Educación Física

Rematamos o curso da mesma forma que as comezamos: realizando as probas físicas previstas no Plan DAFIS.

O primeiro paso da actividade foi amosar a composición das distintas probas, explicando o modo de levalas a cabo. Esto foi debido a que o plantexamento de esta primeira parte foi que o alumnado realizara un traballo autónomo á hora de levar a cabo as probas e a toma dos resultados. Polo que, para levar a cabo o rol de controlador/ anotador das probas, debían ter uns coñecementos mínimos. Para esta actividade non contamos co material propio do plan, polo que tivemos que adaptar cos recursos do departamento. En este trimestre, levamos a cabo as probas de composición corporal e todas as probas físicas, a excepción da proba de forza de prensión manual.

Debido a que o obxectivo foi que o alumnado realizara un traballo autónomo, non consideramos subir os datos acadados nas probas á plataforma DAFIS, xa que entendemos que podía existir algún erro de control e medición nas marcas. 

Repetimos as probas de novo no terceiro trimestre, unha vez recibido o material de préstamo o día 10 de abril. As probas foron realizadas a todo o alumnado de 3º e 4º ESO, e 1º de bacharelato. Ademais, subimos á plataforma os datos de aquel alumnado que dou o consentimento. Debido á necesidade de completar todas as UD sinaladas na programación, e dependendo do curso, realizáronse unha parte significativa das probas, sen completar a totalidade de elas en ningún nivel. 

A plataforma DAFIS permítenos comparar a condición física do alumnado, co conxunto de rapazas e rapaces da súa mesma idade de toda Galicia. Esto permite a obtención de información valiosa para as familias, mediante a cal poden monitorizar e coñecer a evolución da condición física das súas fillas e fillos. Con estes datos, que son entregados ás familias a través de un informe xerado na propia plataforma, teñen un punto de partida para elaborar un plan de actividade física saudable baseado nas necesidades específicas individuais do alumnado. 

Esta actividade foi organizada durante o segundo trimestre, e levada a cabo o 16 de abril.

Cada grupo de 1º bacharelato (A, B, C e D) tivo que organizar, planificar e levar a cabo unha actividade para o resto de niveis da ESO. De esta forma, un grupo de bacharelato tivo que facerse cargo e dinamizar a actividade para os seus compañeiros de 1º, 2º, 3º e 4º da ESO.

O primeiro paso foi escoller, de acordo ás opcións seleccionadas polo profesor, un contido e un espazo para levalo a cabo. De esta forma, comezamos a planificar os primeiros aspectos da nosa actividade, en base ós espazos e materiais que teríamos que usar. Exemplificamos os contidos e espazos a utilizar na seguinte imaxe.

Unha vez definida esta primeira parte, outorgamos os grupos dos que serían responsables. Segundo o nivel, o reparto foi de 15/20 alumnos para cada equipo de 5 "profes" dos grupos de bacharelato.

Posteriormente, utilizamos dúas clases para probar e practicar a actividade escollida. Comprobar materiais, optimizar os roles e a organización durante a xornada, valorar o número de xogadores idóneo para o espazo dispoñible... E, por suposto, xogar para ter un coñecemento do que se encontrarían os seus alumnos.

Unha vez decidido esto, presentamos un cartel por cada aula da ESO, donde figuraban os xogos e deportes dispoñibles para que o alumnado se fora anotando a aqueles do seu interese. Aportamos un exemplo de un de estes carteis.

Simultáneamente, fomos definindo os aspectos formais da nosa actividade. Esto quedou recollido en un documento ou memoria, aportada polo profesorado de EF, que todos os grupos debían cubrir e entregar a través da aula virtual.

No documento, o alumnado tivo que aportar:

- Nome dos compoñentes, denominación da actividade e zona da actividade.

- Descrición da actividade.

- Dinámica, normas e medidas de seguridade da actividade.

- Organización e roles a cumplir polos "profes" en cada parte da sesión: recepción de participantes, preparación/recollida do material, explicación dos xogos, realización do quecemento e a volta a calma.

- Unha reflexión individual, unha vez finalizada a actividade, de todo o proceso.

- Anexos con materias xerados para a actividade (cadros de competición, cartelería, normas, tarxetas para utilizar no xogo...).

Para esta parte do proceso, tivemos dúas clases na aula de informática, donde tamén xeramos todo tipo de documentos anexos, como cartelería, normas, cartas e elementos visuais para utilizar durante os xogos, cadros de competición...

Finalmente, chegou o día 16 de abril e levamos a cabo a actividade. Cada nivel de ESO foi saíndo durante unha hora, acompañado polo grupo de bacharelato asignado, para levar a cabo a actividade. Presentamos algún dos anexos e materiais utilizados polos grupos.

Ó longo do primeiro trimestre, o alumnado desenvolveu e puxo en práctica as súas rutinas de adestramento. Este traballo estivo relacionado coa UD de condición física, que se leva a cabo en todos os niveis da ESO e 1º Bacharelato.

En primeiro lugar, comezamos con unha práctica guiada polo profesorado do departamento, exemplificando métodos de traballo para o adestramento da condición física. Ó mesmo tempo, fomos utilizando material teórico para contextualizar as rutinas que terían que desenvolver.

A partir de aquí, o alumnado deseñou as súas propias rutinas de adestramento, utilizando a páxina www.entrenamientos.com . Empregamos un par de sesións na aula virtual, ademais de tempo de práctica e ensaio/erro na aula de EF. Como resultado obtivemos a elaboración de 6 rutinas de adestramento individuais, para levar a cabo ó longo do primeiro trimestre. Compartimos exemplos do traballo acadado.