O venres 8 de febreiro estivemos de estrea. O equipo de profesores de Voluntariado Miúdo - Plan Proxecta, coa colaboración de máis de 50 voluntarios-as de 4º, 5º e 6ºEP, puxemos en marcha esta ambiciosa e renovadora iniciativa, coa que pretendemos contar cun patio de recreo máis atento á diversidade e as relacións entre iguais, potenciando os diferentes intereses de ocio do alumnado, ao tempo que buscamos a súa implicación. Empezamos os venres, coa idea de extendelo a máis días no futuro. O certo é que foi todo un éxito de participación. Moitas gracias por facelo posible.

Unha das novidades deste curso é a incorporación de accións de voluntariado co alumnado. Pois o venres 15 de febreiro daremos inicio á proposta más novedosa deste voluntariado. Darémoslle unha volta ao patio de recreo, e coa axuda dos voluntarios-as e parte do profesorado, poñeremos en marcha diferentes actividades de lecer durante o recreo, para que todo o alumnado teña a opción de elixir como pasar o tempo do recreo dun xeito diferente. Empezaremos cun día semanal, os venres, e na medida das posibilidades e a valoración dos resultados, o extenderemos a máis días.

Aquí tedes o logo da actividade (realizado por Candela de 6ºB), e todas as opcións e ubicación.

XOGOS DE SEMPRE	DÍANTE DA CASA DA CONSERXE
FÚTBOL	PISTA CUBERTA
XOGOS TRADICIONAIS	ZONA DOS CAMPOS DE BRILÉ
BALONCESTO	PISTA DESCUBERTA
XOGOS DE TABOLEIRO	NA ENTRADA DO EDIFICIO
ROBÓTICA	SALÓN DE ACTOS
A BAILAR	AULA DE INFORMÁTICA
XOGOS DE MODA	PATIO CUBERTO
XOGOS PARA INFANTIL	PATIO DE INFANTIL
BIBLIOTECA - BRAILLE	NA BIBLIOTECA

Finalmente o total de cartos obtido pola venta das vosas doazóns de xoguetes, ascendeu a 1300 €. Estes cartos entregáronse hoxe mércores 13 de febreiro á responsable da ONG Miradas al Mundo, que mostrou o seu agradecemento, e comprometeuse a enviarnos imaxes dalgún dos novos pozos de auga potable que se poderán facer a partir de agora, en diferentes aldeas de Guinea Bissau.

Moitas gracias a todas e todos polo voso apoio.

No marco da convocatoria de Contratos Programa da Consellería de Educación, está a iniciativa de PROA (Reforzo escolar fora de horario lectivo), que un curso máis ofertamos ao alumnado de 4º, 5º e 6ºEP. A mestra designada pola Administración será ata final de curso Claudia Martínez de la Iglesia. Como en cursos anteriores teremos tres grupos de nivel co seguinte horario:

• 4ºEP mércores e venres de 16h a 18h.
• 5ºEP martes de 16h a 18,30h e xoves de 16h a 17,30h
• 6ºEP luns de 16h a 18,30 e xoves de 17,30h a 19h.

* O reparto de froita en maio será para todo o alumnado de infantil e primaria. Este curso non haberá reparto de leite en infantil.

Queremos informarvos de que os traballos de renovación e acondicionamento na horta escolar está prácticamente rematados. Consistiron na ampliación dos bancales de cultivo, así como a súa elevación e instalación de riego automático. Pronto empezaremos o programa de cultivos e compost ecolóxicos, co alumnado.

Agradecemos aos profesores do curso de hortas ecolóxicas do Centro Municipal de Emprego o seu traballo e acompañamento na xestión da horta escolar.

Aquí tedes as actividades xa confirmadas neste 2º trimestre do curso. Lembrade que esta listaxe pode ser actualizada en calquera momento, engadindo novas actividades ou modificando outras.

Benvidos ao 2019 e a este inicio do 2º trimestre do curso 18/19. Este trimestre abrangue dende o 8 de xaneiro ata o 29 de marzo, data na que entregaremos os informes trimestrais a todo o alumnado. Nesta semana publicaremos as saídas xa confirmadas para este periodo.Ademáis neste periodo agárdannos novidades como a posta en marcha de novidades no tempo do recreo, da que teredes cumprida información no seu inicio. Como non tamén será tempo de conmemoracións significativas como o Día da Paz, o Entroido ou Día da muller traballadora. Como sempre quedamos a vosa disposición a través das canles habituais. (entrevistas, titorías, consultas, etc)

Ata o xoves 20 de decembro podedes deixar as vosas doazóns na entrada do Colexio. Dende aquí animámosvos a colaborar dentro das vosas posibilidades, e ademáis a implicar aos vosos fillos-as nesta iniciativa que pretende promover xestos e actitudes solidarias. Moitas gracias.

CIRCULAR COCIÑA ECONÖMICA