IES de Melide

Con motivo da celebración do “Día Mundial do Teatro”, TEIROA, o grupo de teatro do IES de MELIDE, dirixido por Marga Quintela e Carmen Nieto, organizou no pasado mes de abril a semana do teatro na que puidemos comprobar as excelentes competencias artísticas do noso alumnado.

Con TEMPUS FUGIT alumnos e alumnas de 1º de ESO quixeron compartir as súa historias con nos, historias de outra época coas que se entende o seu presente.

O alumnado de 2º ESO-C presentounos unha historia diferente da CINCENTA, coa que debemos a aprender a ter personalidade para nos caer nas fauces do lobo.

Os mais veteranos, os de BAC, representáronnos dous lances de teatro: A MIÑA APOLOXÍA de Woody Allen e AQUÍ NON PAGA NINGUÉN¡ de Darío Fo.

“O mesmo é a nosa vida ca unha comedia; non se atende a se é longa, senón a se está ben representada. Conclúea onde queiras, con tal de que poñas un bo final.” Séneca

VIVA O TEATRO!...

María González  Vázquez (1º de BAC-B do IES de Melide) foi seleccionada como unha das mellores oradoras da competición. Na foto posa xunto ó resto de premiados e a deputada do Parlamento de Galicia Marisol Soneira.

Parabéns,

a Dirección do IES de Melide

Xa temos a nosa disposición o nº 20 desta revista que edita a Coordinadora Galega de Equipos de Normalización e Dinamización da Lingua Galega.

Ollos de aula. Nº 20 by cendl

Nicolás González Casares,-enfermeiro do servizo de urxencias da UVI móbil de Pontevedra-, está a impartir no noso centro sesións de primeiros auxilios ó alumnado de 4º ESO, de 1º Bacharelato , de 1º e 2º do Ciclo de Madeira,  do PCPI-1 e  ó profesorado.

De novo un ano máis o departamento de Física de Partículas da Universidade de Santiago de Compostela en colaboración coa Sociedade Europea de Física e o CERN (Organización Europea para a Investigación Nuclear), organizou unha xornada ou "Masterclass" de actividades relacionadas coa Física de Partículas destinada a estudantes de Bacharelato. Nesta nova edición participaron as 4 alumnas que cursan a asignatura de física en 2º de BAC acompañadas do profesor de física. A actividade consistiu na asistencia a dúas conferencias pola mañá e a realización dunha práctica con ordenadores sobre a detección de partículas nos experimentos que se levan a cabo no CERN. Unha vez rematada a práctica tivo lugar unha posta en común mediante videoconferencia con outros dous centros de investigación procedentes de Alemania e Polonia e nos que participaba tamén alumnado de Bac realizando a mesma experiencia.

Hoxe venres-7 de maio conmemoramos no noso IES o DÍA INTERNACIONAL DA MULLER TRABALLADORA.

EN COLABORACIÓN CO CONCELLO DE MELIDE TIVEMOS SESIÓNS DE CONTATOCONTOS PARA O ALUMNADO DA ESO

Teresa Grau López abordou en cada historia aspectos coeducativos esenciais para que o noso alumnado faga una profunda reflexión sobre como debe ser una convivencia en igualdade.

Resumo do acontecido o día 27 de febreiro no noso IES.

O pasado 18 de Febreiro Rocío Mellid Carballal e Cristina García Bande (de 1º de Bacharelato) e Adrián Mourazos Asorey e Lucía Pampín Sande (de 4º de ESO), acompañados polo profesor Xosé Luís Castro Blanco, representamos ó IES de MELIDE na 5ª Olimpíada de Xeoloxía (fase galega) celebrada en diversas localidades de Galicia. A proba acolleu arredor de 300 alumnos de 4º de ESO e 1º e 2º de Bacharelato, dos cales 50 fixeron a proba na Escola Politécnica Superior de Lugo.

A pesar dos grandes resultados acadados na proba, non foi posible pasar a fase estatal; as tres persoas que pasaron cursaban 2º de Bacharelato no I.E.S. Rosalía de Castro de Santiago.

Animamos a que no vindeiro ano máis alumnado do noso centro vaian representar a Melide e poidan gozar dunha xornada diferente.

O alumnado participante

Grazas polo voso esforzo e noraboa a todos/as…

A Dirección

O equipo que acudiu á 5ª edición do Parlamento Xove en representación do noso Instituto, non conseguiu pasar á final, a pesares dos seus brillantes resultados, reflectidos nunhas puntuacións equiparables ás dos equipos que si o fixeron.

Ademais, regresaron coa satisfacción de ter entre eles a mellor oradora desta edición,  María González Vázquez.

O resto dos componente do Equipo do IES de MELIDE foron: Uxía Ferreiro Vilariño, Pablo Vilasante González, Adrian Prieto de Dios, coordinados pola profesora María Dolores Vázquez García.

PROGRAMA