Chegou a Festa da Castaña!

O pasado xoves 7 de novembro tivo lugar o noso tradicional magosto coa degustación de castañas asadas e a continuación divertidos xogos que foron a ledicia de pequenos e maiores.

Que ben o pasou toda a rapazada!

Unha semana máis, chega o programa máis agardado...

REBORRADIO!

O pasado venres 15, o alumnado de 5º amenizou a hora de ler co seu programa de radio.

Nel, comentaron as últimas novidades do centro, así como a celebración do Samaín e do Magosto, dando datos interesantes sobre esas datas. Non sabiamos o das patacas, fíxate ti!

Non o podedes perder!

Podedes escoitalo premendo na imaxe ou premendo aquí.

As rapazas e rapaces de 3º e 4º de primaria abraiados polos conxuros de Tepo e Tepa, decidiron crear as súas propias apócemas.

Tede coidado! Non vaia a ser que vos convertades en...!

Adiante vídeo.

Exposición de cabazas, disfraces, lecturas ás escuras, manualidades e merendas terroríficas foi o que viviu o alumnado de Rebordáns no Samaín 2024...

Menudo Samaín Arrepiante!!!

Ademais, adentráronse na tenebrosa Biblioteca/Salón de Wilhem Conrad Röntgen, inventor da Máquina de Raios X, nunha búsqueda de ósos agochados para conformar entre todos un esqueleto completo.

Unha vez superado o reto, os nenos e nenas foron recompensados cun lapis terrorífico.

Se non queredes perder detalle, mirade o vídeo!

Chegou o outono, e con el, o magosto!

Xa temos todo preparado, para o xoves 7 celebrar esta festa con todo o noso alumnado.

Contaremos coa colaboración da ANPA para o seu asado e poderemos, abofé, desfrutar dunhas riquísimas castañas!

Xa está aquí! Por fin comezou! O programa máis agardado...

VOLVE REBORRADIO!

Un curso máis, é hora de quitarlle o po aos micros e quentar a voz.

Mara, Vicky, Lucía V, Andrea, Simón, Lucía G, Lara e André, alumnas e alumnos de 6º de primaria, encargáronse de presentar e amenizar este primeiro programa, cheo de aniversarios, novas, celebracións... Ata nos puxeron en órbita!

Non o podedes perder!

Podedes escoitalo premendo na imaxe ou dende aquí.

Como vimos facendo os últimos anos, o noso alumnado puido desfrutar durante o mes de outubro das clases de xadrez a cargo de Brais Otero Nogueira, adestrador e preparador no Club de Xadrez de Mos. 

Cantos xaque mate fixeron!

Rapazada!

Xa temos todo listo para as lecturas ás escuras!

Non esquezades as vosas lanternas.

Tepo e Tepa.

Hoxe é 24 de outubro, día das bibliotecas escolares, e na Tepoteca quixemos festexalo co inicio do noso proxecto de centro para este curso.

Se queredes saber de que trata... ollade as imaxes!