CEIP PLURILINGÜE A LAXE

Ola familias!!!

Esta semana chegou o bo tempo e iso nos gusta moito. Ademais seguimos avanzando no proxecto dos volcáns e realizamos actividades sobre a primavera.

Tivemos propostas de lóxica matemática como esta nas que os peques da clase tiñan que poñer tantos amorodos como indicaba o número, traballando así grafía-cantidade e a motricidade fina.

Os maiores seguimos avanzando nas sumas e restas.

E os peques de 4 anos reforzamos formar números con deceas e unidades.

Ademais rematamos iso que comezamos a semana pasada e que algún non o puidera facer. Xa sabedes o que é? 

Unha das propostas de arte desta semana foi facer flores. O primeiro que tivemos que facer foi marcar o contorno dos pétalos con rolos de papel hixiénico e témpera de cores, traballando a concentración, a atención o control óculo- manual...

E seguimos coñecendo moito de China, nesta ocasión os medios de transporte. Sabíades que teñen unhas bicicletas moi chulas cunha especie de sofá detrás?

Con relación ao proxecto dos volcáns, esta semana coñecimos a profesión de vulcanóloga/o e os utensilios que necesita para realizar o seu traballo. Despois o maiores da clase intentaron ler unhas tarxetiñas co nome deses utensilios e poñelas debaixo do obxecto correspondente, iniciándose así na lectoescritura. E os peques de 3 anos formamos o nome deses utensilios.

E como di o título desta entrada do blogue, esta semana houbo actividades sobre as flores e imos realizar un flipbook con algunhas delas, así que o primeiro que fixemos foi a portada formando a palabra "flores" buscando as letras en xornais, recortándoas e pegándoas, traballando a lecto escritura, as tesoiras, a concentración, a atención...

Para realizar outra das propostas de lectoescritura tivemos que usar a ruleta. Así fixémola xirar, anotamos a letra que saía e escribimos unha palabra que comezase por ela.

Os máis peques seguimos afianzando esa conciencia fonolóxica, tan importante para a iniciación na lectoescritura.

Esta semana tamén pintamos con rotulador unha imaxe en madeira relacionada coa primavera, pero antes tivemos que escoller unha entre todas, estando moi presente a toma de decisións, aspecto importante na nosa vida.

E seguimos coa lóxica matemática: os maiores formaron a táboa do 100 por parellas (traballando en equipo) e logo por turnos tiñan que atopar o número que lle indicaba o compañeiro/a.

Outro grupo afianzamos as sumas.

E os máis peques seguimos interiorizando a grafía dos números, pero esta vez con osiños de cores.

Esta seguimos traballando a saúde. Nesta ocasión falamos da importancia de levar unha alimentación saudable. Despois elaboramos un nutriplato cos alimentos e proporcións que ten que ter e outros compañeiros/as botaron unha partida ao xogo da hixiene bucal.

E chegou o venres, día no que as propostas foron de lectoescritura formando as palabras da imaxe con este xogo que temos na clase.

Rematamos o debuxo das flores que fixemos o luns porque tivemos que esperar a que secara a témpera. Nesta ocasión coloreamos con cera o interior dos pétalos intentando non saírnos, polo que tivemos que estar tranquilos/as e concentrados/as. Para finalizar lle fixemos o talo e se queriamos as follas.

E co bo tempo que fixo saímos a merendar fóra.

Esta semana limos o conto do "El hotel para bichitos" que trata o respecto aos demais porque todos somos diferentes e iso fainos únicos/as. Logo, como sempre, fixemos un debuxo sobre a historia.

E para rematar a semana comezamos a ver a película dos Octonautas e o cinturón de fuego na que fala dos volcáns.

Boa fin de semana!!!!

Ola familias!!! 

Despois das vacacións volvemos coas pilas cargadas e preparados para afrontar este terceiro trimestre con enerxía.

Seguimos realizando na asemblea diversas actividades, entre elas as que teñen que ver coa lóxicamatemática.

Cando nos marchamos era marzo, pero voltamos en abril, entón tiñamos pendente facer o rexistro do tempo de marzo, e iso fixemos.

Esta semana houbo unha novidade no recuncho da casiña: agora temos unha casa da árbore coa que por suposto nos estivemos familiarizando.

E a profe nos puxo unha noticia sobre a erupción dun volcán e así descubrimos que este trimestre imos coñecer máis sobre eles.

Rafa nos trouxo un pedra volcánica do Teide e puidemos manipulala.

E comezamos con algo moi chulo que imos preparar, vos imaxinades que pode ser?

Como proposta de lectoescritura estivemos traballando o vocabulario da primavera, como sempre todo adaptado ao ritmo de cada un/unha. Nesta ocasión tiñamos que formar o nome das imaxes que aparecían nunhas tarxetas.

E o luns foi o Día das Artes Galegas, que este ano se lle adicou a Francisco Asorey, un escultor. Despois de coñecelo nos convertemos en escultores/as e creamos as nosas propias esculturas: unicornios, coches...

Como proposta sensorial tivemos que coller con pinzas unhas xoaniñas que había entre "herba". Traballamos moito a motricidade fina sen ser conscientes.

Outra das novidades desta semana foi este novo material: plus plus, cos que nos estivemos familiarizando de forma libre.

Ademais tivemos moita sorte de ver xogar ao noso compañeiro Antón de 1º cos seus compañeiros/as de hóckey. 

En valores, este mes llo adicamos á saúde e esta semana reforzamos a importancia dun bo lavado de dentes e un equipo xogou a un xogo de mesa sobre este tema, traballando tamén o respecto polo turno, o conteo...

Outra das propostas de lóxicamatemática foi, para os de 3 anos, traballar a grafía dos números poñendo fichas de cores sobre os número seguindo a súa direccionalidade.

Os peques de 4 anos tivemos que colocar as fichas de dominó no seu lugar. En primeiro lugar identificando os seus puntiños, pero logo vendo só os números tendo que asociar a grafía cantidade.

E os maiores realizamos sumas un pouquiño máis complicadas, posto que nos demos conta de que nos pasabamos de 10 nas unidade e tiñamos que cambialas por unha decea.

Outra das propostas foi traballar a direccionalidade cos insectos. Tiñamos unha plantilla na que buscabamos o insecto do que partir, traballando así a atención; despois seguiamos as flechas (direccionalidade) e viamos a que insecto chegábamos, buscando o seu debuxo.

O conto desta semana foi "Wanda y la abeja misteriosa" de Paula Merlán, unha historia fermosa que nos fala da aventura desta cadeliña por seguir a unha abella e na que coñece a unha amiga que se queda para sempre con ela no seu fogar. Así falamos da responsabilidade que supón ter unha animal na casa e que podemos facer se queremos adoptar un/unha.

Despois fixemos un debuxo da historia.

Os peques de 4 e 5 anos esta semana reforzamos a descripción, debuxando segundo as características que nos ía dicindo a mestra. Depois comprobamos se se parecía o noso debuxo ao  orixinal.

Ata a próxima semana!!!

Ola familias!!

Que rápido pasa o tempo! Xa rematamos o segundo trimestre, pero como sempre seguimos avanzando. Esta semana a temática centrouse na Pascua e Pin propúxonos os últimos retos.

Seguimos realizando actividades de lóxica matemática na pizarra dixital afianzando conceptos como moitos- poucos ou dereita- esquerda e arriba-abaixo.

Como proposta sensorial traballamos os trasvases e a coordinación óculo manual enchendo ovos con arroz de cor laranxa.

Tamén traballamos a lectoescritura formando palabras do vocabulario de Pascua. Nun saquiño tiñamos unha imaxe e as letras para formar o nome.

E seguimos a tope coa conciencia fonolóxica, nesta ocasión coas rimas. Tiñamos que buscar a imaxe que rimase co nome dunha tarxeta, por exemplo niña-piña.

A creativiade segue presente, neste caso decorando un ovo de Pascua con pompóns e pedras de cores.

Esta semana tivemos que convertirnos e perruqueiros duns poliños cun cabelo especial: tiña números. Entón tirabamos os dados, contábamos (quen o necesitase ou senón cálculo mental) e cortabamos o número correspondente, traballando o conteo, asociación grafía cantidade e o uso das tesoiras, ademáis da paciencia, do tempo en espera e a coordinación óculo manual.

Tamén puidemos ver as fases da Lúa grazas á caixiña que nos deixou a profe Gemma na que mirando por cada buratiño podiamos ver a Lúa nova, chea, en cuarto crecente e cuarto menguante.

Esta semana Pin tamén nos propuxo uns retos moi interesantes. O primeiro foi buscar uns paus polo entorno do cole e ordealos de menor a maior.

O segundo foi relacionado cos números. Os peques de 3 anos tiñan que buscar números nunha bandexa sensorial e relacionalo coa imaxe que tivese esa cantidade de elementos, traballando a asociación de grafía cantidade.

E os de 4 e 5 anos tiñan que colocar uns números na táboa do 100 porque algúen (non sabemos quen) quitounos e no seu lugar puxo cabezas de poliños, coellos...

E o venres como reto final e de despedida Pin propuxo non un reto, senón 6 e tivemos que ir por todo o cole realizando diferentes probas: simetrías, series, recta numérica, sumas e restas, conciencia fonolóxica, balanzas...

Como sempre dimos todo de nós e os conseguimos e así puidemos conseguir a última peza do quebracabezas e un agasallo que nos deixou Pin na nosa mesa:un lapis moi chulo.

Tamén tivemos unha búsqueda de ovos e figuras de chocolate pola clase xogando a Frío- Quente, pero non hai nada que se nos resista.

Vos deixamos un vídeo resumo do venres.

Boas vacacións!!Vémonos á volta!!!!

Ola familias!!!

Aquí estamos outra semana máis para amosarvos todo o que fixemos durante esta semana.

Unha das propostas foi desenvolver a nosa creatividade empregando a plastilina e todos os utensilios que necesitamos para crear as nosas obras de arte, traballando así a nosa motricidade fina. 

Tamén xogamos ao Vexo Vexo na pizarra dixital para traballar a atención e a conciencia fonolóxica. Os máis peques buscabamos os obxectos que nos dicía a mestra e os de 4 e 5 anos tiñamos que buscar obxectos que comezasen polo son que indicaba Rocío.

Tamén coñecimos un poquiño máis do universo, concretamente os asteroidee e cometas. Sabiade que había un cinturón de asteroides no Universo? Nós si. 

E ademais fixemos o noso propio debuxo do universo con todo o que estivemos aprendendo durante este trimestre. Algún debuxaron o planetario, outros o Sistema Solar, outros galaxias, planetas....

Esta semana descubrimos unha páxina que ten moitas actividades super divertidas para traballar a lóxica matemática e xa a empregamos na asemblea. Ademais fixemos tamén outras actividades que nos propón: os maiores tarta de sumas para traballar o cálculo mental, aínda que se era necesario tiñamos materiais manipulativoa para poder axudarnos; os máis peques asociación de grafía cantidade; e os de 4 anos sumas espaciais.

Esta semana tamén coñecimos o que son os eclipses. Sabíades que poden ser de dous tipos?

E unha actividade que nos gustou moito foi crear a nosa propia galaxia. Para iso empregamos algodón, auga de cores e purpurina. Quedaron chulísimas!!! Pero do que non somos conscientes é de que ao mesmo tempo estamos traballando a motricidade fina coas pipetas, a coordinación óculo manual, a concentración...

E tamén traballamos moito todos eses aspectos creando os nosos colares.

Seguimos afianzando a conciecia fonolóxica: Por que letra comeza...?

E que nos dicides dos pinchos? Canta creatividade!!! flores, consolas, muros, corazóns.... e como collen forza a nosas mans!!

Lembrades que fai unhas semanas fixemos uns astronautas? Pois esta semana os empregamos para xogar ao xogo do Espacio. Tiñamos que chegar ao cohete e para iso tivemos que responder unha preguntas sobre todo o que estivemos traballando do Universo. Pero non só iso, tamén aprendemos a respectar as normas dos xogos, o turno, a paciencia...

E como proposta de lóxica matemática tamén empregamos oas castelos de anterior e posterior.

Esta semana Pin nos tiña preparados outros 3 retos. O primeiro consistía en buscar as diferenzas entre dúas imaxes. Canta atención e concentración!!!

No segundo tamén tivemos que estar moi atentos porque tiñamos que contar cantos elementos había de cada debuxo e anotalo, traballlando o conteo e a grafía dos números.

Esta semana descubrimos que Pin sabe inglés e nos propusxo buscar na clase obxectos que fosen dunhas cores concretas, pero nos dixo os nomes das cores en inglés. Non hai reto que se nos resista e xa temos 3 novas pezas do quebracabezas.

A semana que ven moito máis!!

Ola familias!!

Hoxe fixemos galletas con formas de elementos do universo: astronautas, planetas, cohetes, estrelas... Traballamos en quipo e quedaron moi ricas!!!

Aquí vos deixamos un vídeo resumo.