3ºESO
O noso alumnado vai participar no concurso PILABOT de recollida de pilas usadas.
Como sabedes, as pilas e baterías son un residuo moi valioso e á vez moi contaminante polo que é preciso facer unha recollida selectiva e asegurarse de que sexan correctamente tratadas despois da súa vida útil.
POLO NOSO MEDIO AMBIENTE, polo futuro do noso planeta, vos pedimos que non tiredes esas pilas usadas de calquera maneira.
A Xunta de Galicia, por medio da Consellería de Medio ambiente, acaba de lanzar este concurso para concienciar aos rapaces da importancia de reciclar correctamente, así que por favor gardade esas pilas usadas e se llas dades ao noso alumnado éste se encargará de depositalas nun contenedor axeitado que virán a recoller o vindeiro mes. Ademáis dunha boa acción dende o punto de vista medioambiental podedes axudarnos a gañar un importante premio que revertirá en melloras no centro. Grazas pola vosa axuda!!
O 3 de decembro é día mundial das persoas con discapacidade. Poñámonos por uns momentos no seu lugar.
Deseño universal. Deseño adaptado.
Queremos agradecer a colaboración do centro de Saúde de Negreira que nos prestou as cadeiras de rodas para que o alumnado puidera sentir o que é moverse nelas e os atrancos a mobilidade que representa a arquitectura dos edificios. Tamén aprendemos como xurdiu o sistema braille de escritura para cegos e poidemos facer os nosos escritos nel.
LIBROS DE TEXTO: Listaxe provisional de solicitudes admitidas. Non hai ningunha solicitude excluída.
VALES DE MATERIAL ESCOLAR: Listaxe de solicitudes admitidas e excluídas
Os vales para adquisición de material escolar poderán ser recollidos polas persoas solicitantes na secretaría do centro a partir do día 23 de xullo.
O prazo de reclamacións será de 2 días a partir da publicación destas listaxes provisionais.
O alumnado que levase libros do fondo para preparar os exames de materias pendentes de setembro deberá devolvelos entre o 2 e 4 de setembro.
O alumnado que solicitou o fondo de libros e xa teña algún libro do vindeiro curso deberá indicalo na administración do centro antes do día 10 de setembro de 2019 para intentar que os libros asignados do fondo sexan distintos dos que xa se teñen. (non o podemos garantir).
CONSULTAR DATA E HORA DOS EXAMES
IMPORTANTE
As probas realizaranse os días 2 (luns), 3 (martes) e 4 (mércores) de setembro.
Non haberá servizo de autobuses: o alumnado de ESO abandonará o centro ao rematar o exame.
As cualificacións estarán expostas ao público nos paneis de Secretaría do instituto e entregaranse o venres 6 ás 12:00 horas.
O prazo de presentación de reclamacións serán os días 6 (venres), 9 (luns), e 10 (martes).
A resolución de reclamacións será o día 11 (mércores).
FONDO LIBROS. DEVOLUCIÓN LIBROS E SOLICITUDE DE PRÉSTAMO
O alumnado que teña libros prestados do fondo solidario deberá entregalos entre os días 2 e 4 de setembro .
O alumnado que repita 4º ESO poderá solicitar o fondo solidario de libros de texto e material escolar cando efectúe a matrícula
O talento do noso alumnado non deixa de darnos alegrías. A alumna de 4º ESO , Iria Sánchez del Río foi premiada co 2º premio de narrativa no Certame Literario Concello de Ames, co relato titulado "O vestido vermello". Foron 176 traballos presentados así que moitos parabéns para Iria. O certame literario Concello de Negreira otorgou o 1º premio á alumna Lara López Suárez, que se presentou co conto "Atada por amor" , una fermosa historia que nos leva á época de Almanzor no ano 968 e na que se narra a historia de Subh, una concubina valente exemplo de superación e optimismo. O 3º premio foi outorgado a Andrea Losada, alumna tamén de 4º de ESO polo conto "As costureiras de Mondoñedo".
O alumnado do noso centro fixo pleno no certame de pintura do Concello de Negreira. Os tres premios da categoría 13-18 anos foron a parar a Paola Enjo, María Lista e Julián Rey, alumnos de 1º BAC, 1º ESO e 3º ESO respectivamente. Noraboa e que sigades a perfeccionar a vosa formación artística.
Moitos parabéns a este alumnado que demostra como traballando duro se consiguen os triunfos.
IMPORTANTE: Aberto o prazo de solicitude para participar no Fondo Solidario de librosde Texto e para axudas económicas para adquisición de libros de texto e material escolar.
Como en anos anteriores aplícase a alumnado de 1º, 2º, 3º e 4º ESO
O prazo de solicitude remata o día 21 de xuño.
Hoxe poidemos disfrutar dun fantástico festival de entroido. Felicitar ao alumnado do noso centro que traballou moitísimo e con gran ilusión creando unhas coreografías e actuacións de gran nivel. Parabéns a todos e que disfrutedes dun feliz entroido. Vémonos o xoves!
Ao fio dun proxecto do departamento de Educación Física sobre reducir o excesivo peso das mochilas escolares recuperamos o interesantísimo traballo de investigación sobre hábitos saúdables premiado hai dous anos no noso certame de Premio de Investigación Científica. Un interesante estudo que segue a estar mais vixente ca nunca e que foi elaborado por Alba García, Soraya Lorenzo, Alicia Fernández e Nerea Leis. Animámosvos a leelo con calma e facervos as preguntas que nel se facían.
No traballo se estudaban e aclaran aspectos coma:
-Hábitos de sono e descanso
-Hábitos alimentarios
-Tipos de alimentos saudables
-Tempo adicado ao exercicio físico
-Hábitos posturais
-Uso da mochila escolar
-Uso do móbil
-Consumo de tabaco e alcohol
Este domingo é o día de Rosalía de Castro. Na materia de lingua galega o alumnado está a preparar uns pósters coas obras máis coñecidas da autora.
