CEIP PLURILINGÜE A LAXE

OLA, OLA, FAMILIAS!!

POR AQUÍ SEGUIMOS ARGALLANDO E TRABALLANDO (A UN RITMO MÁÁÁIS LENTO QUE DE COSTUME), POIS NÓTASE QUE O CURSO ESTÁ A PIQUES DE REMATAR, QUE O CANSANCIO SE APODERA DE TODAS E TODOS NÓS E QUE O QUE PIDEN É XOGAR, FALAR, TRABALLAR UN POQUIÑO E, POR SUPOSTO, DESCANSAR; POR ISO, VEREDES QUE HAI MENOS VARIEDADE DE ACTIVIDADES.

AÍNDA ASÍ, SABEMOS QUE ESTAMOS NO COLE E AS PROPOSTAS DE ACTIVIDADES CONINÚAN CONVIDÁNDOOS/AS A PENSAR, CONCRENTRARSE, CREAR, DESFRUTAR, APRENDER...

SE LEMBRADES E DENTRO DO PROXECTO DE ARTE, A SEMANA PASADA COÑECEMOS A FRIDA KAHLO, E XA QUE NON NOS DERA TEMPO A CUBRIR a FICHA DE REXISTRO DA ARTISTA, DEDICAMOS O LUNS A ESTE TRABALLIÑO QUE TIÑAMOS PENDENTE. FIXÉRONO EN PARELLAS TRAS COÑECER, EN GRAN GRUPO, ALGÚNS DATOS RELEVANTES SOBRE A ARTISTA.

ASÍ MESMO, REMATAMOS O LUNS FAENDO UN XOGO DE LÓXICA-MATEMÁTICA EN GRAN GRUPO. ESTE CONSISTIU NO SEGUINTE: REPARTÍN ENTRE TODAS AS NENAS E NENOS UNHAS CARTAS DA BARALLA DE PÓKER (PRESTADAS POLA PROFE ROCÍO. GRAZAS!!!!!) CON SÍMBOLOS E GRAFÍAS. TIÑAN A MISIÓN DE AGRUPAR TODAS AS CARTAS QUE CONTIÑAN A MESMA CANTIDADE (AQUÍ XA ENTROU EN XOGO A PILLERÍA DE CADA QUEN DE CONTAR OS SÍMBOLOS DA CATA, OU BEN DE FIXARSE NA GRAFÍA DO NÚMERO), DE XEITO QUE QUEN TIVERA UNHA CARTA COA MESMA CANTIDADE QUE A CARTA CENTRAL, TIÑA QUE BOTALA ENRIBA DESTA. XOGAMOS ASÍ SEGUINDO UNHA ORDE POR QUENDAS ATA QUE TODAS/OS QUEDARON SEN CARTAS. CON ESTE XOGUIÑOS REPASAMOS CONTEO, RECOÑECEMENTO DE GRAFÍAS, ASOCIACIÓN GRAFÍA-CANTIDADE, COMPARACIÓN DE CONXUNTOS, DISCRIMINACIÓN VISUAL, ATENCIÓN, RESPECTO DE QUENDAS...UN MONTÓN DE COUSAS!!! TODO O MUNDO COMPRENDEU A DINÁMICA E A RESOLVERON XENIAL!

O MARTES HOUBO FESTA RACHADA! SAÍMOS AO PASEO DE CARANZA AO CORRELINGUA, ONDE DEMOS UN PASEO BAIXO O LEMA "NA CASA, NA ESCOLA, BOTA A LINGUA FÓRA!", FIXEMOS UNHA PEQUENA PARADA TÉCNICA PARA MERENDAR E REMATAMOS DESFRUTANDO DUNHA ACTUACIÓN PUNK NO AUDITORIO GRAZAS A PETER PUNK PALLASO. FOI UN DÍA DIFERENTE, DIVERTIDO...E TAMÉN AGOTADOR.

O MÉRCORES DESCUBRIMOS O QUE SON OS BODEGÓNS (DE FROITAS, NESTE CASO). TRAS AMOSARLLES UNHA FOTOGRAFÍA E CONVERSAR SOBRE O QUE VÍAN NELA, EXPLIQUEILLES QUE A ESE TIPO DE OBRAS CHÁMASELLES "BODEGÓN" E QUE ELAS E ELES ÍAN CREAR OS SEU PROPIOS. PARA ISTO, CONVERTEMOS UN PEQUENO ESPAZO DA AULA NUN MINI ESTUDIO DE FOTOGRAFÍA CON TRÍPODE, ARO DE LUZ, MÓVIL E SOPORTE PARA O SEU BODEGÓN. ADEMÁIS, CONTABAN CUNHA BANDEXA CON FROITAS DE TEMPADA  E ALGÚNS RECIPIENTES PARA QUE INDIVIDUALMENTE CREARAN O SEU BODEGÓN.

TRAS REALIZAR AS FOTOGRAFÍAS, O XOVES COMEZAMOS A PASAR A PAPEL O EXPERIMENTADO ANTERIORMENTE. NUNHA CARTOLINA BRANCA, TIÑAN QUE DEBUXAR O SEU BODEGÓN E ASEGÚROVOS QUE NON FOI NADA DOADO! (ADEMÁIS E COMO VEEREDES, ALGÚNS TIVERON PÚBLICO E TODO). O PRIMEIRO QUE REQUERÍA ESTE TRABALLO FOI SER CAPACES DE SITUAR ADECUADAMENTE NO ESPAZO (CARTOLINA) OS DISTINTOS ELEMENTOS DAS FOTOGRAFÍAS (FROITAS E UTENSILIOS), POLO QUE APROVEITAMOS AQUÍ PARA PRACTICAR O CONTEO DE ELEMENTOS, TRABALLAR A ORIENTACIÓN E VISIÓN ESPACIAL, ORDE, VOCABULARIO RELACIONADO COA ORIENTACIÓN ESPACIAL (DIANTE, DETRÁS, A UN LADO E AO OUTRO, PRETO, LONXE, GRANDE, PEQUENO...) E COAS FROITAS, ASÍ COMO A PRECISIÓN E ATENCIÓN. INCIALMENTE DEBUXARON CON ROTU NEGRO E POSTERIORMENTE COLOREARON CON ACUARELAS (QUE POR CERTO, AS TEÑEN DOMINADAS). ADEMÁIS HABÍA CASOS NOS QUE PRECISABAN A COR LARANXA E A NOSA CAIXA DE ACUARELAS NON A TIÑA, ASI QUE FACENDO UN POUCO DE MEMORIA RECORDAMOS QUE O LARANXA FACÍASE MESTURANDO VERMELLO E AMARELO E... TACHÁN!!!!! PUXEMOS ASÍ EN PRÁCTICA UN CONTIDO APRENDIDO ANTERIORMENTE.

POR ÚLTIMO, TRABALLAMOS UN POUCO DE ESCRITURA E CONCIENCIA FONOLÓXICA AO ESCRIBIR NA OBRA "BODEGÓN" CON ROTU AZUL. MIRADE QUE CHULÍSIMOS QUEDARON!!!

POR OUTRA BANDA E NO RECANTO DE LETRAS DISPOÑIAN DE CARTELIÑOS CON DISTINTAS FROITAS (POR SUPOSTO ESTABAN AS QUE EMPREGARON NOS BODEGÓNS) E LETRAS PARA COMPOÑER O SEUS NOMES. ACUDÍAN AQUÍ DE FORMA TOTALMENTE LIBRE.

OUTRO DÍA XOGAMOS AO BINGO PARA REPASAR ASÍ O RECOÑECEMOS DAS GRAFÍAS DO 1 AO 10. XOGAMOS DÚAS VECES: A PRIMEIRA EN PARELLAS E A SEGUNDA HOUBO QUEN PREFERIU CONTINUAR EN PARELLAS E QUEN ESCOLLEU FACELO INDIVIDUALMENTE.

E, POR ÚLTIMO, AMÓSOVOS UNHAS FOTIÑOS DO BEN QUE O PASAMOS NAS MERENDAS AO SOL COAS/COS COMPIS DE INFANTIL E CON GRETA! FESTA RACHADA!!!

ATA A PRÓXIMA!!

Ola familias!!

Esta semana comezámola realizando de forma individual unha tarta de sumas. Vos acordades que a semana pasada a coñecemos? Pois nesta ocasión estivemos familiarizándonos un pouquiño máis con ela.

Aproveitando o bo tempo saímos a merendar fóra varios días.

En relación ao proxecto de arte,esta semana coñecimos a Zurbarán e os seus bodegóns. E a nós como nos gusta tanto o arte alí nos lanzamos a facer un. Pero primeiro de forma individual cada un/unha creou o seu bodegón con froitas de tempada: mazá, plátano, nectarina, aguacate, albaricoque, laranxa... e despois lle sacamos unha foto.

O martes acudimos ao Auditorio de Ferrol ao Correlingua onde puidemos disfrutar dun concerto. Aínda movemos un pouco o esqueleto, pero primeiro realizamos unha andaina polo paseo en compañía doutros coles.

Aquí nos podedes ver collendo forzas na merenda.

En lóxica matemática esta semana tivemos un reto de tres niveis. Tiñamos que ir superando un a un para poder pasar ao seguinte. Consistía en buscar a tarxeta cos números que representaban a cantidade marcada polos dados. Canto traballamos o conteo, a subitización, a atención e a memoria.

No recuncho de experimentos creamos música con froita grazas a un aparato que tiña varios conectores, os cales, se os conectabas ás froitas facía que ao tocalas soasen como un instrumento: piano, guitarra...

No recuncho de lecto xogamos a palabras encadeadas coa axuda dunhas tarxetas. Tiñamos que coller unha co número 1, dicir a palabra, ver cal era a última sílaba e na cesta do número 2 atopar un obxecto que comezara pola última sílaba da tarxeta anterior. E así ata a número 3. Que ben separamos as sílabas. Ata unha compañeira tivo a idea de crear unha historia coas tarxetas da cadea.

Outra actividade de arte que fixemos foi pintar unha cartulina empregando canicas. Para iso puxemos a cartulina nunha tapa dunha caixa, botámoslle unhas pigas de témpera de diferentes cores e movendo as canicas conseguimos que a cartulina estivese chea de cor, ademais de traballar a coordinación óculomanual.

E o venres rematamos de todo o noso bodegón. Para iso, tendo diante unha foto do bodegón que fixemos o luns, tivemos que debuxar as distintas pezas de froita nun prato e despois darlles cor, pero nesta ocasión empregamos pinturas de madeira. Quedaron xenial!!

Vémonos a vindeira semana!!

Ola familias!!

Aquí vos amosamos a semana tan bonita e chea de celebracións que tivemos esta semana.

O luns celebramos na aula a Semana das Letras Galegas, que este ano se lle adicou a Francisco Fernández del Riego. Despois de coñecer un pouco del realizamos un sudoku con imaxes relacionadas con Galicia. Tivemos que estar moi atentos se concentrados para ver que imaxe faltaba.

Ademais tamén era o día da familia e realizamos un mural en forma de edificio, onde en cada piso vivía unha familia diferente porque FAMILIA HAI MÁIS QUE UNHA, relacionado todo co libro de "Mis increíbles vecinos" que xa coñecíamos.

Ao mesmo tempo realizamos un agasallo para as familias que non custa cartos e que podemos ter sempre moi preto: un bico. Como nos encanta recibilos, entón, por que non dalos?

Ademais limos outros dos libros da maleta literaria. Xa os rematamos e canto disfrutamos coas historias!!

Unha novidade desta semana foi a tarta de sumas. Coñecimos a dinámica para completala e nos próximos días nos familiarizaremos máis con ela.

En relación co proxecto de arte, nesta ocasión coñecimos a Joan Miró e elaboramos unha das súas esculturas con materiais de refugallo. Pronto veredes o resultado.

Para celebrar a Semana das Letras Galegas, o día da famila e os Maios, o martes contamos coa vosa visita. Como nos encantou compartir xogos e momentos con vós.

A actividade de lectoescritura desta semana consistía en formar o nome dun insecto coas letras que había nunha bandexa.

Estivemos preparando as nosas bolsas para levar os traballos a final de curso. Para iso tivemos que formar flores estampando rolos de papel hixiénico, pintar o círculo de dentro e facerlle unha cariña sorinte.

Seguimos afianzando un pouco máis o dominio das sopas de letras. Como me gusta ver aos maiores axudar ao peques da clase. 

Aquí vos deixamos unha mostra de felicidade ao conseguir un obxectivo en grupo dentro do xogo libre.

E o venres tivo lugar a carreira ENKI, onde tivemos que realizala sorteando os obstáculos e as probas que nos atopamos polo circuito e que rematamos cheos de cor cos polvos holi. Grazas á asociación ASCM pola súa colaboración e entrega.

Ata a próxima semana!!

BOAS, FAMILIAS!

NESTA SEMANA CUN PEQUENO DESCANSO POLO MEDIO, TIVEMOS MOITA FESTA... E ALGO TRABALLMOS TAMÉN!

COMEZAMOS O LUNS CELEBRANDO O DÍA DA FAMILIA. PROPÚXENLLES CREAR UNS VALES AGASALLO PARA SORPRENDERVOS CON ALGÚN PLAN/AGASALLO QUE ESTIVERA AO SEU ALCANCE E QUE VOS GUSTARA. PARA ISTO, COMEZAMOS FACENDO UNHA CHUVIA DE IDEAS, DE XEITO QUE ÍAN REALIZANDO APORTACIÓNS E EU AS ÍA ANOTANDO NO ENCERADO. NESTA CONVERSACIÓN, COMO VEREDES, SAÍRON COUSAS MOI INTERESANTES E PLANAZOS! ELAS/ES MESMAS/OS ÍAN CONVERSANDO, APORTANDO E DESCARTANDO AS IDEAS QUE NON ERAN ADECUADAS (POIS HABÍA QUEN QUERÍA AGALLARVOS CUNHA VIAXE ATA QUE SE DERON CONTA DE QUE PARA ISO PRECISABAN CARTOS E NON OS TIÑAN).

A CONTINUACIÓN E DE XEITO INDIVIDUAL, ESCRIBIRON NO SEU VALE A SÚA ELECCIÓN E APROVEITAMOS ESE RATIÑO PARA TRABALLAR A CONCIENCIA FONOLÓXICA E ESCRITURA. PERCIBÍN MOITOS AVANCES E ESTOU MOI ORGULLOSA DO MOITÍSIMO QUE SE ESFORZAN SEMPRE!

O MARTES, COMO BEN SABEDES, FESTEXAMOS O DÍA DA FAMILIA E OS MAIOS, E SACAMOS ESTA FOTO TAN CHULA NO MAIO DO COLE.

REMATAMOS A FOLLA INFORMATIVA DE KANDINSKY QUE NOS QUEDARA PENDENTE, PARA O QUE ESCRIBIRON O PAÍS DE NACEMENTO, SINALARON O TIPO DE ARTISTA QUE ERA E RECORTARON E PEGARON A OBRA NA QUE NOS INSPIRAMOS, EMPREGANDO PARA TODO ISTO A ESTRUTURA COOPERATIVA DE LÁPIS AO CENTRO. TODOS/AS XA A COÑECEN E SABEN O SEU FUNCIONAMENTO, POLO QUE O TRABALLO ASÍ RESULTA MÁIS DOADO. ADEMAIS, TEÑEN AQUÍ A OPORTUNIDADE DE AXUDAR A QUEN O PRECISA E DE SER AXUDADO/A POR UN/UNHA COMPAÑEIRO/A, ASPECTO QUE REFORZA AS RELACIÓNS ENTRE ELES/AS. ASÍ CONSIGUEN FORMAR O EQUIPAZO QUE SON!

COMO PROPOSTA NA MESA SESORIAL ATOPÁRONSE, NESTA OCASIÓN, CON TRAPOS QUE TIÑAN QUE DOBLAR. CON MOITA PACIENCIA, ATENCIÓN E PRECISIÓN CONSEGURON SUPERAR O RETO!

AS PERSOAS ENCARGADAS DO DÍA CONTINÚAN ENFRONTÁNDOSE A PROPOSTAS CADA VEZ MÁIS COMPLEXAS. NESTA OCASIÓN ESCOLLÍAN UN NÚMERO COMPOSTO POR DECENAS E UNIDADES E O COMPOÑÍAN EMPREGANDO OS DEPRESORES.

ESTA SEMANA COMEZAMOS A TRABALLAR SOBRE FRIDA KHALO, E UNHA DAS OBRAS MÁIS REPRESENTATIVAS DO SEU TRABALLO SON OS AUTORRETRATOS, POLO QUE NÓS PUXÉMONOS MANS Á OBRA. FACENDO USO DUN ESPELLO, FIXERON O SEU PROPIO RETARTO CON ROTU E, POSTERIORMENTE, PINTÁRONO NO ACUARELA (NOTOUSE QUE NON ERA A PRIMEIRA VEZ QUE AS USABAN) E, FINALMENTE, DECORARON A SÚA CABEZA CON FLORES FEITAS CON BOLIÑAS DE PAPEL (GRAZAS POR FACILITARNOS O TRABALLO PROFE RO E COMPIS DE 4 E 5!!!!), TAL E COMO SEMPRE FACÍA FRIDA. 

ESTA ACTIVIDADE DEUNOS A OPORTUNIDADE DE REFLEXIONAR SOBRE O PROPIO CORPO, APRECIAR SEMELLANZAS E DIFERENCIAS RESPECTO AO DAS DEMAIS PERSOAS, CORES (DE PEL, OLLOS, PELO...)... EN DEFINITIVA, AUTOCOÑECERNOS MELLOR.

PARA POÑER O PUNTO E FINAL A ESTA SEMANA PARTICIPAMOS NA CARREIRA ENKI DA ESCOLA. FOI UNHA EXPERIENCIA MARABILLOSA, DIVERTIDA, ÚNICA E TAMÉN CANSA!!! AÍ VAN UNHAS FOTIÑOS DO DÍA DE HOXE. QUE ME DICIDES DESTA PANDA? NON HAI OUTROS/AS COMA ELES/AS.

QUE PASEDES BOA FINDE E ATA A PRÓXIMA!

Ola familias!!!

Aquí estamos de novo con todas as novidades desta semana.

No proxecto de arte estes días coñecimos a Frida Kahlo e vimos un dos seus retratos. Así que decidimos facer nós un. Por parellas, primeiro un posaba e outro compañeiro/a retrataba e despois viceversa. Que artistas son!!!

Noutra sesión pintamos o retrato con acuarela e lle fixemos unha coroa con boliñas de cores.

Tamén realizamos unha actividade na que a concentración e a atención era moi importante: tiñamos moitas bolboretas partidas pola metade e tivemos que xuntar ambas parte e logo, coa axuda da caixa de cores de Montessori, atopar as cores que tiña a bolboreta. Algunha tiña moitas!!!

Aquí podedes ver o gran traballo de mans que tivemos que facer para elaborar as boliñas que levaría o retrato.

Aproveitando o bo tempo saímos a ler outro dos contos da maleta literaria.

Como podedes ver traballamos de maneira sensorial a grafía das letras, centrándonos moito na súa direccionalidade.

Noutra das sesións desta semana tivo lugar unha carreira de bichos, onde o importante non era gañar, senón pasar un bo rato ao mesmo tempo que afianzamos o conteo.

Como me gusta velos experimentar de forma libre: con agua e xabón e un pouco de aire conseguiron unha morea de burbullas.

A profe Lidia esta semana tróuxonos un experimento moi chulo: fluido non newtoniano. Se o apretas está máis sólido, pero en canto o soltas se volve viscoso e líquido.

E como o curso pasado, este ano tamén plantamos un bulbo que  levamos para a casa. Agora temos que coidalo moito para velo crecer.

A profe esta semana foi un pouco pilla e lles puxen unha tarefa con trampa, jeje. Tiñamos que completar unhas series de bolboretas, pero estas estaban agochadas nunha caixa con arroz de cores. Tiñamos que ver a nosa serie, identificar que bolboreta necesitabamos e cunha pinza localizala e collea na caixa. Fixérono xenial!! Como vai avanzando esa motricidade fina!

De novo volvimos coas sopas de letras, pero neste caso en papel. Canta concentración e ledicia ao atopar as palabras!!

E que mellor que rematar a semana coa temática da primavera. En primeiro lugar elaboramos un xardín de flores, desenvolvendo así a nosa creatividade, para logo poñerlle unha regadeira con chorros de cores e grafismmos creativos.

E por outro lado elaboramos un mural desta estación creando flores con diferentes materiais: rolos de papel hixiénico, garfos, flores e corchos.

Moi pronto o poderedes ver rematado en persoa. 

Ata a próxima semana!!!