabras era pouca.

Tamén montamos quebracabezas coa temática de Samaín ordeando os números ou as vogais en minúscula, traballando a atención e a concentración.

Como sabedes as actividades están adaptadas ao nivel de cada un/unha. Aquí a nosa compi coloca as boliñas segundo a súa cor.

Tamén seguimos avanzando na escritura do noso nome en minúscula.

est

E como traballamos as nosas mans? Pois coa plastilina, que nos encanta. Esta vez era de cor morada e tiñamos moldes de pantasmas, morcegos, cabazas...

Estivemos reforzando o conteo e a grafía dos números contando cantos elementos había de cada tipo nun caldeiro de bruxa e anotando o resultado. Os elementos estaban colocados dispersos polo caldeiro, polo que nos tiñamos que fixar ben e concentrarnos.

E coa profe Laura creamos un monstro. Para iso collemos unha cantidade de pintura mesturada con auga cunha pipeta e a botamos nunha cartolina. Despois, coa axuda dunha palliña e traballando o soplo e a respiración, creamos un monstro dispersando a cor polo papel.

O martes, cando chegamos á clase tiñamos un vídeo onde Sira, unha persoa creada con intelixencia artificial, nos pedía axuda para salvar o Samaín. E como nós sempre estamos dispostos a axudar alí nos xuntamos por equipos cos compañeiros/as do resto das clases para resolver unhas pistas que nos permitiron obter unha información que empregamos no obradoiro de historia terrorífica do mércores para crear unha historia. Podedes ver na páxina principlal do cole algunhas fotos deste Escape Room.

Mentres non era o noso turno para ir á biblioteca seguimos realizando as propostas da aula. Cos pinchos e traballando a motricidade fina e a coordinación óculo manual creamos elementos de Samaín: moitos fixemos cabazas.

O mesmo cos abalarios pequeniños de moitas cores, onde a precisión, a paciencia e a concentración ten que ser maior. Aquí tamén houbo cabazas e ata homes lobo.

E coa profe Laura reforzamos todo o anterior, pero traballando tamén a asociación de grafía cantidade, pois tiñamos que poñer tantos abalarios nuns limpapipas como indicaba o número que tiña nun extremo.

                                                        

Vos acordades dos monstros que fixemos antes? Pois ao día seguinte, despois de agardar a que secasen, lles puxemos ollos, e lles debuxamos os brazos, mans, pernas e pés. Algunha compi ata lle fixo un laciño. 

E traballamos a nosa creatividade facendo un debuxo de Samaín de forma libre. Aquí a profe pode ver que cores empregamos, como usamos o espazo no papel, o tamaño dos debuxos, a súa relación coa realidade...

A semana que ven temos o aniversario de dous compañeiros que xa deixaron lista a súa coroa.

Aquí podedes ver fotos da clase do psicomotricidade co profe Roberto. Nesta ocasión empregamos zancos e pelotas para tirar conos como se fosen bolos.

E chegou o día de celebrar o Samaín, día no que fomos disfrazados.

Repartidos por equipos (morcegos, cabazas, bruxas, curuxas e pantasmas) realizamos diversos obradoiros como psicomotricidade de terror, coroas de flores, monstros sensoriais, historias terroríficas e cociña terrorífica. Pasámolo xenial!!!

E para rematar o día a ANPA deunos uns agasallos  Moitas grazas!!!!

Vémonos o luns. Desfrutade destes días!!! 

Ola familias!!

Esta semana o Samaín estivo moi presente en moitas das propostas de aula, pero tamén tivemos tempo para seguir co proxecto do corpo humano e moito máis.

Na asemblea engadimos unha tarefa máis para o encargado/a: formar un número con decenas e unidades. Para iso primeiro falamos do que era unha decena e formamos cada un/unha de nós unha con paus depresores de cores.

Tendo listo iso, xa podemos formar calquera número.

Ademais tamén lembramos e repasamos o que nos contou a mamá de Pepa o venres pasado. E que mellor forma de facelo que de forma manipulativa ordeando todo o proceso do embarazo, desde que se unen óvulo e espermatozoide, ata o momento do parto, pasando por cada mes de embarazo.

Tamén limos algún dos libros que nos deixou a mamá de Pepa, lembrando e reforzando o aprendido. 

Outra das propostas foi desconxelar ollos que estaban en bloques de xeo con formas de Samaín. Para iso empregamos as pipetas e auga, botádolle pingas de auga ao bloques de xeo para que se desconxelasen. Canto traballamos as mans neste tipo de actividades, sen esquecer a paciencia e a concentración.

Ç

E seguimos reforzando a orientación espacial, a direccionalidade e o pensamento computacional, con esta proposta na que partindo dunha imaxe de Samaín e tendo en conta as flechas, tiñamos que seguir dito percorrido nun panel ata ver ata que outra imaxe chegábamos, e buscala entre outras moitas.

Ç

Conteo, subitización, asociación de grafía- cantidade estiveron moi presentes nesta proposta onde tiñamos que tirar os dados, contar ou identificar a cantidade que aparecía e poñer tantas pantasmas como indicaba o dado. Tamén podemos observar en que fase do conteo nos atopamos e poder seguir avanzando.

Outra das novidades desta semana foi que comezamos a aprender a escribir o noso nome en minúscula. Primeiro a profe nos indicaba o camiño a seguir en cada letra e logo o intentamos nós. Somos uns campións e campioas!!

Como xa vimos como vai cambiando o bebé durante o embarazo, tamén tiñamos que ver como cambiamos nós ao longo deste 5 anos. Así que, grazas ás familias que nos deixaron unha fotos de cando nós éramos máis pequerrechos e coas fotos que ten a profe de nós destes casi 3 anos en infantil, fixemos unha actividade de secuenciar o noso crecemento, pero antes tivemos que buscar as nosas fotos entre todas as que estaban dispersas pola aula.

Xa despois as ordeamos e as pegamos nuha folla para poder deixar rexistro. Que importante é saber ordear de forma cronolóxica unha imaxes para comprender o paso do tempo.

Esta semana tamén houbo un minimundo dun cemiterio con pantasmas, vampiros, gatos e ata un ataúde, no que puidemos desfrutar e desenvolver a nosa imaxinación e o disfrute do tempo cos nosos compañeiros/as.

As torres de cabazas con diferentes expresións permitíronnos traballar a atención, a concentración e a paciencia. Casi nos custou un pouco máis devolver cada cabeza ao seu recipiente que crear a torre.

Como proposta de lectoescritura para seguir avanzado neste senso, tivemos que formar o nome de obxectos de Samaín coas letras dadas.

Tamén preparamos os nosos marcadores para cando collamos un libro na biblioteca do cole, poidamos saber quen o colleu e onde o ten que volver colocar cando o devolva.

Con respecto ao proxecto de Perú, esta semana rematamos unhas tarefas que tiñamos pendentes como decorar a bandeira con papel de celofán, recortando anaquiños pequenos e pegándoos, ademais de darlle nome a cada ser vivo da fauna deste país que coñecimos a semana pasada, e sempre traballando en equipo. Así, lembramos o traballado ata este momento e reforzamos as nosas mans e a lectoescritura.

E chegou o 24 de outubro, Día das Bibliotecas. Grazas á profe Andrea puidemos coñecer como se organiza este espazo, como temos que deixar todo, cumprindo así as normas, e como usamos os marcadores que elaboramos o día anterior.

Este día tamén tivemos tempo para crear figuras terroríficas co lego, traballar a direccionalodade e a coordinación óculo manual coas labirintos, e a atención buscando as 3 diferenzas entre dúas imaxes.

En valores, demos por rematado o mes da Verdade e Mentira, e para iso distinguimos entre unha e outra e fixemos debuxos verdadeiros ou falsos, que os demais tiñan que dicir de qué se trataba.

Os trasvases son moi importantes no noso desenvolvemento, pois nos permiten traballar a coordinación óculo manual e aumentar as destrezas coas nosas mans, aspectos importantes para a escritura. Así, puidemos xogar co arroz e os botes de cabazas para enchelos e vacialos cantas veces quixeramos.

Seguimos coa atención con este lince de Samaín, no que atopamos moitisimos elementos.

E xogamos a un xogo de mesa coa temática principal desta semana, na súa versión do memory. O xogo chámase "El castillo del terror" no que tiñamos que cazar monstros conseguindo 1, 2, 3 ou máis elementos como linternas, apócemas, cadeas... Pero estes elementos estaban boca abaixo escondidos. Se lle dábamos a volta a unha carta e aparecía un elemento que necesitábamos seguiamos collendo, senón as volteamos outra vez e pasaba ao seguinte xogador. Pero que pasa se un de nós lle daba a volta a un elemento que necesitaba outro comapñeiro/a, pois que este tiña que estar moi atento para poder darlle a volta e conseguir cazar ao seu monstro. Temos que dicir que algúns monstros foron capturados. 

Que importante e saber xogar en compañía doutros e sempre respectando as normas.

A lectura desta semana foi "El fantasma de las bragas rotas", do cal despois fixemos un debuxo para que a profe poida ver como empregamos o espazo no papel, a comprensión lectora e o uso das cores. A maioría debuxou á pantasma e a avoa, a que salvou a Villa Pesadilla.

As mandalas permiten desenvolver a creatividade, e nesta ocasión creamos unhas con elementos de Samaín como arañas, cucuarachas, gusanos e moscas.

Nesta proposta de lectoescritura seguimos afianzando a conciencia fonolóxica, identificando a inicial de diferentes imaxes de Samaín, algún/algunha incluso formou palabras enteras.

Buscar imaxes ocultas nos gusta e iso tivemos que facer nesta proposta. Coa axuda da linterna dun móbil, víamos a imaxe, e logo buscabamos o seu nome, avanzando pouco a pouco na lectura.

Como proposta de arte, decoramos as vendas dunha momia con grafismos creativos de diferentes cores. Pero para saber que grafismo realizar xiramos un dado na pantalla e segundo o número que saise faciamos triángulos, liñas, círculos...

E para rematar o día, acudimos ao mercadillo que os nosos compis de 3º e 4º montaron para recaudar fondos. Tiñan pulseiras, chaveiros, pintaban as unllas... Unha experiencia diferente.

Vémonos a próxima semana que é curta pero intensa, jeje.

Ola familias!!!

Aquí estamos de novo para contarvos todo o acontecido esta semana, que non foi pouco.

Como sabedes a nosa asemblea é moi completa, e outra das rutinas que temos é escribir unha palabra que comece pola letra que nos puxo a profe na pizarra, despois de dicir como soa dita letra.

E seguimos facendo actividades de ABN na pizarra dixital.

Ademais tamén estamos lendo este libro no que aparece unha historia para cada letra do abecedario. Despois de lela dicimos palabras que comecen por dita letra e coñecemos a sua minúscula, avanzando tamén na conciencia fonolóxica.

O luns comezamos decorando mandalas de outono con elementos desta estación, traballando a atención, a creatividade, a motricidade fina, a paciencia...

Tamén traballamos a lectoescritura formando o nome de obxectos do outono con letras dadas.

E cada un dos equipos nos que nos dividimos para levar a cabo as diferentes propostas tivo que realizar diferentes tarefas nesta proposta que vos imos amosar. 

O primeiro equipo tiña que debuxar a silueta dun compañeiro/a, pero quen sería o modelo? Como non nos poñiamos dacordo decidimos xogalo a pedra, papel, tesoira e gañou Roque, sendo el o noso modelo mentres nós lle repasabamos a silueta con lapis.

Aquí fomentamos o traballo en equipo, a toma de decisións, repaso do que levamos traballado do corpo humano e a paciencia e concentración.

Outro dos equipos debuxoulle as partes da cara e outras partes que considerba que tiña que ter, como por exemplo as unllas.

E o último equipo deulle cor a esa silueta tan chula.

Despois do recreo realizamos outras propostas como a de tirar un dado e rodear tantos puntos dunha folla como indicaba o dado; desta forma traballamos subitización (dicir o número de elementos que hay nun conxunto sen contalos), o conteo, a motricidade fina e a atención.

Xogamos ca platilina para que as nosas mans sigan collendo forza.

E traballamos a orientación espacial e a atención colocando elementos de outono nunha plantilla de cadrado segundo o modelo.

Esta semana tamén recibimos unha carta que non esperabamos. Límola e que dicía? Pois que tiñamos que descubrir que nos enviara a carta tendo en conta unhas pistas. E por que a carta? Pois para celebrar o Día das Escritoras, que se celebra o luns anterior ao 15 de outubro. Limos as pistas e cunha delas Roque nos dixo que a súa irmá tiña un conto na casa que cumplia esa pista (a súa protagonista chámase como a muller da que celebramos o seu día o 23 de febreiro). E quen é? Rosalía de Castro. 

Entón buscamos en internet o libro que nos dixera o noso compañeiro e descubrimos que a súa escritora era Paula Merlán, a cal nos visitou fai uns aniños. 

Para traballa a memoria e a atención xogamos a un memory do corpo humano.

E comezamos cos xogos de mesa. Nesta ocasión coñecemos o xogo de Galletas no que lle temos que dar de comer ao noso mosntruo tódolos alimentos que aparecen, e para iso temos que seguir unhas indicacións ata chegar a un alimento. O máis rápido en identificalo o leva. Con este xogo traballamos a atención e os movementos sacádicos (movementos rápidos que realizan os ollos para ir dun punto fixo ao seguinte, durante a fixación se len s letras ou palabras), tan importantes para a lectura, sen esquecer o respecto das normas.

E asociamos grafía - cantidade poñendo tantos pompóns como indica a nube.

Seguimos avanzando o proxecto de centro e coñecendo máis de Perú. Esta semana coñecemos a súa fauna e vimos un vídeo do zoo de Huachipa para coñecer que animais hai alí.

A atención é tan importane que realizamos unha ctividade na que tiñamos que unir uns obxectos coas súas sombras.

Nesta proposta que vedes tivemos que escoller tres obxectos do outono dunha bandexa, debuxalos, clorealos e escribri o seu nome, fomentando a concentracións, a representación dun obxecto, a creatividade e a lectoescritura.

E para que queriamos a silueta que fixemos o luns? Para poder situar nela os nomes das partes da cara e do corpo que levamos traballados, avanzando así na lectura pois o que tiñamos que facer era intentar ler un cartel co nome dunha parte do corpo e situala no seu lugar correspondente.

Estamos como locos co Samaín e esta semana decoramos a porta da nosa clase, realizanso ollos terroríficos de diferentes cores e tamaños e pegándoos na porta, quedou que da medo, jeje. Canto traballo de motricidade fina e creatividade.

Na sesión de valores seguimos coa verdade e a mentira e nesta ocasión tivemos que deixarnos levar por un circuito por un dos nosos comapñeiros/as e confiar en que nos dicía a verdade e non quería que chocáramos. Tamén xogamos a 1, 2, 3 zapatito quieto é, no que non facer trampas e estar moi quiero é a estratexia para chegar ao final.

Na proposta das simetrías tivemos que atopar as dúas metades duns paus depresores con diferentes figuras e cores e xuntalas, traballando a atención e a concentración.

E pintamos un fondo de outono con globos, cada un/ unha como máis lle gustaba, desenvolvendo a creatividade e a toma de decisións.

Mentres que uns/unhas pintaban con globos outros nos debuxabamos nunha folla en branco e logo repasabamos o debuxo con rotulador negro. Aquí traballamos a representación do esquema corporal de forma complete e se é con detalles moito mellor.

Esta semana tamén fixemos por primeira vez este curso o debuxo dunha descrición. A profe no la ía dicindo e nós a fomos representando, traballando a escoita activa, a comprensión lectora, a descrición en sí e a concentración.

E chegou o venres, día no que contamos cunha visita moi especial: María, a mamá de Pepa e Julia (unha compañeira de 3 anos), que nos veu a falar do embarazo e nos trouxo uns materiais moi interesantes. 

Contounos todo o que é necesario para que un bebé se forme.

Explicounos cun xogo como se produce a unión entre óvulo e espermatozoide. No noso caso ían saír xemelgos, jeje.

Vimos como vai cambiando o bebé ao longo de todo o embarazo.

Como soa o latexo do corazón dun bebé.

E algúns compañeiros/as escoitaron o seu grazas a un aparato. 

Puidemos ver e sentir como está un bebé dentro da barriga da súa mamá.

E como nos alimentamos e respiramos dentro da barriga de mamá? Pois a través do cordón umbilical.

Cando nacemos poñénnos unha pinza e nolo cortan e así o fixo o noso compañeiro. 

E pasados os 9 meses o bebé nace, sendo moi importante o contacto pel con pel coa súa nai e co seu pai. E é importante que non colla frío, por iso se lle pon un gorriño na cabeza e así o fixemos nos bonecos que nos trouxo.

Que importante é manipular e experimentar para aprender!!

E ata nos deixpu unha morea de libros sobre este tema que miramos a vindeira semana. 

Moitas grazas por vir!!!  Encantounos a visita!! 

Despois rematamos a actividade que fixeramos o día anterior: cortamos a nosa representación do esquema corporal e a pegamos no fondo que pintamos con globos.

Outra das propostas consistiu en unir puntos con cores do outono realizando liñas verticais e horizontais, traballando así a coordinacion óculo manual e a grafomotricidade.

Despois decoramos unha cabaza con gomets e a picamos, para, por último, pegala no fondo de liñas que fixeramos antes.

E como sucedue a semana pasada, esta tamén a rematamos cunha sesión de cine, nesta ocasión era "A filla do Grúfalo".

Ata a semana familias!! Que cremos que vai ser un pouco terrorífica, jeje.

Ola familias!!

Esta semana seguimos avanzando no proxecto do corpo humano e xa comezamos coa decoración de Samaín, ademais doutras propostas. Estades preparados para velas? 

Na asemblea temos outra das rutinas que é identificar números nas casiñas. Ímolas presentando pouco a pouco e repasando as anteriores.

Esta semana identificamos as partes do corpo por fóra. Para iso traballamos o vocabulario previamente en galego e logo identificamos os carteis onde poñían os diferentes nomes e os colocamos nas partes correspondentes. Aquí traballamos lectoescritura, motricidade fina e concentración. Como sempre cada un/unha ao seu ritmo.

Tamén nos adentramos no mundo das minúsculas relacionando cada unha delas coa súa maiúscula. Algunha xa nos sonan, pero outra puidemos buscalas nun cartel para poder unilas todas.

E traballamos a coordinación óculo- manual, o equilibrio e o traballo en equipo construíndo pontes netre vasos con paus depresores para que os osiños puideran cruzar.

Tamén nos convertimos en artistas creando as nosas esculturas de outono usando arcilla e elementos naturais como follas, castañas, paus e piñas. Canto traballo de mans e creatividade!! Quedaron fermosas!!! 

E como podemos seguir traballando as mans e a coordinación óculo- manual? Pois colocando castañas en oveiras empregando as pinzas.

Ademais construimos un tren colocando os seus vagóns formando a recta numérica ata o 30; e que mellor maneira de facelo que traballando en equipo.

Esta semana tamén fomos en grupos mixtos aoa ambientes das tres clases. Nesta ocasión puidemos ir a outras propostas que os días anteriores non nos foi posible posto que unha das normas e respectar o turno e se hai outro compañeiro/ nunha actividade individual temos que esperar a que quede libre.

Tamén seguimos avanzando no proxecto de Perú. Primeiro repasamos o que coñecimos o día anterior e despois puidemos descubrir a súa moeda. Sabedes que se chama sol? Ademais identificamos os elementos máis importantes da súa flora: a árbore da Quina, a orquídea, o unlla de gato, a selva peruana e a cantuta, a súa flor nacional. 

Ao mesmo tempo que aprendemos todo isto imos preparando materiais para a exposición que faremos a finais de curso para o resto dos compañeiros/a do cole.  Nesta ocasión lle puxemos o nome a cada elemento da flora.

Nos momentos de xogo libre nos gusta facer quebracabezas.

Esta semana o conto foi "Sopa verde", no que a un coello só lle gustaban o alimentos desta cor. Despois da lectura falamos da historia e fixemos un debuxo da mesma. Algúns debuxamos só ao coello e outros máis animais da historia.

É importante saber clasificar e se ademais traballamos a motricidade fina e a coordinación óculo-manual moito mellor. Para iso clasificamos pompóns segundo a súa cor.

E seguimos coa conciencia fonolóxica, nesta ocasión cos fonemas D, P, M e F, rodeando os debuxos co nome que comezan por eses fonemas.

Sumas e outono é posible. Así tivemos que facer unhas sumas, empregando material manipulativo quen o precisase, para poder completar as bellotas. 

E xa comezamos coa decoración de Samaín, algo que nos fixo moita ilusión. Colocamos carteis, adornos nas fiestras, na asemblea e ata descubrimos elementos decorativos dun photocall e xogamos con eles.

Como proposta de arte tivemos que decorar o tronco dunha árbore con diferentes grafismos e logo, coas cores do outono, repasar o contorno da árbore seguindo ao mesmo tempo unha serie. Canta concentración, precisión e paciencia. 

E rematamos a semana compartindo cos compis de 3 e 4 anos unha sesión de cine. Nesta ocasión vimos o Grúfalo en galego, que por certo nos encantou.

Ah por certo, tamén levamos a cabo o préstamos de libros da biblioteca, fomentando sempre a autonomía. 

Ata a semana!!!

Ola familias!!!

Esta semana démoslle a benvida a outubro e ademais comezamos cos ambientes, grazas aos cales podemos estar en grupo cos compis de 3 e 4 anos e visitar as aulas da profe Inés e da profe Noe, nas que disfrutamos doutras propostas que elas vos amosarán.

Outra das novidades é que comezamos a facer restas e a profe está moi orgullosa de nós. Como sempre, quen o necesita pode usar material manipulativo.

Ao comezaor mes novoa, tamén lle dixemos adeus a setembro e por iso fixemos o rexistro do tempo. A encargada contou cantas arandelas había en cada tempo atmosférico e nós puxemos tantos gomets como ela dicía, ademais de apuntar o número. Para rematar escribimos o nome dos mes. Esta actividade a facemos en grande grupo para acostumarnos a facer actividades neste tipo de agrupamento e traballamos o conteo, a asociación de grafía- cantidade, a grafía dos números e a respectar o turno, pois compartimos gomets cada dous e tivemos que esperar a que o compañeiro/a rematase de usalos para poder facelo nós.

Ademais comezamos co proxecto do corpo humano, concretamente coas partes da cara. Primeiro traballamos o vocabulario da mesma cunhas tarxetas que nos amosou a profe e logo escribimos o nome de cada unha das partes, en galego, para avanzar no coñecemento da outra lingua oficial da nosa comunidade. Así fomentamos a lectoescritura, e como sempre adaptado ao nivel de cada un/unha.

Tamén traballamos a conciencia fonolóxica identificando imaxes que comezaban pola letra que aparecía na tarxeta, esta vez eran consoantes.

Outra das propostas estivo relacionada coa lóxica- matemática. Tiñamos unha morea de osiños no centro da tuff e varias casiñas con diferentes números nas portas. Nós tivemos que levar a cantidade de osiños exacta a cada casa. Desta forma afianzamos a asociación de grafía - cantidade.

Tamén tivemos que completar a táboa do 100 traballando en equipo.

A semana pasada limos co conto de "El ladrón de hojas" e esta semana tivemos que ordear cronolóxicamente unha imaxes do conto, traballando así a memoria, para ver do que nos acordábamos da historia, e tamén a secuencia cronolóxica.

Grazas a vós, familias, temos xa moito material no recuncho do proxecto e xa estivemos manipulándoo.

E chegou o día dos ambientes. Lévamolos a cabo os martes, mércores e xoves, estando cada un dos días nunha clase diferente na que poderemos desfrutar de propostas moi interesantes para traballar en equipo, afianzar contidos, seguir avanzando na motricidade fina...

Na nosa clase as propostas son as seguintes:

- Formar as letras ou números con pezas de diferentes cores e lonxitudes.

- Realización de series con elementos do outono seguindo uns patrón dados, pero adiviñando que elementos segue despois.

- Mesa sensorial con garavanzos de cores do outono e piñas, traballando os trasvases e a coordinación óculo- manual, pero tamén o desfrute do tempo cos compañeiros/as.

- A pizzería: neste recuncho podemos deixarnos levar e ser pizzeros/as e preparar pizzas de diferentes tamaños, con diferentes ingredientes e por suposto cobralas, jeje. Nesta proposta non só damos renda solta ao xogo simbólico, senón que tamén traballamos a lóxica matemática, pois temos tarxetas con pizzas e uns ingredientes concretos (4 champiñóns, 8 aceitunas,, 3 rodaxas de tomate...). E por suposto tamén as metemos no forno. 

- Minimundo: pobo de outono no que temos árbores, castañas, canciños, nims e no desenvolvemos a nosa creatividade e imaxinación.

- Proposta de arte: decorar debuxos de elementos do outono con cores desta estación e traballando o puntillismo (dámoslle cor con puntiños de cores). Ademais aquí está moi presente a concentración.

- Proposta científica: podemos conseguir cores do outono (laranxa e marrón) mesturando cores como o amarelo, vermello e verde? Pois iso é o que tiñamos que facer nesta proposta: mesturar auga destas cores usando as pipetas e botándoa en discos desmaquillantes. Temos que dicir que conseguimos o marrón, pero na auga que caeu na tuff. Canto traballo de coordinación óculo- manual e atención!!

- Reto: formar a figura da imaxe cos tubos. Como vedes tamén algún compi o conseguiu. 

- Vida práctica: moer café de forma manual. Esta actividade foi a que máis éxito tivo, estando moitos dos nosos compañeiros/as nela bastante tempo. É unha actividade individual, posto que se xa hai alguén nela os demais temos que esperar, respectando o turno e traballando o tempo en espera. Pero tamén podemos axudar ao compañeiro/a posto que hai que facer bastante forza para moer o café e necesitamos empregar as dúas mans, así un compi nos suxeita o molinillo e nós xiramos a manivela. Ademais tamén traballamos os trasvases ao botar o café no molinillo e logo no tarro.

Ás veces, o café cae ao chan e dentro da vida práctica tamén está varrer e recoller o lixo.

O mércores a profe Laura leunos o conto "A cousa que máis doe do mundo" e falamos das verdades e mentiras, o valor deste mes de outubro. Despois deunos diferentes imaxes e nós tiñamos que clasificalas en verdades e mentiras, como por exemplo unha mazá azul ou unha árbore verde.

Aproveitando que o venres non choveu fomos a recoller castañas, follas e paus pequeniños para unha actividade que imos facer a semana que ven.

E como esta semana nos centramos na cara, fixemos un autorretrato mirándonos nun espello. Despois démoslle cor con acuarelas e tamén pintamos o marco como quixemos, traballando a toma de decisións e a representación da nosa cara.

As simetrías son importantes e por iso completamos unha folla e unha cabaza, démoslle cor e escribimos o seu nome en galego.

Vos gustan os sudokus? Nós non sabiamos o que eran, pero cando a profe nolos explicou e comezamos a facer un coas cores do outono pronto comprendemos a dinámica. A concentración, a atención e o razoamento son moi importantes para poder realizalo.

E como sabedes esta semana comezamos co préstamo de libros da biblioteca. Este curso hai unha novidade: somos nós mesmos os que facemos o rexistro. Temos un libro onde en cada páxina aparece o nome dun/dunha de nós e as imaxes dos contos que fomos coller á biblioteca. O que facemos é escoller un libro, buscar a súa imaxe e rodeala, para saber que ese xa o levamos e outro día non podemos repetir. Canta autonomía!!!

Boa fin de semana familias!!!