PLAN DAFIS. Rutinas de adestramento

Ó longo do primeiro trimestre, o alumnado desenvolveu e puxo en práctica as súas rutinas de adestramento. Este traballo estivo relacionado coa UD de condición física, que se leva a cabo en todos os niveis da ESO e 1º Bacharelato.

En primeiro lugar, comezamos con unha práctica guiada polo profesorado do departamento, exemplificando métodos de traballo para o adestramento da condición física. Ó mesmo tempo, fomos utilizando material teórico para contextualizar as rutinas que terían que desenvolver.

A partir de aquí, o alumnado deseñou as súas propias rutinas de adestramento, utilizando a páxina www.entrenamientos.com . Empregamos un par de sesións na aula virtual, ademais de tempo de práctica e ensaio/erro na aula de EF. Como resultado obtivemos a elaboración de 6 rutinas de adestramento individuais, para levar a cabo ó longo do primeiro trimestre. Compartimos exemplos do traballo acadado.