Este curso escolar, utilizando como inspiración o eixe de "Unha ventá aberta ao mundo", na aula de Música e facendo uso da Biblioteca escolar, os alumnos e alumnas de 4º e 5º EP traballamos ao longo do curso co lema "We are the others" ( Todos somos "os outros") para concienciar aos nenos e nenas do importante que é coñecer e apreciar a diversidade cultural do mundo. As manifestacións artísticas, como a música e o baile, amosan o carácter e esencia dun pobo, contan a través de movementos, cancións e instrumentos a súa historia, costumes e cultura.

Tamén colaboramos cunha ONG para compartir un vídeo falando da nosa tradición oral cunha escola en Tumaco, Colombia, e que os nenos comprendan o diferente que pode ser a ensinanza noutros países.

Podedes ver a publicación completa no blogue de Unha ventá aberta ao mundo:

https://unhaventaabertaaomundo.blogspot.com/2024/06/we-are-others-as-culturas-do-mundo.html

Durante a semana do 21 ao 24 de maio, o CEIP de Arzúa organizou un curso de sensibilización sobre a diversidade sexual, impartido polo Educador Social Ález Raposo González.

O obxectivo principal deste curso foi promover o respeto e a comprensión da diversidade sexual entre o alumnado, a través de actividades dinámicas e adaptadas a cada nivel educativo.

A semana culminou coa creación dun mural inclusivo de todo o centro, que reflicte o traballo conxunto realizado polo alumnado.

O curso contou con diversas charlas e talleres interactivos que explicaron conceptos clave sobre a diversidade sexual, dunha forma accesible e comprensible para os nenos e nenas. A través de recursos multimedia, xogos didácticos e dinámicas grupais, asegurouse que a aprendizaxe fora tanto participativa como significativa, incentivando a participación activa dos estudantes.

Este martes 7 de maio, dende a materia de Ed. Plástica e visual, o alumnado de 5º e 6º visitou o Museo de Belas Artes de Coruña para coñecer o programa do museo que leva por título " Y ellas... ¿dónde están?", unha exposición na que amosan aos nenos e nenas curiosidades e datos importantes sobre diferentes mulleres que protagonizan os cadros expostos no museo: a vida que levaban as raíñas, as galegas fortes de Sotomayor, o impactante contrato laboral que tiñan que firmar as mestras no século XIX...

E logo, para aproveitar o bo tempo, disfrutamos da comida na praia do Orzán. 

iMpulsa é un proxecto que ven da man de Ayuda en Acción. Trabállase con alumnado de 5º e 6º de Educación Primaria e, ten como principal obxectivo contribuir ao desenvolvemento integral do alumnado, fortalecendo o seu autocoñecemento, apoiando a toma de decisións basadas nos seus intereses e capacidades. Tamén, tratamos de facilitar unha transición existosa cara a Educación Secundaria Obrigatoria.

As iniciativas levadas a cabo complementan as xa existentes no CEIP de Arzúa. A maiores o enfoque do proxecto iMpulsa, céntrase no desenvolvemento de competencias clave como a intelixencia emocional, a comunicación, o traballo en equipo e a toma de decisións. Adaptamos todas as actividades a cada nivel e necesidades do alumnado para promover o seu desenvolvemento escolar de xeito positivo.

En definitiva, tratamos que as nosas accións inflúan no desenvolvemento da intelixencia emocional, priorizando o crecemento emocional dende idades temperás. Ademáis, guiamos ao alumnado na exploración vocacional mediante enfoques lúdicos e participativos, fomentando o recoñecemento de intereses, habilidades e fortalezas únicas.

O 19 de xaneiro, o alumnado de 5º e 6º de primaria asistiu a unha charla enmarcada dentro do Plan Director para a convivencia e mellora da seguridade nos centros educativos e no seu entorno.

Por aquelas datas, foi a quenda das novas tecnoloxías. Óscar centrouse principalmente nos riscos do uso excesivo ou mal uso dos mesmos e, unha vez máis, insistiu nas idades mínimas que por lei os nenos/as deben ter para poder acceder e rexistrarse nas diferentes redes sociais (en España 13/14 anos).

Esta mesma temática foi a empregada na charla dirixida ás familias o 22 de xaneiro, onde os videoxogos e os seus riscos estiveron moi presentes.

No día de hoxe, e co motivo do Día Internacional contra o Acoso Escolar, este mesmo alumnado participou noutra charla enmarcada neste Plan.

Nela tratáronse diferentes temas como:

     - Que é o acoso.

     - Tipos de bullying: físico, verbal, psicolóxico e social.

     - Consecuencias.

Coma sempre, Óscar acercounos á realidade do día a día, facendo aos máis pequenos/as conscientes de que as faltas de respecto entre compañeiros/as son como as sementes do acoso escolar.

Tamén fixo fincapé no perigo dos “motes” e invitou ao alumnado a recapacitar e a meditar sobre os seus propios comportamentos.

Navega con rumbo é un programa encamiñado a guiar ao alumnado cara unha navegación segura, favorecendo o uso responsable de internet e das redes. 

O alumnado de 5º e 6º de primaria tivo a oportunidade de asistir a unha charla deste programa o pasado 29 de abril.

Da man de Kike Agrasar (enxeñeiro de Software e mestre en Formación Profesional en Ciberseguridade) tratáronse aspectos como:

- Que é Internet (a única rede de ordenadores do mundo) e que é un sistema informático (conxunto de hardwares, softwares e persoas).

- A importancia de protexer os equipos electrónicos: información cifrada, contrasinais seguros...

- Consecuencias do uso excesivo das novas tecnoloxías nas persoas máis novas: insomnio, problemas de escritura, de linguaxe...

- A tecnoloxía afecta á bioloxía, ao noso corpo e ao estado de ánimo. Debemos usar as novas tecnoloxías pero con limitacións. Debemos vivir o mundo real para entreternos, non o mundo virtual.

En definitiva, o alumando familiarizouse con novos conceptos relacionados coa navegación segura e todos nos quedamos con un dato ben curioso que descoñeciamos: no 2023, España foi campioa no mundial de hackers!  

"Stairs to Equality" (Escaleiras pola igualdade)

Mural realizado polo alumnado de 6º de EP en Inglés (Plástica) coa colaboración de alumnado de 5º que non foi de excursión á neve.

Realizaron os diferentes pasos a levar a cabo para a consecuación da igualdade na sociedade.

Neste curso escolar, as mestras participamos no programa da Xunta de Galicia: "POÑENDO OS LENTES para a protección da infancia", coa colaboración da Asociación AMINO Galicia, a través do cal se busca previr a violencia sexual infantil.

https://www.ponendolentes.es/

Enlaces aos vídeos:

FÍSICA DIVERTIDA: MECÁNICA.

COAS MATES PÓDENSE GARDAR SEGREDOS

FÍSICA DIVERTIDA: VISCOSIDADE DE FLUÍDOS

COMPUTANDO CUNHA SOA MAN

SÓ FACEMOS QUÍMICA CANDO IMOS AO LABORATORIO?

TRUCO FÍSICA: A MAXIA QUE HAI DETRÁS DA FÍSICA

LUZ, COR E SOMBRA

ASTRÓNOMAS, OUTRO UNIVERSO POR COÑECER

A ENXEÑARÍA E A CIENCIA

O PENSAMENTO COMPUTACIONAL SEN TECNOLOXÍA

XOGANDO CON MODELOS MATEMÁTICOS

XOGANDO COA LUZ

A INFORMÁTICA E A VIDA

EXPLORAMOS PARA QUE NON NOS CONTEN TROLAS?