Iniciamos o mes da ciencia coa visita dos científicos Amparo e Suso do Museo Científico de Gondomar. Viñeron a ensinarnos ciencia relacionada co noso proxecto deste curso: o cine.

Experimentamos observando as primeiras imaxes en movemento da historia do cine (zoótropo) e as imaxes do futuro (hologramas).

Aprendemos o que son as luces estroboscópicas, xogamos coas sombras de cores e para rematar convertémonos en ciéntificos comprobando cun disco de Newton que a luz branca está formada polas sete cores do arco da vella.

Quen sabe se hai algún futuro científico entre as nenas e nenos de Rebordáns!

Non volo perdades!

Premede na imaxe.

 E no noso recuncho de lectura do corredor, podedes botar un ollo a nosa exposición de libros de ciencia.

Un ano máis o espírito de Samaín chegou ao cole de Rebordáns.

E as lecturas ás escuras non podían faltar...

Premede na imaxe para ver o vídeo.

Tepo e Tepa xa teñen todo preparado. E vós... estades list@s?

Luns 24 de outubro, Día das Bibliotecas Escolares, unha xornada cheíña de sorpresas!

Xa está aquí o primeiro programa de radio do curso!

As nosas alumnas e alumnos de sexto foron os encargados de inauguralo. E fixéronno estupedamente!

Premede na imaxe para escoitalos.

 Ola familias!

 Enmarcado no programa Lectura e Familias, o martes 8 de marzo ás 16:30 horas temos o pracer de recibir na nosa biblioteca a Charo Pita.

 Charo Pita é escritora, actriz e contacontos galega. Ten unha gran experiencia en obradoiros de lectura expresiva e narración oral. Nesta ocasión vainos ofrecer o obradoiro “Abrazar coas palabras”.

 Non podedes faltar!

 Nós xa estamos a desexar que chegue o día!

 Aquí deixámosvos un pequeno avance para ir abrindo boca…

Misión cumplida!

Seguindo as instrucións de Tepo e Tepa, creamos nubes de palabras sobre que é a arte da escultura para nós. Entregámolas na biblio e... de aí foron dereitiñas a nosa exposición!

Aí van os novos vídeos...

Xavi Rocha de 5º de infantil vainos propoñer Feliz Navidad, Lobo Feroz e por outra banda a súa irmá Iria Rocha de 3º de primaria, a colección El Diario de Greg e Cerdito de Navidad.

Seguimos con irmás, Lucía Barbosa de 6º de primaria e Diana Barbosa, exalumna do cole, tamén aportan as súas lecturas.

Esta semana empezamos os obradoiros de xadrez. Brais Otero Nogueira, profesor xadrecista do club de Mos, será o encargado de iniciarnos. Estará connosco os luns, mércores e venres.

Esta semana empezamos cunhas nocións básicas e cos movementos dos peóns e o rei.

Esperamos con impaciencia a seguinte clase!

 Os nenos e nenas de primeiro tíñannos preparada unha súper sorpresa na emisión do seu programa de radio.Ían a entrevistar a Papá Noel!

Non podían estar máis emocionados. Escoitade con atención.