Eventos
Rematado o proceso de votación procédese á proclamación de candidatos/as elexidos e suplentes
VER PROCLAMACIÓN DE CANDIDATOS ELEXIDOS E SUPLENTES
Candidaturas ás eleccións de membros do Consello escolar
Calendario para a realización de eleccións de membros do Consello Escolar aprobado o pasado día 4.
Fotos da actividade feita no 2º recreo "Contra a Violencia de Xénero", onde unhas rapazas de 4º ESO leron uns poemas. Coordinaron a actividade as profesoras Elisa Borrazás e María Blanco.
Con dúas páxinas tituladas "Esperanza", o ex-alumno do noso centro, Bienvenido Suárez, vén de acadar un recoñecemento cheo de emotividade, o primeiro premio do certame literario «Dillo a quen maltrata», convocado polo Concello de Lalín no contexto das actividades arredor do Día Internacional da Eliminación da Violencia contra a Muller. Desde aquí, os nosos parabéns e desexos de moitos éxitos !!!
Escaparate de Nadal 2016 deseñado polo alumnado de 1º Ciclo Medio Actividades Comerciais, coordinado polo profesor Alejandro Guntiñas dentro das actividades programadas polo Departamento de Comercio.
A nosa alumna de 4º ESO, Iria Freire Agra, ven de gañar por segundo ano consecutivo o certame literario do Concello de Negreira sobre o tema do "Maltrato contra as mulleres", baixo o pseudónimo "Peonía".
Un relato que narra unha desas historias que acontecen en calquera dos nosos fogares, onde unha vez máis unha muller loita por saír a flote dunha relación de maltrato e destrutiva. A protagonista cóntanos a súa historia como membro dunha organización que axuda a outras mulleres, reinvindicando o lugar da dignidade e a visibilidade.
Os nosos parabéns para Iria e aos seus esforzos en plena época de exames!.
Aquí tedes a ligazón ao video sobre o viaxe a Roma que se fixo o curso pasado.
O diario Faro de Vigo publica unha entrevista co director do IES Xulián Magariños de Negreira na que opina sobre os factores de mellora que incidiron nos bos resultados de Galicia na última avaliación PISA
Fotos da actividade teatral " Cousas" de Castelao no Auditorio do Centro Sociocultural de Negreira a que asistiron alumnado de 3º e 4º de ESO de noso Centro e alumnado do IES de Brión.
Perante sucesos como o acontecido en Oroso estes pasados días, o director do noso centro, D. Adelino Pose incide en que o sistema educativo conta coas ferramentas adecuadas para evitar incidentes como ese e que é preciso seguir traballando para inculcar a cultura do diálogo e o consenso entre os adolescentes.
clicar na imaxe para agrandar
Onte, como representante dos directores de centros educativos da provincia da Coruña, o director do noso centro, D. Adelino José Pose Reino asistiu a unha reunión da Xunta autonómica de directores onde presentou 14 alegacións sobre diversos temas tratados anteriormente na Xunta Provincial da Coruña:
Subministro de gasoil, mellora das condiciones dos equipos directivos, creación da figura de adxunto a xefatura de estudos, roubos nos centros, queixas do funcionamento de AMTEGA, problemas cos programas E-DIXGAL e ABALAR, apertura e peche dos centros en períodos non lectivos, contratos de cafeterías nos centros, obras nos centros, gastos de telefonía, axudas para libros de textos e formación do profesorado.
Ademais indicou a necesidade dun pacto educativo e que se debata sobre o modelo de dirección existente no noso país en comparación co existente noutros países europeos para tentar melloralo.
Ver referencia da xuntanza na web da Consellería de Cultura, Educación e Ordenación Universitaria
Clica nas imaxes para ver o cartaz e a foto do concerto
A Consellería de Educación seleccionou, entre outras, a proposta presentada polo IES Xulián Magariños para o presente curso.
Este ano o proxecto elaborado abarca catro liñas de actuación:
- PROA (Acompañamento escolar fora do horario lectivo), o alumnado con dificultades tera clases por un profesor/a alleo/a o Centro e coordinado con noso profesorado
- Mellora da Convivencia e Promoción da Igualdade nos Centros
- Prevención do Abandono Temperán e do Absentismo Escolar
- Mellora da Calidade na Xestión dos Centros
Parabéns a toda a Comunidade Educativa !
MÁIS INFORMACIÓN SOBRE OS CONTRATOS PROGRAMA
Ver información sobre os Contratos Programa no portal educativo da CCEOU
