Aulas dixitais

Axuda TIC

O centro conta con 16 aulas dixitais para 3º-4º ESO e bacharelato equipadas orixinalmente cos proxectores Epson EB-570, os encerados dixitais MultiCLASS MCI780 e os portátiles Lenovo Thinkpad L540 distribuídos pola Consellería de Educación durante o curso 2015-16. Algúns equipos xa foron renovados e outros están en proceso de renovación. Os portátiles dispoñen de sistema operativo Linux Mint 20.3 e unha ampla selección de aplicacións de uso educativo e xeral.

Normas de uso

Os ordenadores teñen un perfil (conta de usuario) diferente para cada departamento didáctico e unha conta de usuario xenérico. A configuración e os documentos gardados polo usuario xenérico desaparecen ao reiniciar o equipo.
Para iniciar a sesión é necesario inserir o contrasinal correspondente.
Non se debe mover de sitio nin o portatil nin a mesa que o soporta.
Non se debe desconectar ningún cable do portátil, salvo o cable HDMI usado por algúns portátiles novos, no caso de querer conectar un equipo propio ao proxector.
Para conectar un equipo propio ao proxector dixital, deberá usarse o conector HDMI da caixa de conexións.
Pechade sempre a sesión ao rematar a clase ou apagade o equipo se non hai clase a continuación.

Solución de problemas

Se non hai son:

Comproba os axustes de volume xerais na esquina inferior dereita da pantalla e os axustes da aplicación.
Comproba que non estea activado o modo silencioso. A tecla F1 alterna entre o modo silencioso e o modo normal.

Se o son é inestable ou se non hai son e tampouco responde o encerado dixital:

Cambia de porto o conector USB do encerado dixital: do porto traseiro xunto ao cadeado ao porto lateral dereito máis próximo ao cadeado, ou viceversa. Espera un pouco ata que o ordenador detecte o encerado dixital.

Se hai outros problemas ou persisten os problemas de son: