Escolares

Despois de moito tempo agardando que as condicións climatolóxicas mellorasen...o luns 9 de marzo o tempo estivo da nosa parte e puidemos facer a primeira saída ó río! Alumnado e profesorado de 1º de BAC das materias de Bioloxía e Xeoloxía e Física e Química, levamos as bolsas (con aproximadamente 1.5g de folla de amieiro no seu interior) xa preparadas e colocándolas nunha parte do río Martagona próxima ó instituto. Tras seleccionar certos puntos nesa zona do río que levasen menos corrente, colocamos nas árbores máis próximas a ditos puntos, cartaces informativos sobre o proxecto: quen está implicado, cal é o obxetivo, información sobre o coñecemento do proxecto e autorización de Augas de Galiza...

Paralelamente á colocación dos cartaces introducimos os 4 grupos de 4 bolsas no río. Cada un destes grupos de bolsas deberíase recoller cada 7 días para sacar as follas, secalas e finalmente determinar a variación de masa de folla para logo calcular a súa velocidade de descomposición. Esta velocidade de descomposición permite coñecer, en base a datos tabulados, a calidade da auga do río no que se fai a investigación.

Colocadas as bolsas, determinamos parámetros físicoquímicos e bioquímicos da auga do río Martagona como: pH, temperatura, osíxeno disolto, turbidez e presencia de bacterias coliformes. A análise dos mesmos parece amosar que estas augas teñen boa calidade!

Como cada ano por estas datas recibimos a visita do alumnado dos CIPS adscritos (Nº1, Martagona, Pastor Barral, Toques e Arcediago).

O alumnado que de 1º de ESO capitaneou un acto informativo de benvida no que se presentaron cuestións de interese relativas á nova etapa educativa que o alumnado iniciará en setembro. 

Despois dun percorrido polas instalacións do IES, o acto finalizou cunha representación teatral (monicreques e teatro negro) do alumnado de 4º de ESO que cursa a materia de artes escénicas. 

Vémonos en setembro!

O proxecto Erasmus + "El Camino de Europa: XACOBEO 2021, la multiculturalidad como oportunidad de desarrollo" no que participa no IES de Melide a través da súa liña do Plan de Formación Permanente do Profesorado, "Deseño de proxectos europeos erasmus+",  foi aprobado na convocatoria de 2019 publicada o pasado 4 de xuño e se desenvolverá ao longo do vindeiro curso académico. 

Este proxecto dotado cun orzamento de 28.704 € foi presentado dentro da modalidade Acción Clave 1 o que supón mobilidade do profesorado por motivos de aprendizaxe e do que se espera sexa un primeiro paso para posteriores programas extensivos ao alumnado do IES de Melide.

O conselleiro de Sanidade, Jesús Vázquez Almuiña, e a conselleira de Educación Carmen Pomar Tojo, presidiron hoxe o acto de entrega de premios do concurso educativo para a prevención do tabaquismo “Clases sen Fume”, que organiza a Consellería de Sanidade, a través da súa Dirección Xeral de Saúde Pública, en colaboración coa Consellería de Educación, Universidade e Ordenación Universitaria. Nesta edición 2018-2019 participaron un total de 2.028 escolares de 92 aulas procedentes de centros de toda Galicia. O principal obxectivo deste concurso educativo é evitar o inicio do consumo de tabaco nas mozas e mozos galegos. 
O bo facer do alumnado do alumnado de 1º ESO C do IES de Melide foi recompensado co 1º premio do concurso pola súa actividade creativa titulada “Que non che vendan a caixa”. 
O premio consiste nun campamento de 5 días para todo o alumnado da aula no complexo xuvenil de Gandario .

Parabens! para o alumnado de 1 ESO C e o seu profesorado.

O pasado venres 11 de abril o alumnado de 1º ESO cargou de alimentos saudables a súa mochila e participou no tradicional MaCRoaLMoRZo saudable.

Cun formato distendido e tendo en conta certas evidencias científicas, o alumnado tivo que defender cun discurso persoal o retrato do seu almorzo saudable e respostar a preguntas sobre o traballado nas diferentes materias. 

Presentación en iesaudemelide.es

O pasado sábado 16 de marzo, o alumnado que está a cursar a materia de Bioloxía de 2º de bacharelato visitou os laboratorios de Medicina Xenómica do Hospital Clínico de Santiago. Tiveron a honra de coñecer as instalacións da man do seu director, o Doutor Ángel Carracedo, catedrático de Medicina Legal e experto internacional en Xenética. O Dr. Carracedo ensinou ao noso alumnado moitas das técnicas e os aparellos que se empregan na actualidade para detección de enfermidades xenéticas: máquinas que permiten a secuenciación do xenoma humano, aparellos que permiten amplificar o ADN (PCR) para a súa posterior secuenciación, técnicas que permiten construír cariotipos humanos para a detección de mutacións cromosómicas, etc.

Sentímonos enormemente agradecidos por poder gozar desta enriquecedora xornada, a cal, sen dúbida, quedará por sempre no recordo de todos nós e estamos convencidas de que influirá na toma de decisións sobre o futuro profesional do noso alumnado.

No marco do Plan de Acción Titorial do IES de Melide, durante a mañá de hoxe, 15 de Marzo, tivemos a visita da AESLEME (Asociación pola Prevención de Accidentes de Tráfico e ONG de atención a vítimas de accidentes). Co obxectivo de concienciar e sensibilizar sobre unha conducción responsable; Juan, a través dun relato autobiografico, foi quen de transmitir ao alumnado de 4º da ESO e FP Básica (1º e 2º curso) as regras básicas da Educación Vial: uso do cínturón de seguridade, NON uso do móbil ao volante e o NON consumo de alcol e drogas antes de conducir. Moitas grazas á AESLEME e a Juan.

Onte a Facultade de Filosofía fíxose pequena con tanta mente maravillosa!!!...máis de 200 participantes na Olimpiada Filosófica de Galicia!!!!....e nos tamén estivemos ahí...o grupo de filósofos do IES de Melide, participando nas modalidades de dilema moral, curta de video e fotografía. Ademáis, como non, montamos o noso telderete, tatuamos  amor pola filosofía e agasallamos con pulseiras metafísicas a quen o quixera!!!!....E non nos chegaron a nada!!!

Grazas a Son Zeltia polo curre, adicación e amor co que organiza esta Olimpiada _ o caso é que fai 1000 cousas pero con ese ollar azul e limpo que ten  da a sensación que está sempre en modo zen!!!!!!

Hoxe día 30 de xaneiro conmemoramos "o día escolar da non violencia e da paz" cunha xuntanza durante o recreo  na entrada do centro. Alí, ao redor dun traballo feito polo alumnado no que se sinalan muros que se están a construír no mundo, limos un manifesto e cantamos a canción “ Fronteiras” de Gaudi Galego e da  que tomamos prestado o lema deste curso.

"Mentres tanto ti e máis eu

Mudamos fronteiras por pontes

Trazamos un novo mapa

Abrindo cancelas con flores"

...