Durante unha semana, 12 alumn@s italianos de Colle di Val d'Elsa conviviron con 15 estudantes do noso IES no marco dun intercambio escolar.

Hoxe foi o día do "Ci vediamo presto!" no aeroporto, xa que en menos dun mes serán os galegos os que visiten a Toscana para aprender do seu sistema educativo, da súa cultura e da súa arte.

Ata entón, poderemos gozar dos recordos resumidos neste pequeno álbum de fotos.

Álbum: / Curso 2023-2024 -> Intercambio Italia 23-24

O 12 de febreiro saíu publicada no Diario Oficial de Galicia a convocatoria de Axudas para a realización de actividades de formación en linguas estranxeiras no ano 2024, destinadas a alumnado matriculado en 1º ou 2º de Bacharelato.

O prazo para a presentación de solicitudes será dun mes, contado a partir do día seguinte ao da publicación desta orde no Diario Oficial de Galicia.

Un ano máis, o departamento de inglés e as seccións bilingües organizan unha VIAXE CULTURAL A LONDRES, que se desenvolverá en setembro-outubro de 2024 e estará destinada ao alumnado que nese momento estea matriculado en 4º da ESO.

Poden acceder á presentación amosada e á documentación entregada nesa reunión nos arquivos que se achegan.

Recordamos que o prazo de reserva remata o 20 de febreiro, e que é preciso facer o ingreso do primeiro pago (300€) e entregar o documento de condicións/protocolo de conduta debidamente asinado para que sexa efectiva.

O Departamento de inglés organiza unha función teatral para o alumnado de 2º e 4º da ESO, a cargo da compañía Moving On.

O alumnado de 1º da ESO foi ao Teatro Alfonsetti a ver unha película en inglés subtitulada en español. A actividade, organizada polo departamento de inglés, tenta poñer en valor este tipo de visionado, xa que é unha maneira sinxela de afacer o oído aos sons estranxeiros e aprender vocabulario.

Rematado o prazo de presentación, estes son os mellores traballos do alumnado de 2º da ESO.

Clica na imaxe para acceder ao álbum

Recordamos que debían escoller unha frase dun libro en inglés, facer un debuxo alusivo e incluír un código QR que dirixise a unha música inspirada en todo o anterior.

Parabéns aos seleccionados! Os gañadores (e os premios) coñeceranse na Festa de Nadal.

Vintecinco alumnos de 2º da ESO participan na Digital Week, unha iniciativa da consellería na que, durante unha semana, gozarán de actividades relacionadas co mundo dixital nunha contorna de inmersión en inglés.

Dez estudantes de 3º da ESO do IES Francisco Aguiar participaron ao longo deste curso, e xunto con outros 118 rapaces e rapazas de Alemaña, Turquía e España (Andalucía), nun proxecto europeo eTwinning chamado “A Collection of Short Stories in English”.

Dirixidos pola súa profesora de inglés, Laura Rodríguez Manso, escribiron pequenos contos en inglés de xeito colaborativo en grupos mixtos internacionais.

O resultado foron 21 historias que foron publicadas nun eBook As tres mellores, votadas por todo o profesorado participante, tamén se poden desfrutar en audio.