3ºESO
- Os libros de texto que teñen que ser devoltos obrigatoriamente son os que pertencen ao fondo solidario de libros de texto xestionado polo centro e os libros de texto adicionais prestados polos departamentos didácticos.
- O alumno traerá o día 22 de xuño (último día de clase) todos os libros que se lle prestaron, que serán comprobados polo titor/a.
- Se ten algunha materia suspensa para setembro, o día 24, cando recolla o boletín de notas, poderá levar de volta para casa os libros correspondentes a esas materias suspensas para estudar durante o verán.
- Os libros que se leven para casa durante o verán serán devoltos en setembro cando veñan facer os exames das materias suspensas.
1- Con anterioridade á entrega as familias deberán:
- Comprobar que os libros teñen o selo e numeración do centro.
- Retirar forros vellos, etiquetas e calquera outro elemento persoal. Comprobar o estado dos libros e identificar os que estean moi deteriorados ou se consideren inservibles.
2- Agradecemos a doación de libros de texto
O curso anterior tivemos a sorte de contar coa desinteresada axuda de familias que mercaron libros de texto e considerando que xa non os ían necesitar os doaron ao centro co cal incrementamos a cantidade de libros dispoñible e puidemos repartir máis libros que nunca, o que favoreceu a toda a comunidade educativa.
Polo tanto, se tedes libros de texto propios que estean vixentes e pensades que xa non os ides necesitar, podedes traelos tamén e nós estaremos encantados de recollelos. Outras familias volo agradecerán.
O xoves 24 de xuño farase entrega presencial ao alumnado de ESO do boletín de cualificacións e do Consello Orientador. Será no seguinte horario:
1º ESO : 12:30 h
2º ESO : 13 h
3º ESO : 13:30 h
4º ESO : 14 h
Ese mesmo día, o alumnado que recibira libros do fondo solidario este curso e teña algunha materia suspensa pode solicitar levar durante o verán os libros das materias suspensas, que devolverán en setembro.
Tamén estará aberta a biblioteca do centro desde as 11:00 para alumnado que desexe levar algún libro de lectura para o verán.
IMPORTANTE: Lembren que a partir do día 23 xa non haberá transporte escolar
Acaba de saír publicada a Orde de 6 de maio de 2021 que regula a participación nesta convocatoria.
INSTRUCIÓNS XERAIS (RESUMO DA CONSELLERÍA DE EDUCACIÓN)
Como en anos anteriores garante un mínimo de 6 libros de texto a alumnado con rentas familiares inferiores a 6000€ per cápita e axuda para material escolar por valor de 50€, e 4 libros de texto para rentas inferiores a 10000€ per cápita.
Lembramos que un requisito imprescindible para poder recibir estas axudas e os libros en réstamo é a devolución en bo estado dos libros que foran prestados ao longo deste curso. Próximamente informaremos do procedemento de devolución.
AVISO PARA ALUMNADO QUE VAIA CURSAR 1º ESO: O IES Xulián Magariños foi admitido no proxecto EDIXGAL polo que segundo o artigo 1.2 da convocatoria está excluído da participación no Fondo Solidario de libros pero sí pode solicitar a axuda para material escolar se reúne os requisitos.
PRAZO : O prazo de presentación de solicitudes remata o 22 de xuño de 2021.
COMO CUBRIR OS DATOS NA SOLICITUDE: Ver PDF adxunto
PRESENTACIÓN DAS SOLICITUDES
Recomendamos encarecidamente empregar a aplicación informática FONDO LIBROS https://www.edu.xunta.es/fondolibros para xerar e cubrir os datos da solicitude. Para facelo terán que identificarse na aplicación pulsando o botón verde da esquina superior dereita.
No caso de que non poidan presentalas pola sede electrónica, as datas para a presentación de solicitudes no centro serán escalonadas por protocolo COVID segundo o seguinte calendario e en horario de 9:30 a 14:00 horas.
- Alumnado que vai cursar 2º ESO : do 31 de maio ao 4 de xuño
- Alumnado que vai cursar 3º ESO : do 7 ao 11 de xuño
- Alumnado que vai cursar 4º ESO: do 14 ao 18 de xuño
Unha vez completado o impreso de participación na aplicación informática a solicitude numerada pódese presentar :
- por vía electrónica a través da sede electrónica da Xunta https://sede.xunta.gal (necesítase certificado dixital e adxuntar escaneada a documentación requerida )
- Presencialmente no centro educativo. Imprima a solicitude xerada na aplicación que terá que ser asinada por todos os membros da unidade familiar. Deberá traer ademáis a seguinte documentación: SEMPRE fotocopia do ou dos libros de familia /// Se está separado/a divorciado/a fotocopia da sentenza de separación/divorcio e convenio regulador onde conste a custodia do alumno/a /// Certificado de defunción se é o caso /// Cando non teña libro de familia ou este non reflicta a situación actual, deberá traer un volante de convivencia da unidade familiar que se solicita no concello.
Se por calquera motivo non pode cubrir a solicitude en Internet , na conserxería do instituto existen copias en papel que poden pasar a recoller.
Onte e hoxe procedeuse ao reparto das máscaras para o alumnado, adquiridas en base ao Fondo de Reserva de Garantía Educativa, distribuídas seguindo o establecido na Orde do 6 de novembro de 2020. Se algún alumno/a que tivera dereito a elas non as recibiu por non ter acudido ao centro pode solicitalas á volta do período vacacional.
Xa está dispoñible a listaxe definitiva coa adxudicación dos libros de texto do fondo solidario. Para coñecer os libros adxudicados a cada alumno podedes consultar na web (na aplicación Fondo Libros, aqueles que teñades certificado dixital) ou no taboleiro de anuncios na entrada do instituto. No caso de ter que acudir ao centro por favor sede moi escrupulosos no cumplimento das medidas de seguridade: distancia, desinfección e mascarillas.
Só pode estar unha persoa consultando as listaxes, o resto debe esperar fora.
Non podemos facilitar información telefónica dos libros adxudicados.
Fanse públicas as listaxes provisionais de admitidos e excluidos do Fondo Solidario de libros de texto. Para consultalas recomendamos facelo telemáticamente usando a aplicación Fondolibros. De non poder acceder, poden pasar polo centro a consultalas en conserxería.
O prazo de presentación de reclamacións fronte a esta listaxe provisional remata o día 15 de xullo.
Consulte aquí as rutas e paradas do transporte escolar durante o curso 2019-2020.
TÁBOA DE RUTAS E PARADAS 2019-2020
Poden consultar tamén as instruccións para o curso 2020-2021 sobre Transporte escolar, en concreto sobre petición de novas paradas ou do servizo para usuarios non lexítimos
INSTRUCCIÓNS TRANSPORTE ESCOLAR 20-21
Resulta importante sinalar que o alumnado de ensinanzas non obrigatorias (bacharelato, ciclos medio e superior) que sexa autorizado a usar o servizo de transporte escolar nos vehículos contratados pola consellería farao de forma absolutamente gratuita.
Lembren tamén que no caso de solicitar modificación dos itinerarios ou novas paradas (só pode solicitalas o alumnado de ESO e FPB usuario lexítimo do servizo de transporte) con carácter xeral non se autorizarán desviacións ou novas paradas por distancias inferiores a 2 km, nin fóra da zona de influencia do centro.
O alumnado que deba acudir ao centro a entregar a solicitude de participación no fondo solidario de libros de texto, recoller material escolar que deixara no centro ou teña que devolver a chave e recuperar a fianza das taquillas deben seguir as instruccións adxuntas:
Con elas trátase de escalonar a presencia das familias no centro e evitar aglomeracións e viaxes innecesarias.
Instrucións para solicitar o Fondo Solidario de libros de texto
Formulario precuberto de exemplo
Calendario cos días que debe acudir o alumnado de cada curso
É obligatorio o uso de mascarilla, desinfectar as mans con xel hidroalcohólico ao entrar, gardar as distancias de seguridade e seguir as indicacións do persoal do centro. Agradecemos a colaboración do alumnado e das familias para levar a cabo este proceso.
O alumnado que levara libros en préstamo da Biblioteca tamén pode aproveitar para devolvelos.
POLO TANTO, A SEMANA QUE VEN VIRÍA POLO CENTRO:
Luns 8 de xuño: Alumnado que se incorporará a 1º de ESO con primeiro apelido que comence con coas letras H-P
Martes 9 de xuño : Alumnado que se incorporará a 1º de ESO con primeiro apelido que comence con coas letras Q-Z
A partir do mércores acudirá o alumnado de 4º ESO que teña que recoller material ou devolver libros da biblioteca
Acaba de sair publicada a Orde que regula a participación no Fondo Solidario de libros de texto. Como en anos anteriores garante un mínimo de 6 libros a alumnado con rentas familiares inferiores a 6000€ per cápita e 4 libros se as rentas son inferiores a 10000€ per cápita
O prazo de solicitude remata o 19 de xuño.
Lembramos que requisito imprescindible para poder recoller os libros prestados é a devolución en bo estado dos libros prestados ao longo deste curso. Próximamente informaremos do procedemento para que o alumnado poida devolver os libros que disfrutaron este ano.
Ligazón á información na web da Consellería
IMPORTANTE : Na Orde publicada no DOG hai un erro na páxina 20658. O recadro da base impoñible xeral CORRECTO é o 435, pero na orde aparece publicado o 432
A Universidade de Santiago de Compostela (Campus de Lugo e Santiago) non quere deixar de acercarse ó estudantado de secundaria e está organizando os "Encontros Virtuais" orientados á estudantes de secundaria e as súas familias e, por extensión, a toda a sociedade.
Os "Encontros Virtuais" da USC, terán lugar a vindeira semana, os días 6, 7 e 8 de abril (luns, martes e mércores de Semana Santa), a través da Web da USC.
Esta páxina Web estará dispoñible dende o sábado, día 4 de abril, na dirección
https://www.usc.gal/gl/encontros-virtuais
A través desta páxina os alumnos e alumnas encontrarán:
o Presentacións das titulacións
o Obradoiros, Retos, etc.
o Opinión de alumnos/as sobre a titulación
o Pílulas relacionadas coa titulación
o Concursos
o Unha VIDEOCONFERENCIA para cada titulación
O estudantado terá un enlace para interactuar por VIDEOCONFERENCIA cos/as responsables da titulación para aclarar as súas dúbidas. No enlace indicaranse os horarios de cada unha das videoconferencias.
