"UNA SOPA 100% EMBRUJADA"

Un conto "arrepiante" contado por Cayetana, de 1º B e a súa mamá.  Bravo!

Moitísimas grazas pola vosa participación!

E agora aquí tedes unha ligazón a contos doutro colexio.

CONTOS TERRORÍFICOS DO CEIP A CRISTINA

Aquí tedes uns contiños en vídeo. Esperamos que vos gusten e vos axuden a pasar un tempo divertido.

Aquí poñeremos cada día unha adiviña. Lédea despacio e despois a ver se sabedes que é.
A resposta debedes enviala cubrindo o formulario que aparece facendo clic na palabra  "solución" que aparece debaixo. Acabamos de ver que Antía contestou a unha adiviña nun comentario. Lembrade responder picando na palabra solución que está resaltada debaixo.

Aló imos!

62ª Adiviña:
"Que cousa, cousa será,
sempre andando, 
sempre andando
e non se move do lugar". 
Solución:
Só respondeu ARIANNA e deu unha solución que non é a que sinalan para esta adiviña pero que vale perfectamente. Mañá poñeremos aquí todas as respostas. Tedes un día máis para pensar.
Moi ben, Arianna! A túa resposta cumpre as condicións da adiviña, así que está perfectamente!

"Unha señorita branda, brandiña;

60ª Adiviña: Adiviña de fin de semana

"Que letra, letra será,

que se ti lle dás a volta,

"En min rematan os ríos,

"Que animal será

o que cando ten unha cadeira

nela non pode sentar"?

Polo de agora só respondeu LUCAS VARES (e fíxoo correctamente).

 

56ª Adiviña:
"Desde o día en que nacín
corro e corro sen parar;
corro de noite e de día
para chegar ata o mar.
Pero cando ata alí chego
todo volve a comezar.
Sigo correndo, correndo 
e nunca podo parar". 
Ninguén deu a resposta correcta. Seguide pensando na fin de semana.  Mañá poñeremos unha pequena pista.
(Non puxen a pista, pero aínda así pensastes)
Solución: o RÍO.  
Responderon ANTÍA, JAVI e MARCOS. Moi ben mozos e moza!


55ª Adiviña:

"Parece que chego ao ceo,
parece que chego ás nubes.
Necesitarás boas botas
se ao meu corpo ti subes".
 Solución: MONTAÑA.
Esta vez só respondeu ANTÍA, así que Parabéns, moza! Es unha súper adiviñadora!


54ª Adiviña: 
"Mira que mira, que mira,
mira que cousa máis rara:
canto máis medra,
máis baixa" 
Parece que esta adiviña dá un pouquiño de traballo. Aquí tedes unha pequena pista, a ver se vos axuda.
PISTA: ten que ver coas plantas. 
Solución: RAÍZ 
Responderon ANTÍA e MARCOS. Parabéns a esas dúas mentes!


53ª Adiviña:
"En Melilla hai tres,
en Madrid ningún,
en Lleida hai dous
e en Galicia un".
Solución : L
Responderon Antía e Lucas V. Parabéns! Seguide así!

52ª Adiviña:
"Moito me gusta cantar;
todas as mañás ensaio;
e gústame pelexar.
Teño plumas, son o..." 
Solución: GALO.
Responderon Antía e Javi. Parabéns aos dous!

 51ª Adiviña:
"Un neno desde unha fiestra
ve unhas pitas que se mollan.
O neno quere gardalas,
e avisa á súa familia;
e ao remate da historia
a xente queda enchoupada"
Que conto é?  
Solución: "AS PITAS BAIXO A CHOIVA" 
Responderon: Antía, Javi e Lucas V. Bravo!


50ª Adiviña:
"Ten cabeza 
e non ten boca.
Ten dentes 
e non pode comer .
Pódesnos dicir que é?" 
Solución: ALLO.
Responderon: Antía, Lucas V. e Javi (mentes adiviñadoras!) Parabéns!


49ª Adiviña:
"Verde son,
verde serei,
non me toques,
que te picarei".
Solución: ORTIGA.
Responderon Antía, Marcos e Javi. Parabéns! 


48ª Adiviña:
"Coa miña cara encarnada,
o meu ollo negro
e o meu vestido verde,
nos días de verán
o campo alegro". 
Solución: PAPOULA.
Esta vez houbo só dous adiviñadores: Javi e Lucas Vares. Parabéns aos dous! Sodes uns expertos!


47ª Adiviña: 
"Que flor fermosa é 
que no seu nome 
as cinco vogais ten? " 
Solución: ORQUÍDEA.
Moi ben Antía, Javi e Lucas V.! 
Sodes grandes adiviñadores e adiviñadora.

46ª Adiviña:(adiviña de fin de semana)
"Son froita grande e redonda,
e medro deitada ao Sol.
Son doce e verde por fóra,
dentro teño moita auga 
e vermello o corazón".
Solución: SANDÍA  
Responderon: Javi, Antía e Marcos. Parabéns, especialistas en adiviñas! 
(Xa non poñeremos primeira resposta, que iso non é importante. Graciñas aos tres por participar tanto e tan ben!)



45ª Adiviña:
"Son unha flor coñecida,
se queres, ata vulgar.
Uns úsanme como adorno,
outros para adiviñar".
Solución: MARGARIDA.
Houbo tres respostas: de Antía, Javi e Lucas V. Parabéns aos tres!
A 1ª resposta foi a de: ANTÍA.
44ª Adiviña:
"Son redonda, son brillante,
tan lucida coma o Sol.
A miña cor é o meu nome;
a mesma cousa che son". 
Solución: a LARANXA.
Responderon  Javi, Antía e Marcos. Parabéns!
A 1ª resposta foi a de: JAVI. 



43ª Adiviña:
"Cal é a única planta 
que non ten flores, 
nin froitos nin follas?"
Solución: PLANTA DO PÉ. 
De novo responderon Antía, Lucas V., Javi e Marcos. Sodes os especialistas das adiviñas! Parabéns.
A 1ª resposta foi a de: ANTÍA. 

42ª Adiviña: 
"Cólleme con coidadiño,
que son pequerrechiña, 
mais se me sementas,
transfórmome nunha plantiña". 
Solución: SEMENTE. 
Responderon Antía, Lucas V., Marcos e Javi.
A 1ª resposta foi a de: 
ANTÍA.
41ª Adiviña:
"Está na navalla,
está no caderno
e cae das árbores
antes do inverno"
Solución: FOLLA.
Responderon sen erro ningún: Lucas V., Antía, Javi e Marcos. Moi ben!
A 1ª resposta foi a de: MARCOS.

40ª Adiviña (Adiviña de fin de semana)
"Estou no final da terra, 
tamén no medio do mar,
nunca no alto do ceo.
Pódesme ti atopar?"
Solución: Letra A 
Responderon: Lucas V., Antía, Javi e Marcos. Parabéns!
A 1ª resposta foi a de: LUCAS.
39ª Adiviña:
"Pescozo moi longo e fino,
come das árbores 
e pasea moi feliz.
Só se ti es un mosquito
podes chegarlle ao nariz." 
Solución: XIRAFA
Javi, Antía e Lucas V. responderon perfectamente á adiviña. Sodes grandes adiviñadores/a!
A 1ª resposta foi a de: JAVI. 

38ª Adiviña:Quen é? Cal é a súa profesión?
"Por un corredor longo
pintado de branco e negro
pasean os seus dez fillos
con sonoros martilleos" 
Solución: PIANISTA. O corredor loxicamente son o que forman as teclas do piano.
Antía, Lucas V e Javi responderon correctamente. Parabéns!
A 1ª resposta foi a de: ANTÍA.
  
37ª Adiviña:
"Aquí estamos doce irmáns
e eu, que o segundo nacín,
son o pequeno de todos.
Como pode ser así?
Sabes quen somos?"
Solución:  OS MESES DO ANO. (Febreiro só ten 28 ou 29 días e todos os demais meses teñen máis).
Só respondeu LUCAS V. Así que: Parabéns, Lucas! Hoxe  ti fuches o campión absoluto!

36ª Adiviña:
"Cun pouquechiño de tul
e un anaquiño de pan
formaremos unha flor.
Pódesnos dicir ti cal?  
Solución: TULIPÁN.
Responderon Antía, Marcos e Lucas V. Moi ben por seguir con tanta atención!
A 1ª resposta foi a de: ANTÍA.

35ª Adiviña:
"Entre col e col, leituga,
entre as leitugas, flor,
entre as flores, Pepita,
e entre as Pepitas, sol.
Sabes cal é esa flor?" 
Solución: XIRASOL
Tres persoas responderon á adiviña: Javier, Antía e Lucas V.  Moi ben!
A primeira resposta foi a de: JAVI.

34ª Adiviña: (Adiviña de fin de semana)
"Asubía sen boca,
móvese sen pés,
pégache por calquera lado
e ti nunca o ves". 
Solución: VENTO.
Responderon: Javi, Antía, Marcos e Hugo G. Moi ben!
A 1ª resposta foi a de: JAVI.



33ª Adiviña:
"Adiviña, adiviñanza,
a ver se sabes que é, 
que canto máis hai
menos se ve". 
Solución: ESCURIDADE
Catro respostastes e todos ben: Antía, Lucas V, Javi e Marcos. Sodes xeniais! 
A 1ª resposta foi a de: ANTÍA.

32ª Adiviña:
"Ando sempre 
con pixama de raias
pero nunca, nunca,
me meto na cama."
Solución: CEBRA.
Catro de vós respondestes (todos ben):  Javi, Lucas V., Antía e Hugo G. Parabéns!
A 1ª resposta foi a de: LUCAS.


31ª Adiviña: 
"Primeiro un ovo, 
despois capulliño,
máis tarde voarei 
como un paxariño.
Sabes quen son?
Pensa un pouquiño"
Solución: BOLBORETA.
Catro de vós respondestes: Lucas V., Marcos, Antía e Javi. Súper ben!
A primeira resposta foi a de: LUCAS V.

30ª Adiviña:
"Ten patas e ten bigotes;
para cazar dáse maña.
Araña e non é araña.
Seguro que xa non fallas". 
Solución: GATO.
Sete persoas respostaron desta vez (e todas correctamente): Javi, Jorge, Román, Antía, Arianna, Marcos e Vera. Bravo!
A primeira resposta foi a de: JAVI.  

29ª Adiviña:
"No medio do ceo estou
sen ser Sol, Lúa ou estrela.
Nesta adiviña estou.
Pódesme atopar nela?"  
Solución: E (está no medio de cEo).
Houbo só dúas respostas: Javi e Antía. Moi ben!
A primeira resposta foi a de: JAVI.


28ª Adiviña: (Adiviña de fin de semana)
"Unha casa pequeniña, 
un porteiro rebulidor *
e os veciños que hai na porta
todos de cor branca son".
* Rebulidor quere dicir que se move moito.
SOLUCIÓN: BOCA (a boca é a casa, a lingua é o porteiro e os veciños son os dentes).
Catro de vós respostastes: Javi, Arianna, Antía e Marcos. Moi ben!
A primeira resposta correcta foi a de: JAVI.


27ª Adiviña:
"No campo crieime eu
atada con verdes lazos
e os que choran por min
vanme partindo en anacos".
Solución: CEBOLA.
Cinco persoas responderon e case todas ben: Román, Javi, Antía (que explicou que cando a cortas e estás cerca chóranche os ollos), Lucas V e Jorge. Seguide así!
A primeira resposta correcta foi a de: ROMÁN.

 26ª Adiviña:
Hoxe Vera manda esta adiviña:
 "En lo alto vive,
en lo alto mora,
en lo alto teje
la tejedora".
Solución: ARAÑA.
Desta volta respostastes sete persoas: Jorge, Antía, Arianna, Hugo G, Marcos, Lucas V e Javi. (Cada vez sodes máis; fenomenal!
A primeira resposta foi a de: JORGE.


25ª Adiviña:
Esta é Javi quen a propón.  A ver se dades coa resposta.
"Corren más que los minutos
pero nunca llegan los primeros.
¿Qué son?" 
Solución: os SEGUNDOS do reloxo.
Houbo seis respostas: Jorge, Antía Fariña, Marcos, Vera, Román e Lucas V. Todas boas. Moi ben!
A primeira resposta correcta foi a de JORGE.


24ª Adiviña: 
"Recollo froitos sen sementar, 
o meu vehículo vén e vai,
e por onde eu traballo
non se pode camiñar".
Solución: MARIÑEIRO OU PESCADOR.
Deron a resposta: Vera, Lucas V. e Javi. Parabéns!
A primeira resposta foi a de: VERA.

23ª Adiviña:
"Estou pensando, pensando,
e ao pensar case toleo, 
coa irmá da miña tía, 
que tía miña non é,
que parentesco eu teño?"
Solución: FILLO/A (eu son fillo ou filla), porque ela é miña nai.
Seis persoas responderon NAI, pero ese é o parentesco dela comigo. O meu é ser fillo/a. (Coidado cos enunciados! Xa sabedes que ás veces levan a engano ao principio). De todos os xeitos, moi ben polas vosas respostas.
Así que hoxe, Javi, Román, Antía, Jorge, Lucas V. e Marcos non fostes exactos, exactos, aínda que o que dicides é certo.


22ª Adiviña: (Adiviña de fin de semana)
"Ten rodas pero non anda,
come pero non ten boca
e toda a comida lle parece pouca"  
Solución: MUÍÑO.
Responderon: Antía, Javi, Arianna e Román. Moi ben!
A primeira resposta correcta foi a de: JAVI.


21ª Adiviña:
Esta vez vai ser un acertixo matemático (deses que vos gustan tanto a algúns e algunhas de vós).  É moi fácil, só hai que calcular con xeito. Adiante!
"Canto vale cada froita?"

Solución: MAZÁS: 10/ PLÁTANOS:4/ LARANXAS:2/ RESULTADO FINAL:16.
Catro perosas responderon; todas ben:  Javi, Román, Antía e    Lucas V. Parabéns!
A primeira resposta foi a de JAVI.

20ª Adiviña:
"Mira, mira e dinos qué golosina". 

 






Solución: CARAMELO. 
Deron tres respostas correctas: Javi, Román e Antía. Moi ben aos tres!
A primeira resposta foi a de JAVI, pero ANTÍA explicou moi ben o xeroglífico (é caramelo porque hai cara +melón e quítaselle o N).

 19ª Adiviña:
Hoxe temos un novo xeroglífico que nos manda Javi.  
Que animal é?...

 Solución: CAMALEÓN.
A este xeroglífico responderon: Román, Antía, Lucas V. e Marcos. Parabéns aos catro, que destes coa resposta.
A primeira resposta foi a de: ROMÁN.

 18ª Adiviña:
Esta vez vai ser unha adiviña diferente: un xeroglífico. A partir dos debuxos tedes que atopar a solución ao que se pregunta. 
Veña, que é moi fácil! (por ser o primeiro)
 
 

Solución: CARACOL.
Cinco persoas responderon, e todas ben: Lucas, Román, Antía, Arianna e Javi. Bravo!
A primeira resposta foi a de: LUCAS.

 17ª Adiviña:
Esta propona Arianna. Pensade ben.
"Ten mans
pero non pode aplaudir".
Solución: RELOXO.
Tres persoas responderon (dúas correctamente): Román, Lucas V. e Antía. Moi ben por animarvos!
A primeira resposta correcta foi a de: ROMÁN.

16ª Adiviña:
Aló vai esta:
"De que hai que encher algo
para que canto máis se encha diso,
menos pese?" 
Pensádeo ben, porque hai cousas que pensamos que non pesan e si que pesan! 
Solución: de FURADOS. Aínda que vos pareza que non, o aire pesa. Para que calquera cousa pese cada vez menos, hai que "adelgazala" quitándolle anaquiños. Se a unha madeira lle facemos furados ou buracos, cada vez pesará menos. Se queredes comprobar que o aire pesa picade aquí.
Repondestes catro persoas: Román Antía, Javi e Lucas V. Moi ben!
A primeira resposta correcta foi a de: JAVI.


 15ª Adiviña:
Hoxe ímolo ir complicando un pouquiño. Podedes pedir axuda aos maiores da casa, por suposto.
"Dúas nais e dúas fillas
tapadas con 3 toquillas.
Cada unha leva a súa,
como pode isto ser?"
Solución: AVOA, NAI, FILLA (hai dúas fillas (filla e nai, que é filla da avoa, e hai dúas nais:a avoa (nai da nai e a nai, que é nai da filla)
Deron resposta (e todas ben) Román, Javi, Antía, Arianna e Lucas V. Parabéns!
A primeira resposta foi a de: ROMÁN.


14ª Adiviña:
Hoxe é un día un pouco especial, 2 de abril, e quédavos aquí unha adiviña en honor a este día:
"Teño follas e non son árbore,
falo e non teño voz.
Se me abres, non me queixo.
Pódesme dicir quen son?" 
Solución: LIBRO.
Responderon Javi, Román, Antía e Lucas V e fixérono todos ben!
A primeira resposta foi a de: JAVI.


13ª Adiviña: 
Arianna propón isto:
"Úsase para comer
e non é prato nin culler" 
Solución: BOCA.
Respondestes catro persoas (Román, Antía, Javi e Hugo G.). Moi ben!
A primeira en responder ben foi: ROMÁN.


12ª Adiviña:
Esta vez, Javi propón a seguinte cuestión:
"Un gallo pone un huevo 
en la cima de una montaña. 
Sopla el viento hacia la derecha. 
¿Hacia qué lado caerá el huevo?"
Solución:  Para ningún lado porque os galos non poñen ovos (os ovos póñenos as galiñas).
Desta volta só responderon Román, Antía e Arianna. Parabéns por participar tanto!  
A primeira resposta correcta foi a de ANTÍA.


11ª Adiviña: 
Preguntade á vosa familia a ver se sabedes a resposta desta:
"Que cousa, cousa será?
Levámola todos dentro 
e mollada sempre está".
Solución: LINGUA
A esta responderon oito persoas, e todas correctamente: Javi, Lucas V, Román, Hugo G, Marcos, Antía Fariña, Daniella e Lucas Vares. Fenomenal!
O primeiro en responder foi: JAVI.

10ª Adiviña:
Imos con esta que propón Lucas:
"Entre dos peñas feroces
hay alguien dando voces." 
Polo de agora contestaron catro persoas e só hai unha resposta correcta. Deixaremos ata mañá para dar coa solución, a ver se se anima alguén máis.
Solución: PEIDO.
Contestaron: Daniella, Antía Fariña, Javi e Román. Era complicada, pero moi ben, nenas e nenos!
A resposta correcta foi a de:  JAVI.

9ª Adiviña:
A ver se atinades coa resposta desta:
"Teño patas ben dereitas 
mais non podo camiñar;
levo no lombo a comida 
e nunca podo xantar". 
Solución: MESA.
Esta vez só se animaron catro persoas: Román,  Javí, Zoe e Lucas Vares. Moi ben!
A 1º resposta foi a de: ROMÁN.


8ª Adiviña:
Hoxe é Marcos quen nos propón a seguinte:

"En un rincón de la clase 
donde yo estoy colocada,
acudes con tus papeles 
que no te sirven para nada." 
Solución:  PAPELEIRA
De novo responderon cinco persoas: Arianna, Román, Javi, Lucas V. e Vera . Bravo!
A 1º resposta foi a de: ARIANNA. 

7ª Adiviña:
Esta propona Arianna. Velaí vai:
"Hincha, hincha, 
y si te lo pinchan,
sin más se te desincha".
A solución: GLOBO.
Houbo 5 respostas, todas ben: Román, Marcos, Hugo Gentil, Javi e Vera. Estupendo!
A 1ª resposta foi a de: ROMÁN.


6ª Adiviña:
Agora tócalle a Román. A ver con que nos sorprende!
"Por dentro carbón,
por fuera madera.
En tu maletón, 
voy a la escuela".
A solución é: lapis.
Responderon 6 persoas: Arianna, Lucas V, Javi, Vera, Hugo Gentil e Marcos. Moi ben!
A 1º persoa en responder foi: ARIANNA.
 
5ª Adiviña:
Esta vez é a quenda de Vera, que nos manda unha adiviña dunha maneira diferente e acompañada de moitos ánimos! Así dá gusto!


 
A solución é: ESTEBAN.
Esta vez responderon 3 persoas (e todas responderon ben), pero só sabemos o nome de dúas: Arianna e Lucas Vares, porque quen respondeu primeiro non puxo o seu nome, así que... ou nos di quen foi ou poñeremos anónimo. Felicitacións a todos e todas.
Ben! Xa sabemos quen foi o que respondeu primeiro: JAVI! 

4ª Adiviña:
"Adiviña, adiviña, 
que unha figuriña é.
Ten dous lados que son longos 
e ten dous curtos tamén.
Parécese ao cadrado
pero alonga dous lados á vez".  
Solución: RECTÁNGULO .
Fostes catros que respondestes e todos ben: Lucas Vares, Vera, Javi e Román. Parabéns!
A 1ª resposta correcta foi a de: LUCAS VARES.


3ª Adiviña:
Esta vez é Javi quen a propón. A ver se damos coa resposta.

   2ª Adiviña:
Esta adiviña enviouna Lucas (de creación propia) . Non é tan sinxela como parece. Hai que usar un pouquiño a imaxinación, así que... adiante! (tedes todo o día para enviar respostas).
    "Oro parece, 
    plata no es;
    si quieres que te lo diga,
    espera".


Desta volta responderon 6 persoas: Arianna, Vera, Román, Antía, Anthony e Javi. Ningunha delas dixo a resposta correcta (non era fácil meterse na cabeza de Lucas): MACEDONIA (unha macedonia de pouquiña froitas. Será a que lle gusta a Lucas?)


1ª Adiviña
    "Entre col e col, leituga; 
    entre leitugas a flor; 
    entre as flores, Pepita; 
    e entre as Pepitas, sol".

Pois a solución é:  XIRASOL
Fostes 4 persoas as que respostastes correctamente: Alejandra, Hugo Gentil, Lucas e Marcos. E a primeira foi....   ÁLEX!
Parabéns!  

ACTIVIDADES DO ALUMNADO

Este venres 13 visitou o noso Centro Paula Carballeira. Traballáronse dous libros dela: "A tartaruga Amodovou" (en 1º e 2º EP) e "Bruxa e familia" (3º e 4º EP), Sorprenderon e gustaron moito os seus libros, pero sobre todo conectou moi ben co alumnado coa súa espontaneidade e cercanía. Aquí tedes a entrevista que lle fixeron Irene e Martín de 3ºEP.

Hoxe, 27 de novembro, Daniela e Ainhoa, de 6º, léronnos "Unha feliz catástrofe". Unha historia de Adela Turín coa que a través dunha familia de ratos fainos entender da importancia de compartir as tarefas do fogar.

Leron como verdadeiras contacontos profesionais, por iso desde aquí só podemos dicirlles Grazas! e...

...Esperámosvos cunha nova lectura!

Hoxe, no tempo do recreo lemos o conto de "Pete, o gato", de Eric Litwin. Un gato que a pesar dos problemas, nunca perdía a alegría nin as ganas de cantar. Pasámolo moi ben!

O mércores 13 de novembro, dúas rapazas de 2º de Primaria fixéronnos pasar un tempo estupendo coa historia "Non quero ser un polbo", de Francesca Chessa.

Elas mesmas fixeron monicreques e representaron ese conto de marabilla.

Parabéns! Seguro que serán unhas contacontos profesionais!

24 de outubro Día das Bibliotecas, e no colexio aproveitamos para o reparto das mochilas viaxeiras, unha actividade de animación á lectura para disfrutar en familia. Dúas mochilas por curso con diferentes libros e un caderno para pensar en voz alta.

Un traballo do Equipo de Biblioteca e do Equipo de Dinamización da Língua Galega. Parabéns!!