A folga de estudantes convocada para esta semana desenvolverase nunha única xornada o mércores 13 de abril.

Comunícase que resultaron admitidas todas as solicitudes de Reserva do centro adscrito (CEP Ventín); igualmente, todas as solicitudes de Admisión realizadas, coa única excepción dunha delas feita para 2º de bacharelato de Ciencias (por, de momento, falta de prazas vacantes).

As listaxes completas están a disposición no taboleiro de entrada do centro.

Detectáronse casos de piollos no Instituto. Solicitámoslles que extremen o coidado das medidas de hixiene para evitar a extensión do problema.

O luns 25 de abril ás 19:30 horas, no salón de actos do centro, celebrarase unha charla informativa para os pais/nais/titores/as legais do alumnado do centro sobre “Bo uso das Novas Tecnoloxías” impartida por Igaxes3.

No DOG do 28/03/2016 publícase a Orde do 14 de marzo de 2016 pola que se convocan axudas para a realización de actividades de formación en linguas estranxeiras no ano 2016, destinadas ao alumnado dos centros docentes sostidos con fondos públicos, en réxime de concorrencia competitiva.

No seguinte enlace remitimos á páxina da Consellería de Educación onde se explica e se ofrecen instrucións sobre as funcionalidades e o uso da aplicación AbalarMóbil, que resulta moi útil para as familias: posibilidade de consultar as cualificacións, aviso diario de faltas de asistencia e puntualidade, etc.

https://www.edu.xunta.es/espazoAbalar/nova/abalarmobil

O luns 7 de marzo ás 19:00 horas terá lugar unha charla informativa sobre a USC para as familias do alumnado de 2º de Bacharelato impartida polo profesor Antonio Segura Iglesias, Decano da Facultade de Bioloxía da USC. Esta actividade está enmarcada dentro do programa A ponte entre o ensino medio e a USC, e dentro do programa de orientación académico-profesional realizado desde o centro co alumnado de 2º de Bacharelato.

Ao longo do mes de xullo de 2016 levarase a cabo a sétima edición do Programa Campus Científicos de Verán, iniciativa do Ministerio de Educación, Cultura e Deporte (MECD), xunto coa Fundación Española e co apoio de Obra Social “La Caixa”.

O programa está dirixido ao alumnado de 4º de ESO e de 1º Bacharelato.

Os interesados en asistir ás clases de reforzo ofertadas polo Concello de Ames contan aínda con oito prazas para 2º ESO e con catro prazas para 1º ESO. Estas clases impártense no IES do Milladoiro os mércores de 16:30 a 18:30. As persoas interesadas teñen que cubrir unha ficha de inscrición e entregala na Secretaría do Instituto. O derradeiro día de entrega é o martes 1 de marzo. O impreso está dispoñible nesta páxina e na Secretaría do centro.

Preme no enlace para ampliar a información e para acceder á ficha de inscrición:

O xoves 11 de febreiro ás 19:00 horas, no salón de actos do centro, celebrarase unha charla informativa para os pais/nais/titores/as legais do alumnado de 1º e 2º da ESO sobre “Internet e Redes Sociais” impartida pola Garda Civil dentro do “Plan Director para a Convivencia e Mellora da Seguridade nos Centros Educativos e a súa Contorna”.

COMUNICACIÓN PAIS/NAIS

ENLACES DE INTERESE SOBRE REDES SOCIAIS

As dúas actuacións aprobadas son o Programa de Reforzo, Orientación e Apoio (PROA) e o de Mellora da convivencia e promoción da igualdade nos centros.

A administración educativa galega acaba de comunicarnos que xa están dispoñibles as ferramentas coas que se vai levar a cabo unha recollida masiva de datos relativos á convivencia escolar, unha actuación que se enmarca dentro do desenvolvemento do Plan Estratéxico de Convivencia Escolar 2015-2020, de recente aprobación.

Xúntase a Orde do 6 de novembro de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.

• O prazo de presentación de solicitudes será de 10 días hábiles contados a partir do día seguinte ao da publicación desta orde no Diario Oficial de Galicia.

• ORDE DO 6 DE NOVEMBRO 2015 (DOG)

Cómpre destacar as seguintes datas de remate para a solicitude de proxectos:

• KA1. Mobilidade no ámbito da educación e a formación: 2 de febreiro de 2016 (12:00 h)
• KA2. Asociacións estratéxicas no ámbito da educación, a formación e xuventude: 31 de marzo de 2016 (12:00 h)

Acceso á convocatoria e guía 2016

Consulta nos enlaces a información sobre a CONVOCATORIA DE ADXUDICACIÓN DO SERVIZO DA CAFETARÍA DO IES DO MILLADOIRO PARA O CURSO 2015-2016.

CONVOCATORIA DE ADXUDICACIÓN

FOLLA DE ESPECIFICACIÓNS TÉCNICAS

O martes 29 de setembro terá lugar no salón de actos do centro unha reunión de presentación dos titores de 4º ESO e 1º e 2º BACHARELATO ás familias co seguinte horario: 

• Reunión dos pais cos titores/as de alumnado de 4º ESO ás 18:15
• Reunión dos pais cos titores/as de alumnado de 1º e 2º Bacharelato ás 18:45

O martes 6 de outubro terá lugar no salón de actos do centro unha reunión de presentación dos titores de 1º, 2º e 3º ESO co seguinte horario:

• Reunión cos pais de alumnado de 1º e 3º ESO para presentar o programa TEI ás 18:15, no salón de actos do IES.
• Ao remate (18:45), reunión dos pais de 3º ESO cos titores/as de grupo nas aulas.
• E continuamos a reunión (18:45) cos pais de alumnado de 1º ESO para presentar a Axenda Escolar no salón de actos e logo aos titores/as de grupo para reunirse con eles nas aulas.
• Reunión dos pais de alumnado de 2º ESO cos titores/as ás 19:15 no salón de actos.