2018/19

Excursión ao norte de Portugal

Mér, 10/04/2019 - 11:37

Un grupo de alumnos e alumnas do IES Arcebispo Xelmírez II, acompañados polos profesores Manuel Amor e Carlos A. Lebredo, e outros dous grupos do IES n.º1 de A Estrada e do IES Antón Losada Diéguez de A Estrada, realizaron unha viaxe polo norte de Portugal durante os días 28 e 29 de marzo.

Xoves 28: Visita á cidade de Porto: Estação de São Bento, Sé-Catedral, Río Douro, Vila Nova de Gaia, Livraria Lello&Irmão e rúas comerciais.

Venres 29: Cidade de Guimarães (Castelo, Paço dos Duques de Bragança e cidade antiga), Viana do Castelo e Miradoiro de Santa Luzia.

Cozinham bem o bacalhau, pá

Viaxe ao norte de Portugal

Pódense ver fotos na seguinte ligazón Fotos

Preparación cultivos

Mér, 10/04/2019 - 11:25

Na matería de Bioloxía no Bacharelato STEM aproveitamos a sesión do día 14 de marzo para adicala aos microorganismos.

Os alumnos realizaron medios de cultivo, para posteriormente facer cultivos bacterianos.

Tamén observamos fermentos ao microscopio e fixemos cultivos deles.

Aproveitamos para observar platihelmintos de vida libre, a Planaria.

Preparación de cultivos

Viaxe a Provenza (Francia)

Lun, 08/04/2019 - 22:25

Alumnado do noso centro xunto co do IES n.º 1 de Ordes está realizando unha viaxe cultural por esta preciosa rexión francesa.

A súa andaina comezou o día 5 en Carcassone continuando por Montpellier, tamén visitaron Nîmes, Arles, Avignon e Orange

Carcassonne

Monrpellier

Montpellier

Orange

Despois de visitar La Camargue, Aix-en-Provence, rematamos a nosa viaxe en Marseille

Marseille

Intercambio con Moscova

Lun, 08/04/2019 - 19:15

Estudantes de 4.º de ESO están realizando un intercambio con estudantes do colexio Miguel Hernández, de Moscova, visitaron esta cidade entre os días 1 e 8 de abril acompañados polos profesores Manuel Amor e Amancio Pampín , posteriormente o alumnado deste centro moscovita devolveralles a visita e realizará unha viaxe a Santiago de Compostela.

Moscova

Pódense ver fotos na seguinte ligazón Fotos

Realizaron as seguintes actividades de grupo:

Ler máis

Conferencia de Marcelino Agís

Mér, 03/04/2019 - 18:26

Conferencia de Marcelino Agís

Ler máis

Feminismo pacifista: Exposición 100 anos WILFP. Encontro con Carmen Durán

Mér, 03/04/2019 - 13:23

Dende a semana pasada temos no vestíbulo do centro a exposición "100 anos WILFP", unha mostra de 40 paneis que percorren os principais momentos e accións que a Liga Internacional de Mulleres pola Paz e a Liberdade realizou en todo o mundo nos seus 100 anos de historia. WILFP é unha ONG internacional con seccións nacionais en todos os continentes. Carmen Durán, unha das fundadoras da sección española de WILFP, veu ter un encontro co noso alumnado, para contarlles como mulleres de todo o mundo que participan en movementos pola paz, están cambiando de distintas formas as nosas sociedades. É un feito de experiencia que a probabilidade de que un acordo de paz sexa duradeiro, aumentan se participan nel as mulleres. Vamos, que a paz é cousa de mulleres...

Feminismo pacifista

Pódense ver fotos na seguinte ligazón Fotos

Viaxe a Moscova

Mar, 02/04/2019 - 15:36

Viaxe a Moscú

SANTIAGO / LA VOZ 02/04/2019 05:00 H

Doce estudantes de cuarto de ESO e dous docentes do IES Xelmírez II partiron onte para realizar un intercambio co colexio bilingüe Miguel Hernández, de Moscova. Regresan a próxima semana. Do 27 de abril ao 7 de maio está previsto que un grupo do colexio ruso lles devolva a visita e veñan a Santiago, onde terán unha recepción no Concello o 2 de maio, entre outras actividades. Na programación do Xelmírez II destaca hoxe un encontro do seu alumnado co decano de Filosofía, Marcelino Agís.

Ler a nova en La Voz de Galicia

Charla de Marcelino Agís (Decano de Filosofía). A filosofía moderna como nunca cha contaron

Lun, 01/04/2019 - 19:00

Din que a Filosofía é un saber de minorías, pero o caso é que o pensamento é o que nos iguala e nos fai auténticamente humanos (e tamén auténticamente libres). Esta convicción que compartimos con Marcelino Agís é o que animou ao actual Decano de Filosofía a escribir unha Historia da Filosofía peculiar, contada doutro xeito, "como nunca cha contaron", e a nós a convidalo para que nos axude a achegarlle ao noso alumnado o legado, nesta ocasión, dos filósofos da modernidade. Porque queremos que a Filosofia sexa un saber de maiorías e reivindicamos o dereito á Filosofía.

Marcelino Agís

Pódense ver fotos na seguinte ligazón Fotos

Charla coloquio sobre novos machismos

Lun, 01/04/2019 - 13:00

Os días 11 de marzo e 1 de abril o sociólogo e profesor da facultade de ciencias da educación da USC Jorge García Marín impartiu unha charla-coloquio sobre novos machismos aos alumnos de 3.º e 4.º de ESO .

Novos machismos

Este profesor é un dos grandes coñecedores e investigadores sobre este campo e autor de varios artigos sobre este tema.

Os obxectivos da charla eran reflexionar sobre:

Ler máis

Obradoiro de cerámica na aula

Lun, 01/04/2019 - 11:34

O alumnado de 1.º ESO ralizou un obradoiro de cerámica na aula durante o mes de marzo

Pódense ver fotos na seguinte ligazón Fotos

I.

Visita á fábrica de FINSA do alumnado de Tecnoloxía Industrial I

Mér, 27/03/2019 - 13:52

O pasado 27 de Marzo o alumnado de Tecnoloxía Industrial I visitou ás instalacións de FINSA en Santiago para coñecer os procesos industriais desenvolvidos na planta.

Falando con Zósimo López Pena sobre "Publicidade e motivacións".

Mar, 26/03/2019 - 18:49

O pasado 26 de marzo, na aula de Filosofía contamos cun profesor convidado, Zósimo López Pena, da Universidad Internacional de la Rioja. O profesor López Pena participou nunha sesión interactiva co alumnado sobre o tema "Publicidade e motivacións", para reforzar o traballado na aula, ao destacar a influencia que a linguaxe publicitaria exerce sobre as nosas condutas e expectativas.

O Club de Lectura vai ao cine

Dom, 24/03/2019 - 10:41

Alumnos e alumnas disfrutan dunha adaptación dun manga en Cinesa As Cancelas.

2 adxuntos

Club de lectura

Xov, 21/03/2019 - 16:53

A xente dos clubs de lectura disfruta dunha adaptación do Manga nos cines As Cancelas. De 1º de ESO a 1º de Bacharelato convivindo.

As Tanxugueiras connosco

Xov, 21/03/2019 - 16:30

Un dos grupos máis relevantes da música galega contemporánea confórmano tres mozas que se fan chamar Tanxugueiras. Recentemente gañadoras do premio Arritmar e do Premio MIN ao mellor álbum de música galega, pasaron parte da mañá do 21 connosco. Só tedes que ver o vídeo para decatarvos de que o pasamos moi ben con elas, bailamos, cantamos, rimos e recibimos moi boas recomendacións. Moitas grazas a elas e á Fundación Paideia. Un luxo.