Extraescolares

Alumnado de 2º ESO en Asturias e Cantabria

Mar, 23/04/2019 - 20:47 — IES de Valga

Alumnado de 2º ESO do noso Centro e do CPI de Pontecesures realizan dende hoxe 23 de abril e ata o venres 26 de abril unha viaxe de estudos polo norte peninsular. Visitarán diversos lugares de Asturias, como Cangas de Onís ou Covadonga e tamén de Cantabria, caso de Santillana do Mar, Potes, Fuente Dé ou Cabárceno. Están acompañados por profesorado de ámbolosdous centros.

Alumnado de 2º ESO en Asturias e Cantabria

Dom, 07/05/2017 - 21:21 — IES de Valga

Alumnado de 2º ESO do noso Centro e do CPI de Pontecesures realizou do 24 ao 27 de abril unha viaxe de estudos polo norte peninsular. Visitaron, entre outros lugares, a praia das Catedrais en Ribadeo; Cudillero, Covadonga e Xixón en Asturias; Santillana do Mar, Potes, Fuente Dé e Cabárceno en Cantabria.

Leer máis

Mercado de sobremesas no noso Centro

Lun, 30/01/2017 - 19:07 — IES de Valga

Nas próximas semanas, e durante os recreos dos luns e venres, haberá un mercado de sobremesas no Instituto, co obxecto de acadar fondos para a viaxe de estudos a Cantabria de 2º da ESO. Ao lado destas liñas, o impresionante cartel deseñado pola artista María Rosendo Castiñeiras, alumna de 2ºESOA, para anunciar o evento.

Viaxe de estudos a Londres

Mar, 28/06/2016 - 15:31 — IES de Valga

Alumnado de 3º e 4º da ESO e de FP Básica do noso Centro realizou entre o 21 e o 25 de xuño unha viaxe de estudos á cidade de Londres, acompañado das profesoras Mª France Mayán e Aurora Vázquez. Foi unha viaxe de estudos organizada pola profesora de Inglés, Mª France Mayán. Tiveron a oportunidade de percorrer as rúas, prazas e parques máis importantes da cidade, visitar o British museum e o museo de Historia Natural, coñecer o funcionamento do metro, viaxar polo Támesis e ata contemplar unha impresionante panorámica dende a London Eye, sempre acompañados por un guía nativo. Á inmersión lingüística e cultural engadiuse a política, porque os rapaces coincidiron co Referendum do Brexit, un tema máis sobre o que falar coas familias que os acolleron no barrio residencial de Ealing.

Leer máis

Alumnado de 1º e 2º ESO visita diferentes espazos da provincia de Lugo

Mér, 04/05/2016 - 11:06 — IES de Valga

O luns 2 de maio, o alumnado de 1º e 2º ESO realizou unha visita a deiferentes espazos da provincia de Lugo. Pola mañán estiveron no castro de Viladonga no concello de Meira; ao mediodía pararon na cidade de Lugo e, pola tarde, no concello de Outeiro de Rei. Alí fixeron unha visita guiada á Casa museo de Manuel María. Nese mesmo concello tamén tiveron a oportunidade de coñecer a área recreativa de Santa Isabel, á beira do río Miño, un espazo dentro da reserva da biosfera Terras do Miño. Finalizou a súa saída no cemiterio onde está enterrado Manuel María, para ofercelle unha pequena homenaxe, entoando unha das súas composicións poéticas: “O carro”. Picando aquí podes ver o vídeo. A actividade foi organizada polos departamentos de Xeografía e Historia, Dinamización Lingüística e Lingua e Literatura Galega.