Por segundo ano consecutivo participamos nesta iniciativa a nivel nacional, que busca o apoio para aumentar o horario de educación física e apostar por modelos de vida activos e saudables. Este ano o lema EVA (estilo de vida activo) foi o lema da xornada. Aquí tedes unha mostra das imaxes da xornada celebrada en María Pita, así como a súa repercusión nos medios de comunicación.

https://www.elidealgallego.com/articulo/coruna/maria-pita-llena-actividades-deportivas-reivindicar-mas-horas-lectivas-educacion-fisica/20190410203840402803.html

https://www.laopinioncoruna.es/multimedia/fotos/a-coruna-metro/2019-04-11-156667-educacion-fisica-corua.html

Da man de La Opinión de A Coruña e o Depor, participamos un curso máis na iniciativa "Os Valores do Deportivo". Nesta ocasión tivemos a oportunidade de coñecer por dentro o Estadio de Riazor, ademáis de disfrutar dun interesante audiovisual da evolución do Depor e o fútbol, e por último estivemos cunha xogadora do Depor feminino e dous xogadores do Fabril. Como agasallo final, unha entrada para cada un para o vindeiro partido do Depor na casa.

Durante dúas semanas de marzo o alumnado de 5º e 6º de primaria tivo a oportunidade de coñecer, aprender e divertirse coa iniciación ao rugby que chegou da man do equipo feminino do CRAT de A Coruña, e a través da campaña da Federación Galega de Rugby, "Semente do rugby". Debido ao éxito acadado, decidimos que en adiante, teremos unha unidade didáctica de rugby nestes cursos.

Por certo, parabéns as xogadoras do CRAT que este domingo gañaron a final da liga nacional en Madrid!! 

Queremos compartir con todos-as o premio recibido este venres 23 de novembro en Ourense, de mans de AGAXEDE, e que anualmente entrega os premios Galicia á xestión deportiva. Este ano a actividade desenvolta en abril en colaboración con outros cinco colexios foi galardonada como a mellor actividade deportiva de 2018. Dende aquí agradecemos a AGAXEDE o recoñecemento e felicitamos ao resto de compañeiros-as e o alumnado dos diferentes centros educativos participantes.

Logo de 12 sesións rematamos a unidade didáctica de atletismo coa nosa mini xornada nas pistas da UDC en Elviña.

Un curso máis, 50 alumnos de 6ºEP, agrupados en 6 equipos, 8 sesións de iniciación ao balonmán, 3 sesións de competicións en EF e a xornada final. Ano tras ano, un éxito de traballo colaborativo coa aprendizaxe do balonmán e as súas habilidades, como escusa.

O alumnado de 1º a 4º de primaria e o profesorado realizaron moitos dos xogos que vedes nas fotos, baixo a coordinación de Juan, o profe de EF. Unha actividade máis do Proxecto Deportivo do Centro.

Como nos cursos pasados, continuamos co reparto de froita. Este curso foron dúas semanas seguidas para a froita. Segue a ser un éxito entre a maioría do alumnado, aída que temos que recoñecer que unha pequena parte todavía ofrece certa resistencia ao consumo habitual de froita e leite. Seguiremos favorecendo a implantación de medidas que  consoliden hábitos saudables de alimentación durante os recreos.