Consigue o título de Técnico Deportivo en Fútbol, recoñecido polo Consello Superior de Deportes, con validez académica e profesional en todo o territorio nacional.

Impartido a partir de setembro en réxime semipresencial (clases presencias luns e mércores)

O prazo de inscrición nas probas de acceso está aberto ata o 26 de xuño.

Os exames finais dos módulos do Nivel 2 Técnico Deportivo Fútbol celebraranse os días 17 , 18 e 19 de xuño seguindo o horario que aparece a continuación:

Entrega de notas:  26 de xuño a partir das11:00h.

Aclaración  ás cualificacións ese mesmo día de 11:00h a 13:00h.

  Reclamacións presentadas regulamentariamente, na secretaría docentro e dirixidas ao Sr. Director os

días 27 e 28 de  xuño.

Os exames finais de 2º de Bacharelato SEMIPRESENCIAL da convocatoria extraordinaria celebraránse os días 10, 11 e 12 de xuño. Dacordo co seguinte calendario:

Avaliación: 14 de xuño ás 11:15h

Entrega de notas: 14 de xuño a partir das 12:00h.

Aclaracións ás cualificacións:  14 de xuño de 12:00h a 14:00h.

  Reclamacións presentadas regulamentariamente na secretaría do centro dirixidas ao Sr. Director:  17 e 18 xuño.

O xoves 23 de maio de 2024, ás 20h, no Edificio multiusos do Concello de Monforte de Lemos levouse a cabo a Graduación do alumnado de 2º Bac Diúrno, 2º Bac de persoas adultas e de 4º da Educación Secundaria para persoas adultas da promoción do 2024 do IES Río Cabe.

Foi un acto moi emotivo e agardado por todos e todas. Empezou o acto coa entrada do alumnado no recinto e co posterior discurso do Director do centro, Carlos Parada.

Con posterioridade a madriña desta promoción, Raquel Rodríguez Vázquez, ex-alumna do centro e Graduada en Medicina pola Universidade de Valladolid, durante estes anos, realizou un SICUE na Universidade de Málaga durante un ano, co MIR en Radiodiagnóstico no Hospital Universitario de Salamanca durante 4 anos (2018 a 2022), con estancia formativas no Hospital La Fe de Valencia e Karolinska Hospital en Estocolmo. Experiencia laboral en Paris y Sergas, con próxima incorporación a Baleares tras superar oposiciones.

A continuación as alumnas de 2º Bac de persoas adultas -Iria e Judith- fixeron o discurso en representación da súa clase.

Con posterioridade as Alumnas de 4º ESA -Noemi e Rosa-  fixeron o discurso en representación dos seus compañeiros e compañeiras.

En último lugar o alumnado de 2º Bac de diúrno - Noa, Marta, Luzia, Sofia, Bieito e Laura deron un discurso en representación destas ensinanzas.

Logo dos discursos visionáronse os vídeos conmemorativos das distintas ensinanzas e do seu paso polo IES Río Cabe.

O acto seguíu coa entrega de diplomas e bandas a cargo das titoras dos distintos grupos e coa entrega dos sobresaíntes.

A continuación a madriña da graduación fixo entrega dos diplomas as matrículas de hora deste curso en 2º Bacharelato.

Para pechar o acto o grupo musical formado polo profesor Xurxo, a profesora Nerea e as alumnas Ariadna e Ximena deleitáronnos cunha moi boa actuación musical que foi un bo colofón para este acto tan entrañable.

NOS PRÓXIMOS DÍAS SEGUIREMOS COLGANDO AS FOTOS DO ACTO!!!

Vídeo recordo de adultos 2024

Vídeo recordo 2º Bac Diurno 2024

Vídeo Discurso de Raquel Rodríguez

Vídeo Discurso Bac e Persoas Adultas.

Video Actuación Musical 1

Video Actuación Musical 2

Video Actuación Musical 3

Video Actuación Musical 4

Video Actuación Musical 5

 Vídeo Discurso do Director

Vídeo Discurso alumnado de 2º Bac Diúrno.

Álbum: Escolares -> 2024_5_23_3ª_AVA_GRADUACIÓN 2º BAC DIURNO, 2º BAC PERSOAS ADULTAS E ENSINANZA SECUNDARIA PERSOAS ADULTAS 2024

O xoves 16 de maio, os alumnos de 4º de ESO tiveron unha saída á Obra Social Abanca para ver a mostra fotográfica Nós tamén fomos emigrantes que documenta diferentes facianas da emigración galega e española. 

Así mesmo, os alumnos estiveron escoitando o  relato de tres persoas que viviron  a dureza da emigración en distintos momentos e a distintos lugares do mundo: Venezuela e Alemaña. 

A esta actividade, organizada por Vicedirección e o Dpto. de Xeografía e Historia, acompañáronos as súas profesoras Anuncia López, Nuria Mariño e Cristina Ouro.

O 16 de maio  de 2024, co gallo do Día das Letras Galegas, decidimos homenaxear a Luisa Villalta compartindo con todos os monfortinos e monfortinas os seus versos. 

Esta actividade, organizada polo EDLG en colaboración coa Biblioteca, o Dpto de Lingua Galega, e o Dpto. de Plástica pretende dar continuidade á iniciativa comezada o Día de Rosalía  cos poemas desta autora. 

Nos distintos carteis combínanse os poemas de Luisa Villalta cos códigos QR que dan acceso á música dalgunhas das súas cancións. 

Cómpre darlle ás grazas, polo seu  traballo,  ás profesoras Pilar López e Sara Porrit; así coma á alumna Nerea S. (1º BAC) polos retratos da autora. 

Co gallo do Día das Letras Galegas, o 14 de maio de 2024, fixemos unha exposición na entrada do IES Río Cabe. Esta actividade está organizada polo EDLG, en colaboración coa Biblioteca, o Dpto. de Lingua Galega e o Dpto. de Plástica 

Os alumnos de Expresión Artística de 4º da ESO e a súa profesora Silvia fixeron varios trípticos alusivos á lingua e un retrato da autora homenaxeada este ano, Luísa Villalta. 

Tamén escollimos  unha pequena mostra da exposición de poemas “Luísa Villalta percorre Monforte de Lemos”. 

E, por último, expuxemos algúns dos poemas presentados ao Concurso de microrrelatos Letras Galegas 2024, que se fallará o día da Foliada Literaria. 

Por segundo ano consecutivo o alumnado de 1º ESO do IES Río Cabe de Monforte e do IES Monte Castelo de Burela, levaron a cabo unha xornada de convivencia e coñecemento da cidade do Cabe e da Ribeira Sacra, o martes 21 de maio.

Foron en total 75 alumnos e alumnas os que estiveron percorrendo as terras de Lemos.

Ás 11:15 da mañá foron recibidos no salón de actos do IES Río Cabe, polo seu director e varios membros do equipo docente e ás 11:45 horas empezaron a desfrutar da visita a Monforte, que tiña inicialmente tres puntos de interese: visita á Torre da Homenaxe, ruta literaria por Monforte, para coñecer a Lois Pereiro e Manuel María para rematar coa visita á ponte romana e aos exteriores do convento das Clarisas.

Debido ás inclemencias do tempo, o alumnado voltou ao centro antes do previsto e puideron disfrutar antes e despois do xantar dunha serie de xogos cooperativos organizados polo departamento de Educación Física que fixeron as delicias dos rapaces.

Ás 16:00 colleron os autobuses para desprazarse ata o Mirador do Duque onde se deu por finalizada a xornada.

A actividade estivo organizada polos departamentos de Educación Física, Orientación, Xeografía e Histoira e Bioloxía e Xeoloxía.

Agradecer, un ano máis a predisposición do IES Monte Castelo para a realización deste intercambio, que se completará coa visita a Burela do noso alumnado o próximo 30 de maio

Álbum: Escolares -> 2024_5_21_3ª_AVA_Interc_Monforte_Burela

O luns, 20 de maio de 2024, saímos co alumnado de 3º e 4º de PDC a realizar distintas actividades con cabalos a Fiolleda. Foron acompañados pola Orientadora do centro, Marta Paredes.

Foi unha xornada diferente, ó aire libre en contacto coa natureza, xestionando e recoñecendo as emocións e superando medos cuns compañeiros de catro patas formibables; Vincios, Sara, Kitty, África, Terra  e Jackey, coa axuda de Candy, Iria, Mar e Suso. Unha experiencia brutal e formidable que, con gusto, repetiremos.

Álbum: Escolares -> 20_5_24_Educación Emocional con cabalos. 3º e 4º PDC. Finca El Carmen. Fiolleda.