Taboleiro
Segundo trimestre
Comezamos o 2º trimestre con novidades. Durante o Nadal instalamos tarima na Biblioteca e na zona da entrada da mesma. Ademáis próximamente será o Salón de Actos o que terá unha renovación con instalación de tarima e outras melloras importantes. Tamén este trimestre estará marcado por conmemoracións clásicas e consolidadas no funcionamento do colexio; mercadillo solidario no Día da Paz, Entroido e Día da Muller Traballadora, entre as destacadas. Nos vindeiros días tamén publicaremos as saídas confirmadas para este segundo trimestre.
Festival de Nadal 2022
Despedimos o primeiro trimestre deste curso voltando ao Salón de Actos a celebrar o noso tradicional Festival de Nadal. Como sempre un éxito de participación, todos os cursos tiveron a oportunidade de realizar unha actuación. Ademáis aproveitamos para despedir ao alumnado de prácticas da UDC e agradecer o seu traballo neste trimestre. Tedes na seguinte lista de reproducción unha boa mostra de todo o acontecido nesta celebración, e a continuación unha selección de imaxes do mesmo festival. BO NADAL E FELIZ ANO NOVO 2023!!!
Resultados das eleccións ao Consello Escolar
Celebrada a votación o luns 28 de novembro de 2022 os representantes candidatos elixidos foron:
SECTOR PROFESORADO: Alfonso González López e Luis Seijas Penas
SECTOR FAMILIAS: Rubén Cuellas Vázquez e Ramiro Eduardo Maceira Martínez
Tamén aproveitamos esta ocasión para agradecer a súa implicación e participación ás representantes saíntes, que son as nais María García e Mónica Scandura, e as mestras Eva Fariñas e Ana Roca.
Comezamos coas saídas e actividades complementarias
Neste mes de outubro iniciamos o calendario de actividades complementarias dentro e fora do colexio. Podedes consultar as actividades xa confirmadas neste primeiro trimestre no seguinte enlace no menú "Calendario de saídas" deste sitio web. Estas saídas xa están autorizadas na ficha de inicio de curso e no mes de novembro solicitarase a aportación económica correspondente. Lembramos que o uso da mascarilla no transporte escolar continúa a ser obrigatoria.
XOVES 8, COMEZAMOS!!!
Ola alumnado e familias. Xa temos todo preparado para recibiros este xoves 8 de setembro. Se facedes clic na imaxe teredes a posibilidade de consultar unha circular informativa sobre o novo procedemento para as entradas e saídas. Volvemos cunha situación prácticamente similar a que tiñamos antes da pandemia. As familias podedes acceder con normalidade ao recinto para acompañar ao alumnado ata a porta de entrada correspondente, e nas saídas tamén podedes entrar un pouquiño antes para recollelos-as diante da porta ou no patio.
A única medida, dos protocolos COVID, que deberemos manter será a obrigatoriedade de utilizar mascarilla no transporte escolar, ou sexa, cando teñamos algunha saída. O resto de medidas que tanto amolaron: uso de xel, mascarilla, grupos burbulla, confinamentos, zonas acotadas, limitacións de aforos e acceso, etc, etc, deixan de estar en vigor. Agardamos poder levar a cabo un curso similar aos anteriores á pandemia e sabemos que contamos co voso apoio e xa pedimos a vosa colaboración e comprensión, especialmente para estes primeiros días que están sempre cheos de intensidade emocional, de moita información, algún desaxuste,..., pero entre todos e todas sacarémolo adiante.
MOITAS GRAZAS E QUE TEÑAMOS UN FANTÁSTICO E MÁXICO CURSO!!!
Listaxes de material
A continuación podedes acceder ás diferentes listaxes de material solicitadas polo profesorado de nivel, pinchando na liña correspondente;
NON HABERÁ ENTREGA PREVIA DO MATERIAL. O ALUMNADO DEBERÁ TRAELO O PRIMEIRO DÍA DE CLASE.
Graduacións
O pasado luns 20 de xuño foi a quenda dos peques de 5 anos, que acompañados polas familias e as súas mestras disfrutaros dun bonito acto a súa despedida de infantil. E xa o mércores 22 pola tarde foi o acto de graduación do alumnado de 6ºEP, que despois de nove anos deixan o cole. Foron momentos moi especiais con videos moi emotivos do seu paso polo cole ata a súa excursión de final de curso, e como guinda un flashmob sorpresa co que deixaron abraiados ás súas familias. Desexámoslles moita sorte no seu camiño pola secundaria a esta promoción 2013-2022, a máis numerosa dos 30 anos de historia do cole. Moita sorte!!
![]() |
![]() |
![]() |
Curso 21-22; punto final
Así acabamos o curso, cunha tradicional actividade, a festa de xogos, recuperada tras dous anos interrumpida pola pandemia. Todos e todas xogando xuntos. Compartimos as imaxes e desexámosvos unhas boas e merecidas vacacións.
Que ben nos quedou!
Escaleiras cheas de valores. Hoxe mostrámosvos o resultado final doutra das iniciativas que se realizaron no colexio para promover valores no noso alumnado. Decoramos as escaleiras con frases feitas polo alumnado e seleccionadas polo profesorado con motivo do Día da Paz e do Día da Muller. Aproveitamos tamén para cambiarlle a cara á entrada da biblioteca, a porta do ximnasio e as portas da entrada pola AV. da Concordia con diferentes fotos, debuxos e traballos realizados no colexio.
Xubilación de Carmen e Lola
![]() |
Hoxe venres 19 de febreiro do 2021 xubilouse a nosa compañeira Lola, mestra especialista de audición e linguaxe, que formou ata hoxe parte do Departamento de Orientación do colexio Despois de 38 anos na docencia e 11 no noso centro, chegou o momento de descansar e disfrutar desta nova etapa na súa vida, na que lle desexamos moita saúde e sorte. |
|
Carmen López xubilouse ao final do curso pasado, e de xeito imperdonable, non fixemos unha reseña da súa despedida ata hoxe ("mea culpa" Pablo). Igual que Lola, case 40 anos na docencia, dos que os 14 últimos foron no Fdez Latorre, sempre como titora de 5º-6º de Primaria. Desexámoslle tamén moita saúde para disfrutar dun montón de anos cheos de bonitas experiencias. En nome de toda a comunidade educativa moitas grazas a ambas polo voso traballo e compromiso. |
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »