O venres 30 de novembro recibimos no colexio á representante de Save The Children que desprazouse dende Madrid para facernos entrega da placa que recoñece ao CEIP Juan Fernández Latorre como Centro Solidario. Un premio ao traballo de todos-as durante estes anos participando na carreira solidaria, e obtendo estupendos resultados de recaudación, participación e implicación. O noso interese é continuar fornecendo a educación en valores, e a solidaridade é fundamental. Noraboa!!

Unha xornada estupenda de outono na que disfrutamos dun magosto coa participación de alumnado, profesorado e familias, e introducindo a novidade da iniciativa  educativa e colaborativa de voluntariado para o alumnado do colexio. Noraboa!!

Como anticipamos en días pasados, a entrega de materiais e libros para o alumnado de infantil, 1º e 2º de Primaria, será o xoves 6 e o luns 10 de setembro entre as 10,30h e as 12,30h nas aulas correspondentes. No resto de cursos, o alumnado traerá o seu material o primeiro día de clase.

LISTAXES DE MATERIAL:

1º ED. PRIMARIA           2º ED. PRIMARIA   

3º ED. PRIMARIA           4º ED. PRIMARIA

5º ED. PRIMARIA           6º ED. PRIMARIA

A continuación podedes consultar como queda adscrito o claustro do profesorado para este curso:

TITORÍAS                ESPECIALIDADES

Ola a todas e todos. Agardamos que disfrutárades do verán ao máximo e que servira para coller novas forzas e ilusións. O certo é que a partir do luns 3 de setembro o colexio estará aberto no seu horario habitual para facer calquera xestión ou consulta. Como ven sendo habitual nestes primeiros días publicaremos as datas e horas para entregar os materiais e libros nas aulas de infantil e 1º e 2º de primaria, o resto de alumnado xa o traerán eles o primeiro día de clase. Seguramente contade que o xoves 6 e luns 10 serán os días de entrega, pero non vos preocupedes porque o martes xa publicaremos as listaxes de materiais e confirmación de horarios de entrega. O alumnado de 3º e 4º de primaria, beneficiario de Fondolibros ten que recoller os seus libros no horario e datas indicados a finais do curso pasado. Moito ánimo e feliz curso!!.

Acabou o curso 17/18 coa tradicional Festa de Xogos, aquí podedes ver unha recopilación das mellores imaxes deste día. BOAS VACACIÓNS!!

Como nos cursos pasados, continuamos co reparto de froita. Este curso foron dúas semanas seguidas para a froita. Segue a ser un éxito entre a maioría do alumnado, aída que temos que recoñecer que unha pequena parte todavía ofrece certa resistencia ao consumo habitual de froita e leite. Seguiremos favorecendo a implantación de medidas que  consoliden hábitos saudables de alimentación durante os recreos.

Un ano máis o Colexio participa nas avaliacións individualizadas de 3ºEP e na de final de primaria, para o alumnado de sexto. A primeira realízase a todo o alumnado galego de terceiro os días 23 e 24 de maio. A de sexto ten carácter censal, e este curso tocoulle ao noso centro participar nela, xunto con outros centros educativos de Galicia que foron seleccionados e aqueles que participen voluntariamente. A continuación informamos ás familias respectivas con sendas circulares.

CIRCULAR FAMILIAS DE 3ºEP

CIRCULAR FAMILIAS DE 6ºEP

O pasado xoves 3 de maio a AAVV IAR , inauguró a súa exposición do 40º aniversario no CC do Castrillón. No acto o noso Colexio recibíu un agasallo pola súa colaboración coa organización veciñal. Facemos a todos-as os membros da comunidade educativa partícipes deste obsequio, e desexamoslles moita sorte.