Este curso continuamos co PLAN DE CONSUMO DE FROITA NA ESCOLA.Nas vindeiras semanas (do 16 ao 20 e do 23 ao 27), os nenos e as nenas poderán tomar froita de tempada no recreo.
A viguesa, Begoña Vila, dende o seu centro de traballo na NASA, enviou ao noso centro, un video explicando o funcionamento do telescopio James Webb. Moitas grazas!
Begoña Vila, (Vigo, 1963) é doutora en astrofísica especializada no estudo das galaxias espirais. Na actualidade reside en Estados Unidos. Premiada pola NASA por contribuir de xeito relevante á misión da axencia espacial ao liderar un equipo composto por máis de mil persoas que traballan na posta en marcha do telescopio James Wedd.
En 2017 recibiu da Xunta de Galicia, o premio Mª Josefa Wonenburger que resalta á traxectoria das mulleres no ámbito da ciencia e da tecnoloxía. No dia da muller traballadora queremos salientar a figura desta " científica muller", como exemplo que contribue a situar nun primeiro plano a perspectiva de xénero na actividade científica.
