O Cole de Cea | Aprendendo para un mundo mellor.

INTRUCIÓNS PARA CUBRIR O FONDOLIBROS

Xov, 05/23/2024 - 13:00 — andreabc

EXPLICACIÓN DETALLADA PARA CUBRIR A PARTICIPACIÓN NAS AXUDAS DE FONDOLIBROS

FONDOLIBROS 24-25. AXUDAS DE LIBROS DE TEXTO E MATERIAL ESCOLAR PARA O CURSO 2024-2025

Mar, 05/21/2024 - 15:03 — andreabc

Os arquivos adxuntos teñen a información e o modelo a cumplimentar para a petición de libros e material escolar para o vindeiro curso.

O PRAZO DE PRESENTACIÓN DA SOLICITUDE REMATA O 21 DE XUÑO PARA TODOS OS CURSOS, TANTO PRIMARIA COMO SECUNDARIA.

Chega o VIII SERÁN DO COLE DE CEA!!!

Mar, 04/30/2024 - 09:24 — Xico P.

O día 16 de maio, a partir das 17h, o Cole de Cea abre as súas portas para celebrar, como xa é tradición, o SERÁN DO COLE DE CEA.

Hoxe facemos público o cartaz, no que o protagonista é o noso fabuloso MAIO DO COLE DE CEA, ao cal, como non podía ser doutro xeito, tamén lle cantaremos unhas copliñas cheas de retranca e bo humor e elaboradas polo alumnado.Estades convidadas/os a participar o día 16 connosco nas actividades que estamos a preparar: actuacións de grupos de música tradicional, torneo de xadrez, postos de artesanía, xogos populares, furanchiño...

VIVA O SERÁN DO COLE DE CEA!!! 
 

blogue de Xico P.

Menú de Maio

Ven, 04/26/2024 - 12:57 — andreabc

Punto Laranxa

Xov, 04/25/2024 - 10:14 — Anónimo

No mes de xaneiro, a Consellería publicou o Plan integral contra o acoso e ciberacoso escolar, así como a actualización do Protocolo educativo para a prevención, detección e tratamento do acoso e ciberacoso escolar , co fin de dar resposta a este tipo de situacións nos centros educativos.

Para denunciar os casos que se coñezan, estarán á disposición da comunidade dúas ferramentas :

1. O primeiro é Punto Laranxa Físico, unha Caixa de color Laranxa está situada na planta baixa xusto ao entrar do edificio de Primaria (visibilízase saíndo do edificio), onde calquera persoa poderá denunciar de xeito anónimo unha situación de posible acoso ou ciberacoso escolar.

2. Punto Laranxa Virtual na web do centro. Neste espazo, xa dispoñible, hai un formulario para facer o mesmo; de xeito anónimo, denunciar calquera caso de acoso ou ciberacoso que coñezamos.

Está situado na banda dereita da web, debaixo do Plan Dixital e é un recadro laranxa; ao picar ábrese un formulario para encher e enviar.

O equipo ACAE (Actuación Contra o Acoso Escolar), equipo formado por docentes do centro, revisará todos os días estes dous espazos para poder actuar con máis rapidez e dilixencia nos posibles casos e establecerá as medidas necesarias para unha rápida intervención.

O formulario é anónimo pero é imprescindible que a comunidade entenda que é unha ferramenta seria, que debe indicar o nome da/s vítimas e agresores se o coñecen, ou dar os detalles que permitan ao equipo ACAE localizalos. Se unha solicitude de axuda non leva estes datos, non será, loxicamente, moi efectiva.

COMO FUNCIONA O PUNTO LARANXA?

Se o estás a sufrir ou coñeces algún posible caso de acoso ou ciberacoso, axúdanos a paralo!

1. Escribe de maneira anónima a túa mensaxe nun lugar onde te sintas seguro/a.

2. Localiza o Punto Laranxa no teu centro (sitúado na entrada ao interior do centro ou na páxina web).

3. Deposita na caixa do Punto Laranxa a túa mensaxe (só é accesible ao equipo docente encargado de loitar contra o acoso escolar no teu cole).