Achégase a presentación utilizada na reunión informativa de esta tarde sobre a viaxe a Grecia. Recordamos que a data tope para anotarse, entregando o documento de condicións e normas asinado por proxenitores e alumno/a, é o venres 15 de novembro ás 11:45 en Vicedirección ou ao profesor Francisco Calaza.

Reunión informativa para as familias do alumnado do IES Francisco Aguiar matriculado en 1º de BAC sobre a viaxe a Grecia que organiza o departamento de grego.

Nun mundo globalizado, e no que os avances científicos son constantes, é importante ter mecanismos para crear novos termos que sexan duradeiros no tempo. Por iso, acudimos ao léxico do grego clásico. O alumnado de Fundamentos Léxico xogou a crear novos termos que ben poderían xurdir nun futuro.

25 alumnos e alumnas de Bacharelato participan nunha visita cultural a Grecia, onde percorren Atenas, Delfos, a acrópole de Micenas, o teatro de Epidauro...

O alumnado de Fundamentos Léxicos de 1º de Bacharelato realizou un traballo analizando os nomes das plantas dos parques de Betanzos.

Este proxecto é unha colaboración do Departamento de Grego e o Departamento de Bioloxía.

A profesora titular de universidade Teresa Amado impartirá un obradoiro de cerámica micénica ao alumnado de Cultura Clásica de 3º e 4º de ESO.

O alumnado de Fundamentos Léxicos de 1º de Bacharelato realizou un traballo analizando a etimoloxía do léxico da anatomía.

Este proxecto é unha colaboración do Departamento de Grego e o Departamento de Bioloxía coa esperanza de que sexa o primeiro de moitos.

O 30 de marzo dábamos conta da seguinte noticia: a alumna de 2º de BAC Sofía Veiga García resultaba ser a gañadora na fase autonómica do Consurso Parnaso de tradución do grego. 

Poucos días antes da visita a Betanzos de Theodor Kallifatides recibimos, con xúbilo, a notificación de que o seu traballo mereceu a segunda posición a nivel nacional.

Na secuencia de fotografías que hoxe publicamos aparecen Sofía e o seu profesor, Francisco Calaza, e Sofía e Theodor Kallifatides.

Nas mans de Sofía un exemplar de Timandra, a última novela, adicada por Theodor Kallifatides con todo o afecto, rebosante de humanidade,  que transmite este exemplar e venerable intelectual humanista.

Non atopamos mellor agasallo para Sofía que unha nova inxección de estímulo intelectual.

Parabéns a Sofía e a nosa felicitación a Francisco Calaza polo seu traballo.

   O pasado venres 25 de marzo a nosa alumna Sofía Veiga García asistiu á Facultade e Filoloxía da Universidade de Santiago para participar na proba de grego Parnaso. A alumna tivo por diante tres horas para traducir un texto de Claudio Eliano, autor que viviu entre os séculos II e II d.C., e responder a varias cuestións sobre morfoloxía, sintaxe e o xénero literario. Así mesmo tivo que poñer en valor e relacionar un texto clásico cos valores da vida actual.

   Despois de levar xa un tempo preparando a proba co seu profesor Francisco Calaza, os esforzos deron os seus froitos: O martes 29 de marzo recibimos a comunicación da súa victoria na fase de Galicia, o que significa que o seu exercicio pasa a competir na fase estatal. 

   Participar e tan prestixiosa proba xa é un logro, pero gañar esta fase é un gran recoñecemento para Sofía e gran satisfacción para o seu profesor.

O xornal o Ideal Gallego fíxose eco da noticia na súa versión dixital e en papel. Podes acceder á noticia aquí.

   Parabéns, Sofía!

SEEC GALICIA