E para seguir conmemorando o Día Internacional da Muller, o 13 de Marzo veu ao centro SARA MARCHENA, muller galega, filóloga e regueifeira, para pór en valor un xénero pouco visibilizado entre a nosa mocidade que permitíu a alumnado e profesorado pasar unhas sesiósn moi entretidas.

Sara impartíu dous obradoiros de regueifas, un para 4º, 5º e 6º de Primaria e outro para Secundaria. Ademais de introducirnos neste xénero contounos varios trucos para iniciarnos na práctica.

A regueifa é un xénero de poesía oral improvisada galega. Consiste nunha contenda verbal cunha melodía fixa entre dous bandos xeralmente a través de cuartetas oitosilábicas con rima (asonante ou consoante) nos versos pares. A súa orixe etimolóxica remóntase ao árabe, co significado de “pan de voda ‟. A regueifa desenvolveuse no contexto dos casamentos, aínda que actualmente se extrapola a calquera contexto público ou semiprivado.