IES de Melide

Comezamos co reparto de froita nos recreos. Esta primeira semana vai do 30 de novembro ao 4 de decembro.

“5 ao día iesvida”

5 ao día é o número mínimo de racións de froitas e hortalizas frescas que debemos consumir cada día se queremos manter unha dieta sa e equilibrada.

Por que 5 racións? http://www.5aldia.com

David Méndez Martínez, ex-alumno do IES de Melide, acada o segundo premio no Certame universitario ARQUÍMEDES 2015 de investigación científica (Área de Ciencias Experimentais Exactas e Ambientais).

David, que rematou co mellor expediente da súa promoción os estudos de Grao en Matemáticas no 2014, na Universidade de Santiago de Compostela, está a facer na actualidade a tese doutoral en Málaga.

Parabéns!

ACTIVIDADES NO IES MELIDE:

. Xornada de filocafé nas aulas co alumnado de 1º bac.

. Proxección de videos filosóficos elaborados polo alumnado de 1º bac.

. Proxección de partido de fútbol entre filósofos( Monthy Phyton).

. Campaña de carteis  para publicitar a filosofía e CALENDARIOS.

Intervención polas aulas de 3º, 4º ESO e 1º E 2º bac do grupo Teiroa " A ACADEMIA DE PLATÓN".

INVITAMOSVOS A BOTARLLE UNHA OLLADA Ó VÍDEO.

FELIZ DÍA DA FILOSOFÍA!!!!!

O VI Curso de formación sobre o patrimonio lúdico, centrado na relación do xogo tradicional coa literatura oral e coa música, celebrouse a fin de semana do 13 e 14 de novembro en Santiago.

Nel participaron medio cento de educadores e educadoras procedentes de toda Galicia, que desenvolveron un total de cinco sesións prácticas de aprendizaxe de xogos e de análise de estratexias para integrar o patrimonio lúdico no currículo. No programa do Curso houbo tempo tamén para a reflexión teórica, suxerida polo investigador portugués João Amado, e polos galegos Antón Cortizas e César Camoira, filólogo melidao este último.

O Curso forma parte dos proxectos de colaboración permanentes existentes entre o IES de Melide e a Asociación Galega do Xogo Popular e Tradicional, entidade promotora do mesmo. A Biblioteca do centro, por exemplo, conta no seu catálogo cos fondos documentais e bibliográficos da AGXPT.

Concluído o control de Avaliación do Informe Final, relativo ao Convenio de subvención de referencia, enviado pola súa institución ao finalizar a actividade referida ao seu proxecto de Asociacións Leonardo dá Vinci,  comunícolle que a avaliación xeral do informe foi calificada como: MOI BO TRABALLO.

Servicio Español para la Internalización de la educación

https://woodergy.wordpress.com

Por outra banda, o Ciclo de Madeira do IES de Melide recibe un TRADE DE COLUMNA CON MORDAZA . Maquina que forma parte do equipamento solicitado á XUNTA no curso 2014/15.

Logo do Día da Biblioteca adicado a "Alicia no país das marabillas", o noso centro se prepara para vivir "unha semana terrorífica":

1- Concurso de cabazas organizado polo Departamento de Debuxo do centro.

2- Concurso de "relatos terrorificos" relacionados co Samaín.

O Departamento de lingua galega, o Equipo de Dinamización e a biblioteca do IES Melide convoca dende hoxe ata o vindeiro 13 de novembro un certame literario.

Se establecen 3 categorías:

    1. Categoría Meigallo: para alumnos de 1º e 2º Eso

    2. Categoría Pocion: para alumnos de 3º e 4.

    3. Categoría Santa Compaña: alumnado de Bac.

Haberá un premio por categoría.

3- Decoracion das portas das aulas na Eso.

FELIZZZZZ SAMAÍN  A TOD@S. 

Non alleos ó movemento de innovación pedagóxica, estamos a impulsar un traballo por proxectos transversais baseados nas competencias claves baixo liderados compartidos co alumnado  e utilizando metodoloxías  colaborativas facilitadas por un uso creativo, pedagóxico e interactivo das TIC.

Co nome de eNPRoXeCTo queremos desenvolver aprendizaxes nas que despreguemos o conxunto integrado de contidos, destrezas e actitudes (dimensións da competencia), poñéndoas ó servizo da resolución eficaz dunha situación "problemática".

Obxectivos

-Analizar os currículos buscando coincidencias que permitan o traballo por proxectos transversais e interdepartamentais (profesorado) e  intergrupal (alumnado) cun cambio real na metodoloxía de aula, traballo por competencias clave.

-Avanzar rumbo unha perspectiva curricular da atención á diversidade, buscando solución de aprendizaxe baseadas nas modificacións a nivel contextual, buscando a máxima inclusión posible.

-Coñecer o funcionamento básico das TIC e as súas posibilidades pedagóxicas, interactivas e creativas dentro e fóra da aula. Estudar e analizar as posibilidades que teñen como ferramenta colaborativa e integradora do alumnado con NEE.  

Departamento de Madeira. IES de Melide     

Proxecto Leonardo de Asociacións da Unión Europea

“A  construción  en  madeira e a eficiencia enerxética  da  bioconstrución”

https://woodergy.wordpress.com

Colaboración do Departamento de Inglés

No IES de Melide estamos a traballar de maneira interdisciplinar para que coides a túa saúde. Farás cálculos, mellorarás o teu “vocabulary”, suarás a camiseta… Pero sobre todo, terás moitos motivos para facer unha vida saudable.

Enlace: http://www.iesaudemelide.es