Os sistemas de comunicación multiplexados, forman parte da electrónica dos automóbiles na actualidade. Como tal detectouse a necesidade de formación nesta temática para o profesorado da familia de Transporte de mantemento de vehículos.

O curso parte dos conceptos básicos da electrónica dixital como a base para poder entender o funcionamento dun sistema multiplexado, e posteriormente estúdanse os diferentes buses de comunicación multiplexados actualmente usados nos vehículos, así como a súa diagnose.

Os titores son profesores da especialidade de Organización e procedementos de mantemento de vehículos do IES As Mariñas (Betanzos) , que completaron os seus coñecementos previos por medio proxectos de formación de FP orientados a profundizar nesta novidosa materia.

A actividade inclúe unha sesión presencial de 7 horas de duración que terá lugar no IES As Mariñas (Betanzos) os días xoves 3 de Marzo e venres 4 de Marzo, en horario de 10:00 a 14:00 e 16:00 a 19:00 horas. Ao longo da fase en rede do curso, dividirase ao profesorado participante en dous grupos de 13 persoas como máximo; de xeito que un grupo acudirá á sesión presencial do xoves, e o outro á do venres. As sesións as impartirán os mesmos titores que a parte en rede, e durante as mesmas se traballarán aspectos prácticos da electrónica de buses de comunicacións dos automóbiles coa axuda das maquetas dispoñibles no centro.

É unha actividade centralizada polo que segundo o artigo 19.1 da Orde do 7 de abril de 2008, o permiso para asistir á sesión presencial xa ven concedido de facto sen necesidade de solicitalo á inspección educativa.

Segundo o artigo 10.1.d da Orde do 14 de Maio de 2013 (DOG do 22/5/13) a asistencia á sesión presencial é obrigatoria.

Data de comezo:  22/1/2016

Data de finalización: 4/3/2016

Lugar de celebración: Platega2

Número de horas totais: 37

Ligazón a FPROFE:  https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66972

Ligazón á Aula Virtual: https://www.edu.xunta.es/platega2/course/view.php?id=199

A Rede de Formación Permanente do Profesorado reuniuse en Sanxenxo os pasados días 10 e 11 de decembro para facer unha posta en común do traballo elaborado sobre o novo modelo competencial da función docente. Durante estas dúas xornadas presentouse o resultado deste esforzo conxunto que definirá o marco no que basear unha nova concepción da formación do profesorado.

MODALIDADE: online (PLATEGA)

NÚMERO DE HORAS: 50

INSCRICIÓN: https://www.edu.xunta.gal/fprofe/procesaInicio.do?DIALOG-EVENT-verAct=verAct&cod_actividade=66780

Constituído arredor da ferramenta eXeLearning, pretende situala no seu lugar: Por un lado pretendimos afastarnos da idea da ferramenta como fin, pero sen chegar ao punto de considerala un medio "transparente". As ferramentas tamén condicionan o uso que facemos de elas e, en consecuencia, a nosa interacción co mundo real (metodoloxía).
Parece inevitable a necesidade de formular algún tipo de obxectivo educativo previo que nos vaia a servir de guía ao longo do desenvolvemento do curso. Esta declaración inicial de principios permitiranos ir tomando decisións tecnolóxicas de calado.
O curso está inspirado na metodoloxía de traballo do Centro de Desenvolvemento Currirular en Sistemas Non Propietarios (CEDEC).

FINALIDADES INSTRUCTIVAS:

• Axudar ós estudantes a comprender un conxunto de dilemas sobre os recursos dixitais escolares cos que, no contexto da sociedade da información e da comunicación, os profesores han de enfrontarse á hora de planificar os procesos de ensinanza e de aprendizaxe.
• Axudar ós estudantes a comprender e a valorar os factores, mecanismos e condicións que favorecen unha aprendizaxe comprensiva dos contidos escolares.
• Axudar ós estudantes a desenvolver a autoaprendizaxe no uso de ferramentas contedoras de contidos escolares, concretamente eXeLearning.
• Axudar ós estudantes a experimentar a transformación colaborativa de Recursos Educativos Abertos coa ferramenta eXe.
• Axudar ós estudantes a comprender e valorar a existencia de novas estruturas rede ao servizo do traballo colectivo e colaborativo.

METODOLOXÍA:

O curso contén diferentes tipos de tarefas (lectura, creación de textos, discusión, construción e publicación de contidos) para as que será imprescindible a interacción social dos participantes, é por isto que os diferentes módulos non aparecerán abertos dende o comezo, senón que seguiremos unha secuenciación común de tarefas.

Partimos da seguinte conceptualización psicopedagóxica tomada do profesor Juan Carlos Pardo Pérez: Toda práctica educativa responde e está fundamentada nunha concepción psicopedagóxica particular, sexa esta implícita ou explícita. O presente curso enmárcase explícitamente nunha concepción constructivista do desenvolvemento e da aprendizaxe escolar, concepción a que contribúen dun modo especial a Epistemoloxía Xenética de Jean Piaget, a Teoría da Orixe Sociocultural dos Procesos Psicolóxicos Superiores de Lev S. Vygotsky e a Teoría da Aprendizaxe Verbal Significativa de David P. Ausubel. A pesares das diferencias de matiz que poida haber entre elas, estas tres teorías aportan un conxunto de ideas directrices para a intervención psicopedagóxica:

• O suxeito constrúe o seu coñecemento (aprende) gracias a súa actividade co medio.
• Estes coñecementos constitúen en cada momento a base dispoñible ou o punto de partida para construír novos coñecementos (para efectuar novas aprendizaxes).
• Dado que estes coñecementos son construcións culturais (trátase de elaboracións feitas polas persoas), a actividade do individuo está en todo momento mediada por axentes expertos (pais, compañeiros, profesores, etc.) que, a través de actividades de ensinanza, promoven a aprendizaxe.
• Se, como se dixo anteriormente, o suxeito aprende a partir da organización de coñecementos dos que xa dispón, favorécese e promóvese a aprendizaxe canto mellor se coñeza aquelo que o alumno xa sabe, porque así será posible conectar os novos contidos cos que xa posúe (fálase neste caso de aprendizaxe significativa).

O obxectivo final do curso é desenvolver e analizar as metodoloxías innovadoras e aproximacións e métodos de avaliación para apoiar itinerarios, ritmos diferentes de aprendizaxe co fin de adquirir as competencias necesarias que demanda a sociedade e o mundo laboral.

O curso de formación online para profesorado está estruturado en 4 Módulos/ Itinerarios de aprendizaxe (Módulos multimedia):

• Kit básico TIC (Obrigatorio)

• Aprendizaxe centrado en el alumno/a

• Emprendemento

• Procesos de avaliación e seguimento do alumnado

Requisitos previos: profesorado en activo preferentemente de educación secundaria, manexo básico TIC e conectividade a internet.

O día 2 de decembro de 2015 celebrouse no Hotel Puerta del Camino (Santiago) a primeira das 3 sesións das “Xornadas para os coordinadores e coordinadoras de actividades de formación en centros” organizadas polo CAFI (Centro Autonómico de Formación e Innovación). Foi un obradoiro impartido por Manel Güell Barceló sobre “liderado de reunións” ao que asistiron máis de 100 persoas.

Sesión de formación para as coordinadoras e coordinadores de actividades de formación en centros e equipos de formación dos PFPP.

Terá lugar o mércores, día 2 de 16:30 a 20:30 horas no hotel Puerta del Camino en Santiago de Compostela. A temática da sesión céntrase na xestión de reunións eficaces e resolución de conflitos nos grupos.

Este sábado 28 de novembro terá lugar na Escola Galega de Administracións Públicas (EGAP) en Santiago de Compostela a primeira edición de escolaTAC, un evento paralelo ao xa coñecido escolaTIC do que se celebraron dúas edicións.  

escolaTAC é unha actividade organizada polo Centro Autonómico de Formación e Innovación que está fortemente centrada en obradoiros nos que os mestres e mestras das etapas de Infantil e Primaria terán a oportunidade de vivenciar diferentes formas de traballo (aprendizaxe baseada en proxectos, ludificación, resolución de problemas, creatividade...), integrando medios tecnolóxicos (realidade aumentada, dispositivos móbiles, impresión 3d, videoxogos…) e utilizando novas linguaxes (narrativa transmedia, programación…).

Esta xornada completarase coa edición para Secundaria e Bacharelato que terá lugar no segundo trimestre e cuxa inscrición aínda está aberta.

Toda a información relativa a este evento pódese consultar en www.escolatac.gal

Os videiros días 30 de novembro e 1 de decembro , en horario de 16:30 a 20:30,   terá lugar no salón de actos do CIFP Compostela a actividade  presencial O modelo experimental da FP dual en Galicia .

Esta é unha actividade  do Plan Anual 2015-16 ,cuxos obexectivos inclúen coñecer o marco normativo da FP dual, coñecer a estrutura dos proxectos de FP dual en Galicia así como elaborar un plan de estudos para un proxecto de FP dual.

Nesta actividade formativa participaran como relatores  asesores da Dirección Xeral de Educación, Formación Profesional e Innovación Educativa , así como o director dun centro educativo con modalidade  de  FP dual e representantes de empresas colaboradoras

Enlace Fprofe:

https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66982