Remata o segundo curso escolar deste proxecto levado a cabo no noso centro. CONTO CONTIGO segue unha liña pedagóxica que pon ao alumnado no centro do proceso de aprendizaxe. Traballamos por Competencias Básicas o que significa que non abonda con saber se non que o importante é saber facer. O proxecto incide maiormente na Competencia Lingüística tanto dende o punto de vista de falar como de escoitar. A través da representación de contos, clásicos e modernos, o alumnado enfróntase ao reto de articular, expresar e entonar axeitadamente un texto para facelo non só comprensivo se non tamén atractivo para os seus compañeiros. Ao mesmo tempo deben de ser quen de traballar con autonomía e seguridade na posta en escea, aportando tamén os seus valores creativos en todo o proceso previo, tanto na escenografía coma na caracterización e dramatización do texto. O uso de medios tecnolóxicos que lles permitan reforzar esta representación dos textos infantís obrígalles tamén a ser competentes dixitalmente. Pero non só adquire competencias o alumnado que, por quendas mensuais, representa para os seus compañeiros do centro. Tamén aqueles que asisten como espectadores aprenden a valorar o esforzo colectivo dos demais e o gusto polo traballo ben feito. Ao tempo manteñen unha actitude atenta e respectuosa durante as representacións así como traballan a comprensión lingüística de forma oral. Velaquí un exemplo do bon facer acumulado nestes dous anos: o alumnado de Infantil representa o conto clásico A Ratiña Presumida na derradeira quenda de representacións deste curso 2013/2014.
No marco da asignatura Obradoiro de Iniciativas Emprendedoras plantexámoslle ao alumnado o reto de tentar imaxinar un futuro. Un concreto. O que se deriva dunha predicción dunha persoa. Pero non unha persoa calquera. Falamos de Nicholas Negroponte, o fundador do MIT, o Instituto Tecnolóxico de Massachusets. É que este gurú do mundo moderno ven de predicir no marco dunha conferencia TED acontecida en Vancouver que no futuro o coñecemento chegará ao noso cerebro a través de pastillas. Algo que pode sonar a ciencia ficción, se non fora por quen o di. Alguén que no 1984 foi quen de agoirar cousas como o libro electrónico, as tablets, a tecnoloxía no ensino ou o futuro da web.
E que nos deparará ese futuro que nós non veremos, pero que os nosos fillos e alumnos sí? Pois iso é o que queriamos saber. Pronto publicaremos na web os relatos útopicos e distópicos saídos da mente do noso xoven e emprendedor alumnado. Permanecede atentos.
Na primeira semana de maio celebrouse en Ourense a IV edición do evento Portugués Perto que organiza a Vicerreitoria do Campus de Ourense- Universidade de Vigo en colaboración coa Pró- Academia Galega de Língua Portuguesa (Pró-AGLP) e a Associaçom Galega da Língua (AGAL).
O alumnado da ESO asistiu ao concerto de Alberto Mvundi e Xurxo Souto. Velaquí a crónica escrita pola nosa alumna Carlota Feijoo sobre esta experiencia.
O venres visitamos o Auditorio de Ourense co fin de asistir a un concerto de Alberto Mvundi.ComezamoscunhaintroduciónmoientretidaeinteresantedamandeXurxo Souto, e unha vez acabada a súa intervención, pasamos a gozar da música do angolano, cocaltaméntocabanasúamullereoseufillo.Unhamúsicamarabillosaealegre, acompañada dun montón de instrumentos.
Nova galería de imaxes do noso paso por unha nova xornada de Xogade. Desta volta tocoulle a Carballiño e fomos participar nun campionato comarcal escolar de minibalonmán.
Xa comezou o terceiro trimestre no CPI Virxe da Saleta. A volta das vacacións de Semana Santa non puido ser máis activa. Na Etapa de Educación Infantil comezou un novo proxecto trimestral que dá continuídade á programación iniciada o ano pasado na que se aposta por adicar os últimos meses de cada curso a un proxecto propio programado polo profesorado da Etapa especialmente para o noso alumnado. Viaxamos e comunicámonos é o nome do proxecto e o eixo vertebrador dos contidos. Despois da visita que realizaron á oficina de correos tocoulle a quenda ao tren. O mércores 23 de abril as nenas e nenos viaxaron en tren dende O Carballiño ata a estación de Ourense para visitar despois o Parque de Carrileiros de Foula. Entre a galería de imaxes e máis o vídeo podédevos facer unha idea do gratificante e estimulante que foi esta experiencia de aprendizaxe.
Ben, xa sabemos que é día 28 e o día do libro foi a semana pasada. Pero nós aínda temos moito que celebrar. Por iso convidamos a Raquel Queizás visitar a noas biblioteca e facer unha contada ao alumnado de Infantil. Non hai máis que ver as cariñas que teñen nesta galería de imaxes para imaxinar o ben que o pasaron. Fomentamos o gosto pola literatura infantil e os contos xa dende pequenos.
Supoñemos que observadaríades o novo mural do patio. Por se aínda non o viches aquí tes unha galería de imaxes onde velo. Pero aínda non está rematado, falta por pintar unha das tres paredes.... e ti podes axudar. Precisamos un deseño que complete o mural. Se che apetece participar, propón a túa idea, pode ser o mural que quede no noso centro para a posteridade! Solicita no departamento unha copia da foto e pinta nela a túa idea. Os requisitos son:
- Que teña certa continuidade co que xa está debuxado.
- Cada cadro (bloque) só pode ser dunha cor, facendo un pixelado.
Y así celebramos el Día del Libro 2014, con una lectura colectiva en los nuevos libros electrónicos de la Biblioteca de un fragmento de El Principito de Antoine Saint-Exupéry por parte de alumnado de 1º de ESO en el patio del centro.
Cuando yo tenía seis años vi en un libro sobre la selva virgen que se titulaba "Historias vividas", una magnífica lámina. Representaba una serpiente boa que se tragaba a una fiera. Esta es la copia del dibujo.
En el libro se afirmaba: "La serpiente boa se traga su presa entera, sin masticarla. Luego ya no puede moverse y duerme durante los seis meses que dura su digestión".
Reflexioné mucho en ese momento sobre las aventuras de la jungla y a mi vez logré trazar con un lápiz de colores mi primer dibujo. Mi dibujo número uno era de esta manera:
Enseñé mi obra de arte a las personas mayores y les pregunté si mi dibujo les daba miedo.
-¿por qué habría de asustar un sombrero? - me respondieron.
Mi dibujo no representaba un sombrero. Representaba una serpiente boa que digiere un elefante. Dibujé entonces el interior de la serpiente boa a fin de que las personas mayores pudieran comprender. Siempre estas personas tienen necesidad de explicaciones. Mi dibujo número dos era así:
O martes 22 de abril, primeiro día de clase á volta das vacacións, visitamos a oficina de Correos no concello de Cea. Alí fomos recibidos polos traballadores e traballadoras da oficina e máis pola Delegada de Correos na provincia de Ourense. Como podedes ver na galería de imaxes, o alumnado de infantil puido entregar as súas cartas e coñecer o funcionamento deste servizo público. Esta actividade está enmarcada no proxecto educativo denominado Comunicámonos e Viaxamos, que se desenvolverá ao longo deste terceiro trimestre do curso 2013/2014 na Etapa de Educación Infantil. Accede a través desta ligazón á galería de imaxes, se non podes vela no teu teléfono móbil.
O día 27 de marzo o club de melómanos fumos a Santiago asistir a un concerto de música clásica. Visitamos a cidade durante a tarde e á noite puidemos escoitar obras de Debussy, Beethoven e Stravinsky interpretadas pola Orquestra Sinfónica de Galicia no Auditorio de Galicia. Incluso tivemos a sorte de falar con varios dos seus músicos antes do concerto, aos que estamos moi agradecidos. Estas son as impresións dos membros do club:
Carlota: “Nunca pensei que ía saír coa boca aberta dun concerto de música clásica”
Patricia: “Na última obra tiña o corazón acelerado porque subían e baixaban o volume. Foi unha sensación incríble.”
Guillermo: “Foi unha experiencia bonita que mereceu a pena. Aínda que estiveramos con fame e sono. Estos fóronse desvaecendo durante o transcurso do concerto.”
Natalia: “Foi unha experiencia inolvidable que me gustaría repetir.”
Lorena: “Os ollos coma platos e a mirada fixa no director. Este transmitíame un sentimento, unha forza, unha paixón, un carácter, un entusiasmo...”
Pamela: “ A verdade é que me quedei impactada co son dos instrumentos, sobre todo, a maneira de tocar do pianista.”
Yanela: “O volume da voz da última obra asustoume, pero á vez estaba impresionada.”
Laura: “Foi impresionante, foi un orgullo observar o ben que tocan 80 músicos e a súa espectacular coordinación."
Irene: “Estabamos na segunda fila, polo tanto percibimos moi ben o son dos instrumentos, e as caras de emoción e cansancio á vez que tiñan os músicos.”
Andrea: “O máis impresionante para min, foi a capacidade que tiñan os músicos para coordinarse e non perderse durante unha obra tan longa.”
Vicky: "Era tal a sensación que sentía que ata houbo ocasións nas que nos meus ollos asomaba algunha que outra bágoa"
