CEIP PLURILINGÜE A LAXE

BOAS, FAMILIAS!

NESTA NOVA ENTRADA DO BLOGUE IDES PODER VER O QUE ACONTECEU NA AULA AO LONGO DAS DÚAS SEMANAS PASADAS.

COMEZAMOS A DERRADEIRA SEMANA DE ABRIL CON NOVAS PROPOSTAS. NA MESA SENSORIAL DISPOÑÍAN DE DÚAS CARAS EN CARTÓN CON PELOS PINCHOS E DE CORES, OS CALES TIÑAN QUE DECORAR CUNHAS CONTAS. PERO NON VALÍA FACELO DE CALQUERA MANEIRA!!! TIÑAN QUE COLOCAR CADA CONTA NO PELO DA MESMA COR. TRABALLAMOS ASÍ A CLASIFICACIÓN, COORDINACIÓN OLLO-MAN, MOTRICIDADE FINA, ATENCIÓN, DISCIMINCACIÓN VISUAL...

REALIZAMOS TAMÉN UNHA ACTIVIDADE DE LÓXICA-MATEMÁTICA INDIVIDUALMENTE. A PARTIR DA TIRADA DUNS DADOS, TIÑAN QUE VERBALIZAR A CANTIDADE TOTAL, IDENTIFICAR A GRAFÍA E COMPOÑER DITA CANTIDADE CON DEPRESORES. ADEMAIS, SE O NÚMERO ESTABA COMPOSTO POR DECENAS E UNIDADES, FACÍAMOS UN PEQUENO CAMBIO: CAMBIÁBAMOS 10 DEPRESORES POR OUTRO CUNXUNTO DE 10 RECOLLIDOS CUNHA GOMA ELÁSTICA, COMEZANDO ASÍ A INTRODUCIR O TERMO DECENA E O SIGNIFICADO DO MESMO.

OUTRA ACTIVIDADE DESTA ÁREA QUE LEVAMOS REALIZANDO XA VARIAS SEMANAS E QUE FORMA PARTE DA RUTINA DA PERSOA ENCARGADA DO DÍA, CONSISTE EN ESTIMAR UNHA CANTIDADE DE OBXECTOS CUN SIMPLE GOLPE DE VISTA. TODOS/AS VERBALIZAN CANTOS CREN QUE HAI E DESPOIS A PERSOA ENCARGADA RESOLVE A DÚBIDA. CADA DÍA FAN ESTIMACIÓNS MÁIS REAIS !!!! NESTE CASO, TOCOUNOS ESTIMAR BOTÓNS, ROTUS DE CORES...

INICIAMOS O PROXECTO DO 3º TRIMESTRE RELACIONADO COA ARTE, CON ARTISTAS E DISTINTAS FORMAS DE ARTE. TRAS EXPERIMENTAR COAS CORES ANTERIORMENTE, DEMOS COMEZO A ESTE PROXECTO CO ILUSTRADOR HERVÉ TULLET E O SEU LIBRO "LA COCINA DE DIBUJOS", QUE ESTÁ COMPOSTO POR DIVERSAS RECEITAS NAS QUE SE MESTURAN CORES, FIGURAS XEOMÉTRICAS, DIVERSOS TIPOS DE LIÑAS... DANDO COMO RESULTADO PRATOS EXQUISITOS!! NO NOSO CASO, SEGUIMOS A RECEITA DE "DELICIAS DE GARABATOS". 

ASÍ MESMO, TAMÉN IMOS CREAR UNHA FICHA DE REXISTRO DOS/AS ARTISTAS QUE TRABALLEMOS NA QUE CONSTARÁN: FOTO, NOME, PAÍS AO QUE PERTENCE, QUE TIPO DE ARTISTA E UNHA IMAXE DA OBRA ORIXINAL NA QUE NOS INSPIRAMOS. NESTES REXISTROS AS NENAS E NENOS TERÁN QUE ESCRIBIR O NOME DO PAÍS, SINALAR O TIPO DE ARTISTA QUE É E PICAR/RECORTAR E PEGAR A OBRA DE REFERENCIA. NESTE CASO, RECOLLIMOS ESTA INFORMACIÓN EMPREGANDO A ESTRUTURA COOPERATIVA DE LÁPIS AO CENTRO, DE XEITO QUE NOS EQUIPOS, AS NENAS E NENOS ÍAN COMPLETANDO ESTA IFNROMACIÓN TODAS/OS AO MESMO TEMPO RESPECTANDO AS QUENDAS ESTABLECIDAS.

OUTRO DÍA E APROVEITANDO QUE BELTRÁN TROUXERA UN XOGO DE EMPARELLAR DEPRESORES SEGUNDO O PATRÓN, BOTAMOS UNHA PARTIDA EN GRAN GRUPO.

ADEMAIS, REALIZAMOS TAMÉN EN PEQUENO GRUPO OUTRO XOGO PARA O QUE UTILIZAMOS UN TABOLEIRO CON CASIÑAS E UNHA META, DADOS E FIGURIÑAS DE ANIMAIS. POR QUENDAS, CADA NENO/A LANZABA O DADO E AVANZABA TANTAS CASIÑAS COMO ESTE INDICARA. O OBXECTIVO ERA QUE O SEU ANIMALIÑO CHEGARA Á META. ESTA FOI OUTRA FORMA MÁIS DE TRABALLAR O CONTEO E A HABILIDADE DE ASIGNARLLE A CADA PLABRA UN MOVEMENTO (AO TEMPO QUE DICIMOS "UN" AVANZAMOS UNHA CASIÑA, AO TEMPO QUE DICIMOS "DOUS" AVANZAMOS OUTRA MÁIS, ETC.).

ANTES DA PONTE, INDIVIDUALMENTE E SEN NINGÚN TIPO DE AXUDA POLA MIÑA PARTE, ESCRIBIRON LIBREMENTE NUN PAPELIÑO "CALCETINES", POIS ERA RESPONSABILIDADE DELAS/ES LEMBRARSE DE TRAELOS Á VOLTA. TIVEN ASÍ A OPORTUNIDADE DE OBSERVAR AS ETAPAS DA LECTOESCRITURA NA QUE SE ATOPAN. SON MARABILLOSOS OS AVANCES QUE EXPERIMENTARON CO PASO DO TEMPO.

Á VOLTA DA PONTE, UNHA DAS PROPOSTAS CONSISTIU, PRECISAMENTE, EN INICIARNOS NA APRENDIZAXE DE DOBLAR OS CALCETÍNS, ALGO QUE PARA NÓS COMO ADULTOS RESULTA SINXELO PERO QUE, EN REALIDADE, NON O É TANTO. PRIMEIRO IDENTIFICAMOS UNHA PARELLA, XUNTÁMOLOS DE XEITO QUE COINCIDA O TALÓN CO TALÓN E A PUNTEIRA COA PUNTEIRA, DOBLAMOS Á METADE... E AQUÍ É ONDE SE COMPLICA O ASUNTO. OS POLGARES XOGAN UN IMPORTATE PAPEL E OS DEMÁIS DEDOS TEÑEN A MISIÓN DE EMPURRAR CARA DENTRO. NADA DOADO!!!! PERO CUN POUQUIÑO DE AXUDA E CON MOOOOOITA PACIENCIA, FORON QUEN DE DOBLALOS. POR SUPOSTO, REXISTRAMOS QUEN FIXERA A  ACTIVIDADE PARA ASÍ PODER LEVAR UN CONTROL E ASEGURARNOS DE QUE TODAS/OS PARTICIPAN.

CONTINUAMOS EMPREGANDO O CALENDARIO DE FORMA INDIVIDUAL E A VERDADE É QUE XA O MANEXAN ÁS MIL MARABILLAS. IDENTIFICAMOS O DÍA NO QUE NOS ATOPAMOS, EU DÍGOLLES O NÚMERO E ELES/AS IDENTIFICAN A GRAFÍA PARA RODEALA (E INCLUSO HAI QUEN A DECORA).

E CO FIN DE MES E O INICIO DUN NOVO, TOCOUNOS REALIZAR O REXISTRO DO TEMPO. NESTA OCASIÓN, EMPREGAMOS UNHA VEZ MÁIS A DINÁMICA DE LÁPIS AO CENTRO, DE XEITO QUE UN MEMBRO FAI O RECONTO DUN DOS BOTES MENTRES OS DEMAIS ATENDEN E VERBALIZA A CANTIDADE PARA QUE, POSTERIORMENTE, TODOS/AS Á VEZ COLOQUEN ESA MESMA CANTIDADE DE GOMETS NA COLUMNA CORRESPONDENTE. UNHA VEZ POSTOS OS GOMETS DE TODAS AS COLUMNAS, É O MOMENTO DE ESCRIBIR AS GRAFÍAS, PARA O QUE SEGUINDO A ORDE DAS AGULLAS DO RELOXO, UN MEMBRO FAI O RECONTO DE GOMETS E VERBALIZA A GRAFÍA PARA, A CONTINUACIÓN, ESCRIBILA CADA NENO/A NO SEU PAPEL. FINALMENTE, É O MOMENTO DE ESCRIBIR O NOME DO MES QUE REXISTRAMOS TRBALLANDO ASÍ A CONCIENCIA FONOLÓXICA E LECTOESCRITURA: UN NENO/A VERBALIZA O PRIMEIRO FONEMA E SE TODOS/AS ESTAMOS DE ACORDO, ESCRIBIMOS A GRAFÍA CORRESPONDENTE, E CONTINUAMOS CON ESTA DINÁMICA ATA REMATAR A ESCRITA DA PALABRA. PERCIBO AQUÍ MOITÍSIMA DIFERENCIA RESPECTO ÁS OCASIÓNS DE INICIO E METADE DE CURSO NAS QUE REALÍZABAMOS ESTE TIPO DE ESTRUCTURAS. XA HAI BASTANTE AUTONOMÍA, COÑECEN COMO SE VAI DESENVOLVER A ACTIVIDADE, SON QUEN DE COLOCAR OS GOMETS CORRESPONDENTES E DE IDENTIFICAR SE FALTAN/SOBRAN, IDENTIFICAN AS GRAFÍAS AÍNDA QUE PRECISEN AXUDA PARA ESCRIBILAS, E IDENTIFICAN E ESCRIBEN A MAIOR PARTE DOS FONEMAS/LETRAS. ESTOU MOI ORGULLOSA DESTES/AS PEQUENIÑOS/AS!!!

POR ÚLTIMO, TAMÉN HOUBO MOMENTOS DE TRABALLO NON DIRIXIDO E ISTO QUE VEDES OCORRE MOI HABITUALMENTE...

FORMAN UN EQUIPO! SÉNTANSE, COMPARTEN, FALAN DO MESMO TEMA, CAMBIAN DE CONVERSA, AUTORREGÚLANSE... QUE VOS VOU DICIR? SON XENIAIS!

E ISTO FOI TODO!!! CONTINUAREI AMOSÁNDOVOS COUSIÑAS NA PRÓXIMA ENTRADA DO BLOGUE. ATA A PRÓXIMA!!

Ola familias!!!

Aquí estamos de novo para amosarvos a nosa semana no cole.

Dentro do proxecto de arte esta semana coñecemos a Kandinsky e animámonos a reproducir un dos seus cadros: "Círculos nun círculo".

Primeiro trazamos as dúas liñas diagonais coa axuda dun rodillo.

A continuación, cando xa estaba seca a base, realizamos o círculo grande cun pincel.

Despois con rolos de papel hixiénico de diferentes tamaños marcamos a silueta de varios círculos e logo os pintamos por dentro.

E por último, coa axuda dunha regra, realizamos as liñas de diferentes lonxitudes que atravesan os círculos.

O día 2 de maio conmemorouse o día contra o Acoso Escolar e nós saimos a fora a coñecer a historia de Lucía grazas ao conto "Ponte mis gafas", onde coñecíamos como trataban a Lucía os seus compañeiros/as por ter que levar gafas e como se sentía ela, pero sobre todo a importancia de poñerse no lugar do outro para saber que os nosos comentarios e accións lle poden facer dano.

Esta semana introducimos nova rutina na asemblea: a resolución de problemas. Eu lles leo o enunciado do problema, analizamos os datos e vemos que operación temos que realizar para resolvelo. Eu non podo estar máis orgullosa delas/deles.

As semanas anteriores estivemos coñecendo o nome das parte dunha flor, pero que mellor que velas por nós mesmos/as e experimentar. Por iso collimos un caravel e formos observando e atopando as súas partes. Atopámolas todas!!!

Ademais limos dous contos da maleta literaria que recibimos a semana pasada. No primeiro coñeciamos a historia das fillas de Doreta, unha bolboreta moi especial e lembramos as fases polas que pasan desde que son ovos ata que se converten en fermosas bolboretas.

E no segundo coñeciamos a historia de Bosque, un oso polar que por mor do cambio climático e dos desxeo dos polos acabou nun bosque onde o resto dos animais o vían raro, pero ao final axudárono a volver coa súa familia.

A próxima semana moito máis!!

Ola familias!!!

Aquí vos traemos as novas desta semana.

Posto que estamos na primavera e estamos coñecendo as plantas e as partes das flores, o encargado/a da semana ten unha nova tarefa: coidar a planta (kalanchoe) que temos na aula.

Tamén continuamos familiarizándonos coa táboa do 100.

Ademais tiñamos unha flores especiais: tiñan sumas e restas, polo que tiñamos que diferenciar unhas das outras e realizar as operacións, traballando desta forma o conteo e a motricidade fina ao poñerlle as contas de cores.

No recuncho de arte deixamos voar a nosa creatividade creando flores e elementos primaverais con flores de decoración. Descubrimos que tiñan olor!!!

No recuncho de lecto atopamos unha cesta con alimentos aos que tiñamos que buscarlle a súa inicial, ademais de asociarlle a esa letra a súa minúscula.

Houbo tamén momentos de xogo, como por exemplo o dobble.

E a sorpresa da semana foi que nos chegou unha maleta ao cole chea de contos sobre a natureza e o seu coidado grazas a CEIDA (Centro de Extensión universitaria e Divulgación Ambiental de Galicia). Así que estes días temos lecturas moi interesantes por descubrir.

Dentro do proxecto de arte deste trimestre estamos elaborando un dossier con información de cada artista, neste caso tocoulle a Hervé Tullet. Para iso tivemos que cortar a portada do libro que empregamos para facer a nosa receita da semana pasada.

E por último houbo un momento de debuxo libre relacionado coa primavera. Que orgullosa estou dos meus/miñas artistas!!!!

Vémonos despois da ponte! 

Ola familias!!!

Aquí vos deixamos un resumo de todo que fixemos esta semana.

Neste trimestre imos realizar un traballo de arte coñecendo diversos artistas tanto pintores, como ilustradores ou escultores, pero antes tiñamos que experimentar cas cores. Por iso que mellor maneira que intentar conseguir todas as cores partindo só de 3 delas: azul, vermello e amarelo. Así nos puxemos mans á obra e coa axuda duns botes con pipeta e discos de algodón fomos conseguindo as distintas cores, pero para iso nos dimos conta que se queriamos telas todoas tiñas que mesturar varias. Cada vez que atopábamos unha cor, marcábamola na nosa folla de rexistro.

No recuncho de lóxica matemática traballamos os conceptos longo e curto. A nosa misión era realizar con plastilina (unha forma moi boa de traballar a motricidade fina das nosas mans) unha serpe máis longa e outra máis curta  que o anaco de celo que tiñamos na mesa. Despois medíamolas coa regra, coñecendo como se emprega, e anotábamolo.

No recuncho de lectoescritura tiñamos que formar o nome de elementos relacionados coa primavera e para iso empregamos todas as letras que temos na clase. 

E chegamos ao recuncho de arte onde era moi importante estar atento e moi concentrado pois tiñamos que elaborar con pinchos diferentes debuxos, pero había que fixarse na cor, na súa ubicación dentro da base (orientación espacial) e no conteo, posto que tiñamos que contar as pezas para que logo todo coincidise.

Estes días celebramos a Semana do libro e para iso decidimos elaborar un marcapáxinas paras as nosas lecturas na casa. Primeiro tivemos que recoller flores do campo e despois poñelas a secar entre as follas dos libros que temos na nosa biblioteca de aula. Por parellas e en follas en branco fomos colocando as flores para deixalas secar durante uns días.

Mentres tranto démoslle cor ao noso marcapáxinas con acuarelas e cores moi primaverales (alguén empregou outras cores porque son das súas favoritas). 

Para rematar, cando xa todo estaba seco, as flores e o marcapáxinas, deixamos voar a nosa creatividade e decorámolos ao noso gusto. Quedaron preciosos!!!!

Aquí vos deixamos unha imaxe un pouco movida, pero é que a primeira hora da mañá, cando o encargado do día escolle unha canción para bailar todos xuntos dámolo todo. Encántame velos disfrutando deste momentos todos xuntos!!!

Esta semana ademais a profe Begoña tróuxonos unha caixa con bloques que estaban mesturados e que mellor forma de traballar a clasificación que ordeándoos.

Mirade como traballamos en equipo!!! Queremos conseguir facer unha torre moi alta e o conseguimos!!!

Na clase da profe Gemma esta semana traballamos as descripcións: un compañeiro/a tiña unha tarxeta con 6 cadros de cores e un debuxo en cada cadro. O que tiñamos que facer era describir cada cadro para que outro compañeiro/a puxese o debuxo corrrecto no cadro correspondenete dentro dunha plantilla. Desta forma démonos conta do importante que é dicir cada detalle por pequeno que sexa para que non haxa confusións.

Dentro do proxecto de arte esta semana coñecemos a Hervé Tullet, un ilustrador ao  que lle encanta xogar coas formas e cores. E que nos propuxo? Facer unha pasta de cores!! Quedounos perecta.

E o venres, como colofón de todoa esta semana , tivemos unha sesión de apadriñamento lector, onde un maior nos leu un conto que escolliamos entre os dous!! Como nos gusta compartir estos momentos cos demais compis do cole!!

Boa fin de semana!! Para a próxima máis novidades!!