Este mes de maio na clase de 5ºA fixemos varias actividades que xiraron arredor da temática do acoso escolar. 

Proxectamos a película Wonder, que gozou de moi boa acollida por parte dos rapaces e rapazas. Wonder narra a vida de Auggie Pullman, un neno de 10 anos nado cunha malformación facial - a Síndrome de Treacher Collins-, que lle obrigou a vivir de hospital en hospital sendo operado ata en 27 ocasións. A súa vida transcorre entre as paredes da súa casa, xunto á súa familia e a súa cadeliña Daisy. A súa nai, encargouse de educalo ata o de agora, pero chegou a hora de que coñeza mundo e se enfronte ao seu maior reto: ir por primeira vez ao colexio e tentar ser aceptado por profesores e compañeiros, a pesar de ser diferente ao resto pola súa discapacidade. 

Esta película aborda temas como o acoso escolar, a autoestima, o autoconcepto, o respecto e a tolerancia cara á diferenza, a aceptación... 

Na clase de Plástica fixeron estes collages, en grupos de dous e un de tres,  nos que plasmaron o seu rexeitamento a todo tipo de acoso.

A "Casa Grande de Xanceda" trouxo ao noso colexio a iniciativa "Educando con Malibú" onde unha cadeliña que recibe este nome, Malibú, nos visitou co propósito de educar aos máis pequenos e pequenas na tenencia responsable de animais. Ela é o claro e triste exemplo de abandono de animais de compañía.

Pese a todo isto, Malibú está segura de que a educación en valores é moi importante para que os futuros donos e donas de animais sexan responsables, chegando así, a acabar co abandono. Esta cadeliña convirteuse no símbolo desta loita, fomentando en cada clase a adopción de animais abandonados, educando na solidariedade e no respecto aos animais.

Na visita que fixo ao noso colexio, dirixida ao alumnado de Primaria,  aprendemos algo máis sobre as escusas que os donos de mascotas poñen cando as abandonan, sobre os coidados necesarios ou sobre a importancia e obrigatoriedade de identificalas.

Pero o mellor de todo, foi poder desfrutar desta cadeliña tan boa, que nos deixou darlle unha caricia chea de esperanza. Grazas, Malibú.

Con motivo da celebración do Día do Libro e ante a dificultade de levar a cabo a tradicional xornada de "Comparticontos", por mor da crise sanitaria que estamos a sufrir, os nenos e as nenas colaboradoras da biblioteca escolar queren agasallarvos co conto "A peluca de Luca" narrado por eles en formato dixital.

Trátase da historia dun neno chamado Luca que un día levou ao cole unha perruca enfrontándose valentemente aos prexuízos de xénero dos seus compañeiros e compañeiras, e amosándonos a posibilidade de que cada neno e cada nena se desenvolva libremente e medre máis forte e feliz.

Queremos contar a súa historia porque defendemos o repecto pola diversidade e a liberdade das persoas para escoller como vestir, como peitearse, como ser, como sentir...

Tamén vos deixamos unhas preguntas que vos poden dar pé a falar e intercambiar opinións sobre os valores e a mensaxe do conto; ou sobre aqueles outros aspectos do mesmo que sexan do voso interese.

Por último, convidámosvos a cantar connosco a favor da igualdade e a diversidade porque queremos construír un mundo mellor.

Lembrade que este conto ilustrado está á vosa disposición na biblioteca do cole.

Que o desfrutedes e Feliz Día do Libro!

Os colaboradores e colaboradoras da biblioteca escolar prepararon o conto "La peluca de Luca" para representarllo ao alumnado de 5 Anos A e B de Educación Infantil. Trátase dunha obra que ten como obxectivo romper e eliminar os estereotipos e prexuízos asociados ao xénero, coa intención de favorecer a posibilidade de que cada nena e cada neno se desenvolva libremente. O protagonista chámase Luca, un neno especial e valente que se enfronta a un mundo de superheroes e princesas para defender a súa perruca azul. Quen decide o que é feminino e masculino? Nunca é demasiado cedo nin demasiado tarde para loitar contra as cousas absurdas da vida.

Nesta sesión, houbo tempo tamén para reflexionar xuntos sobre os valores e as mensaxes que nos transmite a historia de Luca: a igualdade entre homes e mulleres, o respecto á diversidade e a liberdade de todas as persoas para escoller como ser, como vestir, como sentir...

Para rematar, os nenos e as nenas de E.Infantil e os biblioaxudantes cantaron xuntos pola igualdade, o respecto á diversidade e a ilusión por un mundo mellor onde istos valores sexan unha realidade.

Grazas a todas e a todos por estas marabillosas experiencias e saberes ao redor dos libros e a lectura.

O DÍA INTERNACIONAL DA MULLER conmemora cada 8 de marzo a loita das mulleres pola súa participación na sociedade e o seu desenvolvemento íntegro como unha persoa, en pé de igualdade co home.

As mulleres unidas teñen o poder de cambiar o mundo e loitar pola igualdade en todos os ámbitos da sociedade.

O alumnado do CEIP de Arzúa realizou este mural que leva por título "AS MULLERES MOVEN O MUNDO".

Decoramos con moitas flores diversas e coloridas o vestido da figura dunha muller da que saen bolboretas fermosas e libres que portan mensaxes esperanzadoras como: "As mulleres moven o mundo: loitando, co corazón, investigando, cando estamos unidas, porque son valentes, guerreiras e poderosas, creando, co seu poder, atrevéndonos a soñar e ser o que elixamos, co valor, sendo libres, felices, amables, atrevidas..."

Ademais deste mural común, tamén se realizaron diversos traballos a nivel de aula. Investigamos sobre esta conmemoración e os logros obtidos, ou aprendemos e repasamos a vida de moitas mulleres importantes na historia que fixeron posible estes avances ou destacaron nalgún campo.

Tal día coma o de hoxe  conmemoramos o DÍA DA MULLER, un día que debemos de ter presente os 365 días do ano.

Quizáis hoxe deberíamos falar de mulleres científicas, astronautas, escritoras, as primeiras futbolistas...mulleres que por un motivo ou outro son importantes na  historia e moitas de elas marcaron un antes e un despois.

Pero nós, hoxe ,na aula de tres anos ,quixemos ensalzar e dar a importancia que se merecen a unhas mulleres moi cercanas que cada día loitan e se esforzan e que , aínda que non saen en libros nen medios de comunicación marcan , para nós tamén, un antes e un despois.

Pois estas son nosas mulleres importantes das  nosas vidas!!

Durante o mes de xaneiro, o alumnado de 5ºA realizou diferentes actividades relacionadas co Día Internacional da Educación e co Día da Paz.

En relación coa primeira conmemoración, vimos a primeira parte da película "Buda explotó por vergüenza" e fomos comentando diferentes temas que se abordaban na mesma. Na clase tamén se proxectou un vídeo sobre o dereito á educación e participamos no mural colectivo que se colocou na entrada do centro. Cada neno e nena deu resposta no seu debuxo ao lema proposto: "A educación promove...". 

Para traballar a segunda temática realizamos un mural que levou por título "A Paz é posible...". 

Estas son as fotos ampliadas dalgúns dos traballos que aparecen no mural.

En este segundo trimestre e relacionandoo co tema de este ano :MEDIO AMBIENTE E SAÚDE" na nosa aula estamos a traballar o proxecto "COÑEZO O MEU CORPO", no que traballaremos as principais partes do corpo, as nosas diferencias e a importancia dunha boa alimentación e boas prácticas deportivas para mantelo forte e san.

Durante esta semana traballamos as partes da cara a través dun xogo que nós mesmos fixemos e co que agora podemos practicar e xogar á vez que aprendemos:

O NOSO PROPIO ROMPECABEZAS COAS PARTES DA CARA.

Con esta actividade traballamos ademais a igualdade , xa que cada un/ha o coloreou ao seu gusto saíndo cousiñas moi diversas que nos axudou a traballar as nosas diferencias e a fomentar o respeto por tod@s e cada un de nós.

Ademais estamos aprendendo o baile dunha canción que nos gusta moito!

Movemos o noso corpo todos os dias para estar en forma e manternos fortes e sans!

https://youtu.be/z6DoPp-LkTA