Ola, familias!

O vindeiro martes 25 de abril ás 16:30 horas tedes unha cita na Tepoteca. 

Persoal experto respostará todas as vosas dúbidas sobre ciberseguridade.

O centro proporcionará servizo de atención a cativos.

Esperámosvos!

O venres 14 de abril participamos na XIV edición do TUI LE!

Trátase dun encontro con actividades arredor do libro organizado pola biblioteca municipal de Tui coa participación das bibliotecas escolares de todos os centros de Tui.

O alumnado de segundo e terceiro de primaria do noso cole gozou co espectáculo "As palabras perdidas" de Bea Campos con Inventi Teatro.

A continuación, realizaron tamén o intercambio de libros usados.

Os nenos e nenas de quinto de primaria elaboraron un póster sobre Francisco Fernández del Riego, que foi exposto durante toda a xornada.

Vémonos na proxima edición do TUI LE!

O pasado venres, 31 de marzo, recibimos na Tepoteca o espectáculo da actriz Raquel Queizás, Cinema Marabillas.

Tepo e Tepa tiñan todo preparado para que o alumnado do Ceip de Rebordáns gozara vendo as primeiras adaptacións cinematográficas inspiradas nos contos.

E así descubrir que o cine e a literatura van moi unidos. 

Toda unha sesión chea de risas, historias, cine, maxia... encheu a nosa Tepoteca.

Un fantástico xeito de enriquecer o noso proxecto deste curso, Rebordáns, cámara...e acción! 

Tres das nosas artistas de quinto de primaria agasallaron a Raquel Queizás con unha das súas pequenas creacións. 

Graciñas por compartir o teu talento con nós!

Ata a próxima!

Estamos moi contentos porque xa recibimos os primeiros vídeos deste curso dos nosos booktubers. 

Non perdades detalle. Parabéns, Samuel e Nerea!

Premede nos arquivos que tedes a continuación.

No día do libro infantil, 2 de abril, data do nacemento de Hans Christian Handersen, presentávosmos un dos últimos contos que foron éxito durante a hora de ler.

Son un libro, leme... Aí vai a nosa nova recomendación.

Todo comezou cando os nenos e nenas de primeiro de primaria falaron un día sobre os seus soños, algúns non eran moi agradables e daban algo de medo.

Menos mal que Tepo e Tepa tiñan un libro moi especial "As chaves dos soños", agora tanto o alumnado de sexto de infantil coma os de primeiro de primaria, teñen a sús propia chave dos soños e así, coa primeira estrela que brilla no ceo... xa poden abrir a porta máxica e soñar bonito!

Hoxe é o DÍA MUNDIAL DA AUGA, un día no que quixemos crear conciencia sobre a importancia de manter as augas limpas, o noso planeta Terra está cuberto case un 70% de auga, así que podedes imaxinar por que temos que ser conscientes do coidado desta gran parte do noso planeta.

Para isto, volvemos a botar man da nosa TEPOTECA, onde hai libros interesantísimos sobre esta temática, nesta ocasión traballamos o conto:

"Alejo"o cangrexo, tiña que cambiar de cuncha e non atopaba máis que lixo no mar e nas praias.

Esta divertida historia, levou a procurar solucións para evitar situacións como a que lle ocorría a "Alejo".

A solución resultou ser moi sinxela, RECICLAR e tirar cada cousa no lugar axeitado. Así que, o alumnado de 1º curso puxémonos mans á obra:

Lemos, investigamos e divulgamos.

Seguimos cos ODS:

Hoxe, no DIA MUNDIAL DOS BOSQUES, quixemos ler un libro da Tepoteca:

Este libro móstranos a importancia de plantar árbores para formar bosques, os beneficios que aporta e toda a vida que crece arredor dunha soa árbore.

Ao finalizar, o alumnano de primeiro, fixo un pequeno debate sobre o tema e comprometeuse a plantar moitas árbores, tentaremos cumplir ese reto.

Seguimos concienciando sobre ODS !!!

Os pequechos de 6º de infantil deron cun libro superchulo que Tepo e Tepa tiñan no expositor do corredor, "O CAPITÁN VERDEMAN, SUPERHEROE DA RECICLAXE" resultou ser unha historia moi divertida e interesante onde nos fai ver a importancia da reciclaxe. Traballaron o conto e fixeron un cartel para colocar na entrada do cole.

Aquí temos aos nosos superheroes e superheroínas, moi concienciados de conseguir UN MUNDO MELLOR!!!!

Foi o luns, 6 de marzo, cando os axudantes da biblioteca de 5º e 6º de primaria, puxéronse mans á obra.

Xa que atopábamonos na Semana da Prensa, decidiron montar o quiosco da Tepoteca.

E aquí tedes o resultado!

Tepo e Tepa están moi emocionados coa acollida. Os nenos e nenas do cole de Rebordáns achegáronse a gozar dos xornais e revistas.

Logo decidiron crear, xunto coas súas familias, novas noticias locas que tamén emitiron na Reborradio.

O Recuncho Fedello recibiu nos recreos a primeira quenda do alumnado que quixo participar coa súa creatividade neste espazo.

O alumnado de primeiro e segundo deseñou os seus bufos con follas secas, legumes e cores.

Terceiro e cuarto creou debuxos con figuras xeométricas como protagonistas.

Quinto e sexto formaron circuítos de tubos e crearon o maior número de palabras con letras ao azar da man do Cross Dices.

Continuará...