CEIP PLURILINGÜE A LAXE

   E o venres por fin chegou o día de celebrar o Entroido. Este ano disfrazámonos da tripulación do barco Victoria, un dos navíos que utilizaron Magallanes e Elcano para dar a volta ao mundo.

   Por iso, uns días antes preparamos o noso barco.

   Ademais tamén elaboramos unhas máscaras de dinosaurios, relacionadas co proxecto que estamos a traballar este trimestre.

  O día da festa a merenda foi especial, comida típica destas datas: rosquillas, orellas, filloas, torrixas... Grazas ás familias!!! Estaba todo moi rico!!!

   Despois preparámonos para acudir ao local da Asociación de veciños a celebrar o Entroido: puxemos o chaleco e o gorro.

  Xa listos, todo o alumnado e o profesorado do centro fomos en comparsa ata ao local da Asociación e alí realizamos a nosa actuación e vimos as dos compañeiros e compañeiras de Primaria.

   Esta foi a nosa actuación. 

   Para finalizar a festa regresamos a cole e queimamos a Meca, dando por finalizado o Entroido deste ano.

   Pasámolo moi ben e xa queremos repetir!!!

   Esta semana celebramos o Entroido e o primeiro que tivemos que facer foi cumprir os mandados da Meca.

   O luns tivemos que vir a colexio en pixama.

   O martes, listos para ir á praia.

   O mércores, de labregos para ir a traballar ao campo.

   O xoves fomos elegantes, pero á vez un pouco extravagantes.

   O venres 14 de febreiro os nenos e nenas de infantil celebramos o día do amor. 

   Primeiro elaboramos entre todos un cartel con corazóns cos nosos nomes e cunha frase de amor que utilizamos de photocall para sacar unha fotos moi especiais, xa que somos un grupo moi unido no que nos queremos moito. Ata a mestra recibiu o seu abrazo!!!

   Ademais tamén elaboramos unhas postais con mesaxes de amor para as nosas familias. Para iso primeiro tivemos que facer moitas boliñas de cores, aínda que traballando en equipo todo é moito máis sinxelo. 

   Despois pegamos as boliñas formando un corazón na portada da tarxeta e escribimos as mensaxes en tres idiomas: galego, castelán e inglés. Quedaron fermosas!!!

   O venres pasado recibimos a visita da mamá de Alejo e Lois que veu a lernos un conto moi interesante: "Familias" de Oh! Mami Blue, no que nos fala dos distintos tipos de familias. Despois, aproveitando que era o día do amor fixemos un debuxo para a nosa familia nunha folla de papel moi grande que levamos para a casa. Encantounos!!!

   Moitas grazas por vir!!!!

  O mércores fomos de excursión ao Acuario cos nenos e nenas de 1º e 2º de Primaria. Durante a viaxe xa estabamos desexando chegar para ver todos os animais que alí nos esperaban.

  O primeiro que fixemos foi merendar para coller forzas para a visita.

  Logo, grazas a Antonio, o noso guía, puidemos coñecer moitos animais e curiosidades sobre eles. A primeira parada foi na Sala Nautilus onde vimos moitos peces diferentes e ao tiburón Gastón, que estaba merendando. Aquí tamén vimos como os buceadores limpaban a piscina despois da comida.

  A continuación fomos a ver as focas, que tamén ían a comer: vimos como lles daban de comer e tamén agarimos. Que bonitas son!!!

  Despois seguimos a visita polas distintas salas que hai, onde vimos medusas, peixes moi variados como sargos, rodaballos, polbos, lenguados, pequenos tiburóns, cabaliños de mar, ovos de tiburón, pez trompeta, a Nemo e a Dori, etc.

  Tamén vimos obras de arte feitas por outros nenos e nenas con lixo que atoparon nas praias.

  Por último, vimos as estrelas de mar e as puidemos tocar!!!! 

  Foi uha experiencia moi bonita e pasámolo xenial!!!