Nunha sociedade cada vez máis diversa as persoas con discapacidade auditiva de distinto tipo e grao representan o 8% da poboación Aínda que moitas persoas da comunidade xorda utilizan a lingua oral outras moitas empregan a Lingua de Signos. A tendencia cada vez máis inclusiva da sociedade nos diferentes ámbitos: educativo, sanitario e social fai case obrigatoria a existencia de máis profesionais que coñezan a Lingua de Signos.

Co curso de Lingua de Signos. Curso básico iniciaraste na lingua de signos e adquirirás os coñecementos necesarios que che permitirán comunicarche coas persoas xordas. Traballarás tanto a comprensión como a expresión alcanzando o coñecemento do vocabulario de uso cotián e o coñecemento da estrutura gramatical básica.

Obxectivos

1. Adquirir un nivel básico de comprensión e expresión en lingua de signos.
2. Coñecer e aplicar as habilidades de expresión corporal necesarias para unha produción básica en LSE.
3. Fomentar a integración do alumno e alumna con discapacidade auditiva na dinámica do centro escolar.

Contidos

1. O alumnado con discapacidade auditiva e o seu acceso á comunicación.
2. Acceso ao currículo do alumnado con discapacidade auditiva.
3. A lingua de signos como sistema lingüístico: regras xerais, sintaxe e ampliación do léxico a nivel I.

Datos importantes:

• Datas:
  • Setembro (25, mércores)
  • Outubro (2-9-16-23, mércores)
  • Novembro (6-13, mércores
• Relatora:  Alba Tamara Puentes García
• Horario: de 17:00 a 20:00h.
• Código en  fprofe:  S2401068
• Lugar: CAFI - Santiago de Compostela, Aula 11

O percorrido ten dous itinerarios, que abarcan os lugares da súa terra vasca nas que o poeta viviu:

• Bilbao é o berce da súa familia paterna e a cidade onde el mesmo naceu, pasou a súa infancia e fixo os seus primeiros estudos, marcando a súa memoria e afectos para sempre.
• Orozko, na zona rural, é o idílico paisaxe da familia materna, remanso de paz ao amparo da avoa dona Pebida Sagarmínaga. Ao pé do Gorbea, Orozko é para o poeta o valle de mi adolescencia»  e o que lle liga ao campo, ao espertar do amor e á memoria dos antepasados.

Vexámolo máis polo miúdo:

• Orozko:

  • Ponte e praza do Concello. Ermita de Santa Marina. Panteón familiar no cemiterio de San Juan.
  • O frontón (“en que tendí diariamente los músculos de muchacho”).
  • O río (“piedras del río que mis pies treceañeros traspusieron”).
  • Casa-palacio Ugarte (Casa-palacio de Cantarrana). Casa dos avós maternos: José Ramón Muñoz Lámbarri e Josefa Sagarmínaga Isasi (“doña Pepita”). Cerca, “Presachu”, solar dos Sagarmínaga.
    • A horta da avoa.
    • A galería sobre o xardín.
    • A biblioteca do avó médico.
    • O dormitorio de Blas.

• Bilbao:

  • Rúa San Agustín, 1 (detrás do Concello): casa dos avós paternos (Blas de Otero Goenaga e Melitona Murueta Ugalde). Textos autobiográficos: «Mi abuelo paterno era capitán de barco».
  • Río Nervión: «Amo el Nervión..., sus ocres ondas, las gaviotas grises». Poema: «Amo el Nervión».
  • As Sete Calles: Praza Nova, Barrencalle Barrena, soportais xunto ao Nervión: «...pálida frente / de niño absorto entre los soportales...». Poemas: «Lejos», «Muy lejos» e «1923». Prosa: «La lejanía».
  • El Arenal: Café «El Boulevard». Poema: «Parece que llueve»..
  • Rúa Hurtado de Amézaga.
    • No nº 5 (fronte á estación): consulta médica do avó materno (Dr. José Ramón Múñoz). Textos autobiográficos: «Mi abuelo materno, un tipo muy original, era un médico famoso con consulta en Bilbao, que murió el mismo año que yo nací».
    • Nº 29 (antes nº 30), 4º piso dereita: Casa natal de Blas de Otero. Aquí colocou o Concello de Bilbao unha placa recordatoria do nacemento do poeta. Prosa: «Pensándolo bien...»: «Nací en la calle Hurtado de Amézaga, a cierta hora del 15 de marzo de 1916, salí afuera y aquí estoy».
      Poema: «Biotz-begietan».
    • Nº 52: casa construída polo seu pai, Armando de Otero Murueta, onde viviu Blas a súa infancia ata os dez anos. É entón cando a familia se traslada a Madrid. Textos autobiográficos: ««Mi padre, que había hecho estudios en Inglaterra, tenía un negocio de metales en Bilbao y nosotros vivíamos anclados en la clase acomodada. Por entonces, estaba “mademoiselle Isabel” en casa». Poemas: «Mademoiselle Isabel» y «1923».
      Prosa: «Manuel Granero».
    • Enfronte desta casa, a igrexa de San Francisco, chamada A Quinta Parroquia, cuxa “procesión de jueves santo” vía o neno Blas desde a “alta terraza” (poema “Lejos”). Aquí fixo a súa Primeira Comuñón. Textos autobiográficos: «Y llegó mi primera comunión, toda de blanco y azul, pero tan angustiada, tan atosigante de bandas sobre el traje marinero, velas, velos y azucenas, que maldita la falta que hacían, pero yo era un niño rico, y todo esto era imprescindible».
    • Nº 36: domicilio entre 1934-1945, á súa volta de Madrid, onde se consumou a ruína familiar, tras a morte do pai e do irmán maior do poeta. Estas mortes converteron a un Blas de quince anos no único home, responsable da rehabilitación económica da familia. Se o seu irmán comezara Dereito, el tivo que esquecer a súa vocación poética para seguir a mesma carreira. É nesta vella casa, antes de que a derrubasen, onde estudaba sen respiro, como relata en varios textos. Prosa: “Rotura”. Poema: “O obús de 1937”.
  • Calle Alameda de Recalde, 70: Casa da nai, Concepción Muñoz Sagarmínaga, xa viúva, onde vivirá a familia desde 1946. Aquí creou Blas de Otero unha academia onde, durante varios anos, impartiu clases a alumnos de Dereito. A esta casa materna volvía despois das longas viaxes que, desde 1956, leváronlle por afastados países de todo o mundo, ata que en 1964 trasládase a Cuba. Volve da illa en abril de 1968 para instalarse definitivamente en Madrid, onde morrerá o 29 de xuño de 1979. Poema: “Siete”.
  • Na rúa Egaña, próxima a lugares vivencialmente unidos á memoria de Blas de Otero, o Concello de Bilbao colocou un busto do poeta en outubro de 2005. Obra do escultor Francisco López, a imaxe en pedra do poeta mestúrase, como a dun veciño máis, aos homes e mulleres de Bilbao que nesta rúa peonil reúnense a diario para descansar, mentres os seus nenos xogan ao redor.

Datos importantes:

• Data: 21 de setembro de 2024
• Relator:  Ibon Arbaiza, director da Fundación Blas de Otero
• Horario: de 10:00 a 14:00h e de 16:00 a 20:00h.
• Código en  fprofe:  G2403004
• Lugar: Orozko e Bilbao

Gustaríache captar toda a atención do teu alumnado cada vez que impartes clases e non ter que loitar para que che presten atención?

Queres mellorar a túa forma de te expresar e a túa linguaxe corporal para poder aplicalo nas túas aulas e en calquera outra actividade académica?

Sentiches que algunhas veces o alumnado non che prestaba atención e desconectaba?

Se te sentes identificado con estas situacións, seguro que che convén aprender e levar á práctica o que che imos contar neste curso.

Obxectivos

1. Mellorar a comunicación interpersoal para a función docente.
2. Adquirir ferramentas para a comunicación eficaz.
3. Construír un discurso eficaz manexando o espazo de acción.

Contidos

1. Comunicación eficaz: estrutura e estratexias do discurso.
2. Linguaxe non verbal: adestramento da voz e do corpo.
3. A mensaxe: estrutura, contido e ideas clave.
4. A posta en escena.

Datos importantes:

• Datas:
  • Outubro:
    • 26 (xoves)
  • Novembro:
    • 3 (xoves)
    • 10 (xoves)
    • 17 (xoves)
    • 24 (xoves)
  • Decembro:
    • 7 (xoves)
• Horario: 17:30 a 20:30h
• Relator: Santiago Martínez Suárez
• Código en fprofe: S2401023

O profesorado somos un colectivo que temos a voz como a principal ferramenta de traballo. É moi frecuente que o seu uso diario durante longas horas obrigue a un esforzo que vaia deteriorando pouco a pouco a súa calidade e é moi complicado recuperala sen someterse a tempadas de repouso. Malos hábitos de vida, acompañados dun mal uso desta pode provocar longas tempadas de afonía.

Este problema pode agravarse ata impedir o exercicio da nosa profesión. Por este motivo, o coidado da voz e a aprendizaxe de técnica vocal que fomenten o seu bo uso e eviten a aparición de alteracións gañan especial relevancia na nosa profesión. Neste curso imos achegarche esa información básica para o bo coidado e hixiene da voz.

Datas de realización: outubro (24), novembro (7-14-21-28) e decembro (5-12).

Horario: de 17:00 a 20:00H.

Lugar: Aula 9 do CAFI en Santiago de Compostela

Relator: Pablo García Ferradas

Código en fprofe: S2401093

Feliz 25 de xullo! 

Feliz Día de Galicia!

Celebramos con orgullo, a nosa cultura, as nosas raíces, a nosa xente, a nosa lingua…

Mírame, mírate, mírame en ti

e escólleme para soñarte.

                    Luísa Villalta

Xúntase o Plan de Formación do profesorado para o curso 2024-25 artellado arredor das liñas prioritarias da Consellería e concretado en itinerarios formativos. 

Publicada a Resolución do 2 de xullo de 2024, da Dirección Xeral de Centros e Recursos Humanos, pola que se convoca a selección de plans de formación permanente do profesorado que se van implantar en centros educativos públicos dependentes desta consellería no curso 2024/25.

Resolución:

Xúntase a Resolución do 5 de xullo de 2024, da Dirección Xeral de Centros e Recursos Humanos, pola que se convocan diferentes procedementos para a obtención da acreditación da competencia dixital docente para o persoal docente non universitario dos centros educativos da Comunidade Autónoma de Galicia.

• O prazo de presentación de solicitudes rematará o 30 de setembro de 2024.

A implementación dunha educación inclusiva pode chegar a ser un camiño difícil e desigual. Supón un proceso dirixido a descubrir os beneficios da diversidade, adoptando actitudes e respostas positivas e de comprensión da diferenza de raza, clase social, orixe étnica, relixión, xénero e capacidades. Este proceso vai máis alá da aula ou mesmo da escola, é un proceso ecolóxico, onde a base é unha cultura sustentada nuns valores que dirixan as políticas e prácticas tanto educativas como sociais. Por iso, á hora de falar de inclusión debe abordarse a cultura organizativa e educativa, entendéndose esta tanto a nivel de centro educativo como de comunidade; unha cultura sustentada por uns principios eixos da acción. Noutras palabras, unha resposta positiva á diversidade depende dunha cultura e valores inclusivos, que promovan políticas e prácticas inclusivas, o que redundará en melloras nos centros educativos. 

Se queres descubir como aplicala, agardámoste nesta actividade:

Obxectivos: 

1. Tomar conciencia da importancia de crear unha cultura de centro que garanta e vele pola inclusión de todo o alumnado e a participación de toda a comunidade educativa.
2. Identificar e seleccionar os principios e valores que definen unha educación inclusiva así como as claves para implementar procesos de ensinanza e aprendizaxe inclusivos.
3. Proporcionarlle ao profesorado boas prácticas sobre a creación da cultura inclusiva en centros educativos.

Contidos: 

1. Marco teórico e normativo de referencia na creación de culturas inclusivas nos centros educativos.
2. Definición de valores, actitudes, comportamentos e prácticas que promoven a inclusión e a equidade.
3. Proxectos educativos referentes en cultura inclusiva.

Datos importantes:

• Data: 28 de setembro
• Horario: de 09:00 a 20:00h
• Lugar: Escola Galega de Administración Pública  en Santiago de Compostela
• Código en fprofe: G2401022
• Inscrición aberta en fprofe para todos os corpos e especialidades

https://www.edu.xunta.gal/fprofe/

OBXECTIVOS:

1.Desenvolver o Plan de actividades físicas e hábitos saludables do centro en colaboración coa comunidade e empoderando ao alumnado a través do seu rol activo.

2.Aportar ao alumnado información e asesoramento de como incorporar no seu día a día a actividade física e o deporte como hábito de vida saudable, intentando que perdure fora do centro escolar e ao longo de toda a súa vida.

3.Crear alianzas e lazos de unión entre os organismos e escenarios da contorna que determinan e favorecen a práctica da actividade física, e polo tanto os hábitos de vida saudable da poboación en idade escolar.

CONTIDOS:

1.A práctica de actividade física e deporte como referente para a adquisición de hábitos de vida saudables.

2.A mellora nos espazos do centro educativo e da súa contorna como elementos favorecedores do incremento na practica de actividade física e deportiva.

3.A influencia da comunidade na práctica de actividade física e o deporte.

4.Os modelos de xénero e a súa influencia positiva para a adherencia na práctica de actividades físico deportivas das alumnas.

5.Os retos interdisciplinares para o incremento da actividade física.

6.O Plan de actividades físicas e hábitos saudables de centro como referente para o incremento da práctica da actividade física e deportiva na mellora da saúde do alumnado.

Ligazón a fprofe: https://www.edu.xunta.gal/fprofe/