É tempo de Entroido!

O alumnado de 6º B realizou o mural da entrada baixo o lema "O entroido galego, un ... Entroido de cine! Quedoulles así de espectacular!

Este venres, 21 de febreiro tivemos o festival de Entroido. Foi unha festa moi divertida! Como sabedes, este ano a cousa vai de cine, así que gozamos vendo un auténtico Entroido de cine!

Presentamos diferentes comparsas, todas elas relacionadas con películas de cine. Quedaron así de lucidas, orixinais e espectaculares! Grazas ás familias por axudarnos a lucir así de ben e ás mestras e mestres que fixestes posible que nos converteramos en auténticos e auténticas actores e actrices de cine.

O alumnado de Educación Infantil representou a película dos Trolls. Estiveron guapísimos e guapísimas, e que ben se moveron!

Os rapaces e rapazas de 1º fixéronnos revivir a maxia de Toy Story. Que marabilla!

Os nenos e nenas de 2º convertéronse nos verdadeiros e verdadeiras Minions. Foi espectacular!

Co alumnado de 3º gozamos lembrando a Charles Chaplin! Foi un éxito!

Cos nenos e nenas de 4º revivimos o clásico de Mary Poppins. Foi xenial!

Os rapaces e rapazas de 5º convertéronse nos auténticos e auténticas piratas da película Piratas del Caribe. Foi emocionante!

E para finalizar, os compañeiros e compañeiras de 6º, interpretaron The greatest show. Nesta película, o director pretende montar un gran espectáculo acollendo a diferentes personaxes do mundo do circo que dalgunha maneira foron rechazados ou marxinados pola sociedade e aos que el lle dá una segunda oportunidade. Noraboa!

E ata aquí chegou o noso desfile, no que como vistes, converteuse nun auténtico Entroido de cine! Esperamos que vos gustara e desfrutarades tanto coma nós!

Feliz Entroido!

Un ano máis conmemoramos todos xuntos e xuntas o Día Escolar da Non Violencia e a Paz.

Neste día, 30 de xaneiro, celébrase o aniversario da morte de Mahatma Gandhi, líder pacifista que defendeu e promoveu a non violencia e a paz.

Foron moitas as mulleres e os homes que loitaron pola Paz universal. E neste día, os colexios convertémos en instrumentos de paz e entendemento entre persoas de distinta formación, raza, cultura e relixión.

Nós aportarmos o noso gran de area. Durante toda a semana estivemos traballando e concienciándonos sobre o tema e fixemos en común o mural que leva por título: "Todas as mans son necesarias" porque só conseguiremos a Paz se traballamos todos unidos e unidas. O alumnado de Educación Infantil estampou as súas mans na silueta dunha gran pomba, símbolo da Paz, e o alumnado de Educación Primaria encheu o mural con mensaxes cheas de ilusión, bos propósitos e esperanza.

Ademais, enchemos os corredores e aulas do noso colexio cuns móbiles de pombas que quedaron así de bonitos:

Hoxe, 30 de xaneiro, fixemos un acto conmemorativo no que lemos o noso Manifesto pola Paz 2020. Centrámonos no tema da igualdade e a sustentabilidade da Terra, dous temas que nos preocupan e cos cales estamos moi concienciados e concienciadas.

Pero, ademais, vimos unha curtametraxe titulada "El señor Guerra y la señora Paz", e despedimos o acto cantando todos xuntos e xuntas a canción de Mamá Cabra " O mundo é grande". Pasámolo xenial!

O venres, 21 de decembro por fin chegou o ansiado Festival de Nadal! Foi unha xornada moi completa! Porque recibimos a visita de Papa Noel e o Apalpador polas nosas aulas! Tivemos a oportunidade de falar con eles e trouxéronnos uns zumes moi saborosos! Pero ademais, ao finalizar a xornada, tamén nos visitaron os Reis Margos, cargados con moitos caramelos! Foi moi emocionante!

O festival tivo lugar no salón de actos e estivo cheo de moitas actuacións moi variadas, divertidas e emocionantes! Aquí tedes un resumo das mesmas:

Orde das actuacións	Título
3 anos A	Muñeco de nieve
3 anos B	Corre, salta, juega, es navidad!
4 anos A	I`m the Happiest Christmas Tree
4 anos B	Arbolito de Navidad
5 anos A	Frozen
5 anos B	Navidad Rock
1º	Danza de las flautas, Tchaikovsky
2º	Remix: A pantasma Cineasta!
3º	Viennese Musical Clock de Kodaly
4º	Poemas e chistes de Nadal
5º	O valor da amizade
6º A	Marcha Radetzky
6º B	Percutimos de cine

Como podedes comprobar, este foi un festival de cine! BO NADAL!

É tempo de Nadal! E aínda que xa estamos de vacacións, no colexio fixemos un montón de traballos relacionados con estas datas.

En primeiro lugar, o alumnado de 5º elaborou o mural da entrada, que leva por título "Presentando: Un Nadal de cine".Quedoulles así de bonito!

Ademais, os corredores enchéronse de diferentes traballos realizados polos nenos e nenas coa axuda das familias, que desta vez estaba relacionado coa temática do ano: o cine. Adornamos con moitas claquetas, cámaras, palomitas, entradas de cine, cintas... cun toque moi navideño!

E o alumnado de 4º de Primaria realizou as postais de Nadal que encheron este mural tan orixinal!

O recuncho da biblioteca tamén luciu así de bonito!

O 20 de novembro conmemórase o Día Universal dos Nenos e das Nenas. É un día de celebración polos avances conseguidos, pero sobre todo é un día para chamar a atención sobre a situación dos nenos e nenas máis desfavorecidos/as, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

No colexio levamos a cabo diversas actividades: ademais de traballar cada un dos dereitos da infancia, fixemos un mural común onde quedaron ilustrados e rotulados. O mural leva por título "Dereitos da Infancia" e quedounos así de bonito.

Traballamos os seguintes dereitos:

• Medrar en liberdade

• Xogo

• Familia

• Coidados especiais

• Identidade

• Non ser maltratado/a

• Nos ser discriminado/a

• Educación

• Saúde

   

Ademais tivemos a oportunidade de asistir á Casa da Cultura a ver uns espectáculos ofertados polo Departamento de Cultura do Concello de Arzúa.

O luns 18 o alumnado de Educación Infantil viu o espectáculo "Gatuxo" de Magín Blanco.

Gatuxo é unha metáfora do crecemento da infancia e do descubrimento do mundo dende unha perspectiva artística: Gatuxo é arquitecto dunha caixa, é músico na cociña, é pintor de garabatos, é bailarín de claqué, é cantante, é titiriteiro cos obxectos cos que salta, e, por suposto, é o narrador da súa propia historia.

O martes 19 o alumnado de 1º, 2º e 3º de Educación Primaria asistiu ao espectáculo UMMM! De Teatro Avento.

Cancións, bailes e cores arroupan unha historia sobre as diferenzas, a autenticidade e o valor de traballar en equipo para aprender a ver o mundo cos ollos do outro.

O mércores 19 o alumnado de 4º, 5º e 6º viu o espectáculo "Nómades" de Xarope Tulú.

É un espectáculo onde o movemento, a música e a palabra invitan a viaxar por paisaxes singulares. Somos nómades, transitamos sen morada nin corpo fixo. Habitamos a beleza do diverso, esa beleza que da cor a outros corpos e facilita a aparición de novas tonalidades, texturas e maneiras de vivir, onde non existe un corpo equivocado, onde é posible imaxinar ás persoas en abstracto.

O Magosto é unha festa tradicional na que a castaña é a verdadeira protagonista. Trátase dunha celebración relacionada coa recolección de castañas na que se prepara unha fogueira para asalas en torno á cal se reúnen os veciños e veciñas para compartilas.

Nós, hoxe, tamén quixemos celebrar o noso Magosto, comendo castañas en compañía dos nosos amigos e amigas.

Aínda que o tempo non acompañou para poder celebrar os tradicionais xogos con castañas, puidemos festexar este día xogando e comendo castañas cos nosos compañeiros e compañeiras. Foi igualmente moi divertido!

Esperamos pacientemente na fila para recollelas, e despois degustámolas todos xuntos e xuntas!

Pero o día non rematou aquí!

Despois desta celebración tivemos a oportunidade de asistir a un espectáculo de maxia organizado pola ANPA e subvencionado pola Diputación da Coruña. Contamos coa visita do Mago Benxamín, co seu espectáculo "Máxico 2019".

Foi un espectáculo moi divertido no que nos ilusionamos con moitos trucos de maxia. Ademais, algúns nenos e nenas, e algunhas mestras, puideron ser os e as protagonistas dalgún deles, e foi verdadeiramente emocionante.

En resumo, pasamos unha xornada moi divertida con todas estas actividades. Feliz Magosto!

O venres, 21 de xuño celebramos o ansiado Festival de Fin de Curso!

Foi un día cheo de emoción e nervios. Quixemos despedirnos deste curso escolar con moita alegría, e que mellor maneira de facelo, que con música, baile e diversión!

Comezamos polos máis pequechos, os nenos e nenas de Educación Infantil que bailaron ao son de Vacas Lobotómicas.

Os rapaces e rapazas de 1º bailaron un remix tradicional – moderno moi divertido!: "Danza galega", "Marcha, marcha", "Babyshark", "Calma" e "Vivir la vida".

Os nenos e nenas de 2º deleitáronnos coa coreografía de "Madre Tierra".

Logo, tocoulle o turno aos rapaces e rapazas de 3º, que interpretaron "La venda".

Os nenos e nenas de 4º bailaron "Tu cintura".

Os rapaces e rapazas de 5º interpretaron un remix moi moderno: "New rules", "Happier", "We will rock you".

O alumnado de 6º, bailou un remix moi divertido e orixinal: "No importa que llueva", "Bajo el mismo sol".

Para finalizar, demos paso á entrega das orlas ao alumnado de 6º para que leven un recordo dos seus compañeiros, compañeiras, mestres e mestras que os acompañaros nesta andaina.

E como peche do acto, o noso mestre Iván, acompañado dalgúns nenos dedicáronlle unha peza musical a todos os nenos e nenas de 6º.

Pasámolo xenial rodeados de todos os nosos compañeiros e compañeiras, mestres e mestras, e a compañía de familiares e amigos. Grazas a todos e a todas por facer posible que despedísemos da mellor maneira este curso escolar 2018-2019!

"As pontes unen; educar é unir"

Feliz verán!

Hoxe en día non sorprende ver aos alumnos e alumnas lendo ou traballando cos xornais nas aulas. Lendo, analizando, reflexionando e aprendendo a sociedade que nos rodea. Empregando o xornal, en definitiva, como unha ferramenta didáctica coa que podemos traballar na aula.

A nivel aula realizamos diferentes actividades para traballar e aprender máis sobre a prensa.

Ademais, pedimos exemplares a "La Voz de Galicia" cos que poidemos traballar nas aulas. Aprendemos as partes principais dos xornais, seccións, compoñentes dunha noticia...

Tendo en conta que esa semana, ademais de traballar coa prensa, estabamos a traballar o tema da Muller Traballadora, aproveitamos as dúas actividades para elaborar unha actividade común. Elaboramos o noso propio xornal que leva por título "Pioneiras". Deste xeito, aproveitando a información das mulleres galegas que estivemos traballando, elaboramos noticias e con elas confeccionamos o mural común. Así de bonito quedou:

O Día Internacional da Muller Traballadora conmemora a loita da muller pola súa participación, en pé de igualdade co home, na sociedade e no seu desenvolvemento íntegro como persoa. Celébrase o 8 de marzo.

Nós tamén nos quixemos sumar a esta loita e aportar o noso gran de area. Cada titoría traballou sobre a temática, e ademáis fixemos unha actividade común. Cada clase escolleu a figura dunha muller galega para traballar na aula. Logo, fixemos a icona da muller e dentro colocamos a imaxe da muller escollida, a súa profesión e información máis relevante da mesma. Estes traballos colocámolos na porta de cada clase e luciron así de bonitos!

Mulleres que traballamos:

Chus lago: alpinista

Isabel Barreto: a primeira almiranta

Celia Rivas: primeira camioneira de España.

Irene González: futbolista

Ana Peleteiro: atleta

Virxinia Wolf: escritora

Maruxa Mallo: artista

Manuela Barreiro: primeira galega licenciada

María Barbeito: mestra

Ángela Ruiz: mestra e inventora

Isabel Zendal: enfermeira

María Castaña e María Pita: heroínas

Mª Luz Morales: periodista

Por fin chegou unha das celebracións que máis nos gusta: o Entroido!

Os rapaces e rapazas de 3º foron os encargados/as de facer o mural da entrada, que leva por 

título: "Así celebramos o Entroido no noso cole!". Quedoulles así de chulo!

O pasado venres, 1 de marzo celebramos o Entroido 2019. Foi un día de nervios, diversión, alegría... e estivemos encantados e encantadas de poder amosarvos os nosos disfraces que preparamos con tanta ilusión.

A temática deste ano é o Patrimonio cultural de Arzúa, así que poidemos gozar vendo diferentes disfraces de cousas, produtos, festas, personaxes… típicos da nosa terra.

Fixemos un desfile no pavillón do Viso, no que presentamos as diferentes comparsas. Esperamos que vos gustaran e que gozarades tanto coma nós!

A apicultura está moi presente na nosa terra. Por iso vos presentamos ás verdadeiras protagonistas que fan que teñamos un mel tan saboroso en Arzúa, as abellas de Educación Infantil.

A gandería tamén está moi presente na nosa zona. É a principal actividade económica no noso concello, así que aquí vai unha mostra das mellores vacas e touros da nosa terra representados polos nenos e nenas de 1º.

Toda explotación gandeira necesita xente que traballe con ansia, esforzo e vontade. Presentámosvos, a continuación, aos mellores gandeiros, gandeiras, feirantes e tratantes de Arzúa representados polos compañeiros e compañeiras de 2º.

O Concello de Arzúa é un importante municipio galego no Camiño de Santiago. Centos de peregrinos pasan polas nosas rúas cada día facendo o camiño, e aquí temos unha mostra diso. Presentámosvos aos peregrinos, peregrinas e indicadores do camiño que están facendo a última etapa antes de chegar a Santiago representados polos rapaces e rapazas de 3º.

En toda festa, sempre hai música. E en Arzúa sabemos moi ben diso. A Banda de Música de Arzúa, despois de moitos anos de éxitos, actuou para todos e todas nós, cun dos seus clásicos. Estivo representada polos compañeiros e compañeiras de 4º.

Que é Arzúa sen queixo? É coñecida como a “Terra do Queixo”, coa Denominación de Orixe Arzúa-Ulloa, un dos principais embaixadores da zona. A continuación, presentámosvos ás nosas mellores queixeiras e queixeiros que nos trouxeron estes saborosos queixos da nosa terra, representados polos rapaces e rapazas de 5º.

Por último, presentamos aos mellores xinetes e amazonas do Concello representados polos nenos e nenas de 6º que se están preparando para a próxima Ruta Cabalar de Arzúa.

E ata aquí chegou o noso desfile, no que como vistes, houbo unha pequena representación das mellores cousas da nosa terra. Esperamos que vos gustara e gozarades tanto coma nós!

Feliz Entroido!