O avión retrasárase case dúas horas.  A información que proporcionaban os aeroportos a través das suas páxinas web non estaba moi actualizada.  As noticias que se sucedían eses días sobre o accidente nos Alpes introducían un plus de tensión na espera. As condicións meteorolóxicas do xoves en A Coruña facían temer aprazamento do vó ou desvío cara a Santiago....

     Pero, ao fin, os 58 alumnos e 4 profesores( José Antonio Varela, Chus Suárez, Elvira Charlín e Massiel Vera) participantes na viaxe a Londres arribaron  ao aeroporto de A Coruña.

      Nos seus rostros o cansazo dun longo día de viaxes e esperas  que seguían a uns intensos e frios días londinenses visitando museos ( British, Museo de Londres, National Gallery, Museo de Ciencias Naturales, Museo de Ciencias )e lugares importantes como o Teatro de Shakespeare ( The Globe ), Greenwich e asistindo a un Musical.

Non temos nesta redacción moitas noticias sobre as andanzas dos nosos viaxeiros de 4º da ESO en Londres. Pero imos coñecendo :

Que o frío está a ser protagonista da viaxe 

Que se van cumplindo, sin problemas, visitas clave da viaxe:

• Os museos da Tate Modern, British Museum e a National Gallery; 
• Os clásicos paseos por zonas comerciais ou axardinadas: Camdem, Birdcage Walk, Picadilly Circus, Oxford Street, Millenium Bridge...
• Imprescindibles como o cambio de garda en Buckingham Palace, as visitas a Westminster e ao "shakespeariano" Globe Theatre. O vó na noria do London Eye do que nos chega a imaxe que encabeza esta noticia na nosa web.

O martes pasamos xa o ecuador da viaxe...ou mellor, o meridiano. Porque toca  unha esperada visita  ao Royal Observatory de Greenwich ...e moito máis: Museum of London, Museum of Docklands Tower bridge...

O martes 10 de marzo dous grupos de 4º da ESO completaron o Taller de Prevención de Drogodependencias entre Adolescentes  en colaboración coa Fundación Barrié e a Unidade Terapeutica Educativa do Centro Penitenciario de Teixeiro.

Se o programa comezou cunha visita dos internos ao noso Instituto o pasado 3 de marzo, agora tocaba devolver a visita. Desprazámonos ata Teixeiro,  case ao completo, o alumnado de ESO 4º B e D.

Impresionante a entrada, as medidas de seguridade, as concertinas no alto dos altos muros...pero tamén instalacións coidadas (lonxe dos tópicos da pelis' americanas): limpeza, impresionantes murais deseñados polos propios internos, xardíns coidados por eles...

O modulo da UTE presidido por un busto en madeira de Concepción Arenal ( a pioneira ferrolana que cambiou diametralmente o modo de ver e tratar á poboación reclusa). Recíbennos cun agasallo. Unha preciosa pulseira de coiro elaborada por eles na que se pode ler  o lema do programa: DI  K NON

  Alí un dos internos explícanos as instalacións e o funcionamento das mesmas: comedor, taboleiro de imposicións, economato...

De seguido, unha das experiencias máis impactantes. Visitamos as celas e pasamos nelas quince minutos  observando, traballando e reflexionando. Para continuar, grupos de traballo que mesturan internos, titores da UTE e alumnado do Aguiar. O tema: as drogas. A novidade respecto doutros tratamentos do tema: o espazo e os protagonistas en primeira persona.

E como agasallo final dos internos interpretan dúas cancións que nos emocionan (novamente espazo e protagonistas)

 Primeiro a  canción "No Dudaría"  de Antonio Flores
                  Si pudiera olvidar todo aquello que fui. Si pudiera borrar todo lo que yo vi.
               No dudaría, no dudaría en volver a reír

                    (...)

E como remate, o que eles chaman o himno da UTE unha canción que nos fixo pensar e que leva por título "Historias de Calle"

¿Por qué será, por qué será?

Retorno ao Insti para chegar á última clase da mañá cos corazóns repletos de vivencias e experiencias.

Só resta  agradecer de corazón aos internos e aos titores e titoras da UTE o seu esforzo e traballo.

Por fín, xa están todos agrupados. Debuxos orixinais ou debuxos copiados (algún calcado ). Debuxos máis traballados ou menos, imaxinativos ou realistas, sempre persoais e feitos con moito esforzo co programa de software libre inkscape. Agardamos que os gusten.

O martes 3 de marzo o IES Francisco Aguiar participa por primeira vez no programa "Di K Non" - Obradoiros para a prevención do consumo de drogas en adolescentes

Estes obradoiros están conducidos polos internos e o equipo da Unidade Terapéutica do centro penitenciario de Teixeiro (A Coruña), en colaboración coa Fundación Barrié, para previr o consumo de drogas entre adolescentes. 

Di K Non diríxese especialmente a alumnos de educación secundaria, bacharelato e ciclos formativos por ser un grupo de risco e a idade de inicio do consumo de drogas.

Algunhas das persoas que están na UTE de Teixeiro comezaron, nesta idade, a delinquir como consecuencia do consumo de drogas e, agora, logo dun proceso de rehabilitación, queren transmitir a súa experiencia e información aos adolescentes para sensibilizalos/as e proporcionarlles instrumentos para evitar situacións de risco e consumo.

O obradoiro desenvólvese en dúas partes: a primeira delas, o 3 de marzo,  realízase no centro escolar con todo o alumnado de 4º da ESO. A segunda, o vindeiro 10 de marzo,  celebrarase no centro penitenciario de Teixeiro coa participación de dous grupos de dito curso.

O obradoiro desenvólvese dun modo bidireccional: os internos teñen a oportunidade de contribuír á prevención dun problema que teñen padecido e á comunidade educativa ofréceselle un proxecto innovador apoiado polos profesionais do equipo multidisciplinar da UTE Teixeiro.

Dende a materia de Informática en 4º de ESO, quixemos sumarnos a tódalas iniciativas do instituto para a celebración do 30 de Xaneiro Día escolar da paz e da non violencia con debuxos feitos no programa de software libre Inkscape que estamos a traballar. Nótase que estamos comezando pero tamén se nota que os noso alumnado ten moito talento. Agardamos que vos gusten.

O 21 de xaneiro, ás 12,35 h. Os alumnos e alumnas de 4º ESO B terán a oportunidade de manter unha, estamos seguros, estimulante charla coa escritora Marta Sanz.

Trátase dunha iniciativa do Departamento de Lengua Castellana y Literatura,  impulsada polo profesor Francisco Rodríguez Coloma,  que completa así o traballo na aula sobre unha das novelas desta autora, e polo Centro de Formación e Recursos de A Coruña a través do noso asesor para a formación do profesorado, Javier Pintor.

Algo deste traballo, os alumnos coma críticos literarios.

La estructura de esta obra está bien calibrada. Tras el primer Black, aparece esa segunda parte en la que se suspende la intriga; por ello el lector ha de preguntarse por el sentido de esa interferencia.

Chegou aos nosos oídos...a actuación de Emilio (Stacy) alumno de 4º da ESO no Aguiar na Iª Velada de Radioteatro Amateur que impulsan e organizan os amigos do Laboratorio de Radio ( Sergio Pascual e a nosa ex,  Lucía Abarrategui).

Velai "Subconscious"

Como ben dixo Francisco Erre, ¡que alguén lle grave unha maqueta!

O 28 de novembro vén de publicarse a resolución definitiva dos centros participantes no Plan Proxecta da Xunta de Galicia .

No IES Francisco Aguiar confirmouse a nosa participación en tres destes plans:;

1.- Continuando cunha liña formativa de hai bastantes anos participaremos co alumnado de 3º da ESO no programa Quérote + dentro do Ciclo Vida Adolescente. Este ano trataranse temas arredor do núcleo: "Socializándonos" (Convivencia, uso responsable das TIC's, e fenómeno do botellón)  

2.- Animados por Mª José Doporto, responsable do Espazo Xove de Betanzos, e coa colaboración de Amparo Mejuto, do noso Departamento de Orientación, catro alumnas de 1º BAC participan nun proxecto, "correspondentes 3.0" , que trata de levar información de interés xuvenil á beira dos mesmos xóvenes no noso Instituto: taboleiros de anuncios, actividades, información xuvenil, ofertas formativas.

3.- Aproveitando tamén o traballo iniciado o ano pasado co concurso "Betanzos en Detalle", José Manuel Rey Bao profesor de Educación Plástica e Visual, coordina  ao alumnado de 4º da ESO no proxecto "Fotografía en curso". Quere ser esta actuación un achegamento ao mundo da fotografía e ás súas virtualidades estéticas e de formación dunha cidadanía crítica , dende unha actividade esencialmente práctica.

O pasado 1 de decembro o alumnado de 4º da ESO  participou nun Obradoiro de Danza Moderna e puido asistir á actuación do grupo "Catro no Metro" .

 Versión con música libre. Freepublik, "First Love"