A Dirección do CPI As Mirandas desexa unhas moi felices e boas vacacións!

Achegamos o agrdecemento da Organización Save The Cildren

PARABÉNS A TODA A COMUNIDADE EDUCATIVA POLA SOLIDARIDADE E COLABORACIÓN!

Prezadas familias parece que foi onte cando comezabamos con tanto nerivosismo ante as novas normas, protocolos... de adaptación á situación polo COVID e xa estamos aquí co final de curso, un curso raro, extrano... pero,  non podemos estar máis contentos co vivido, comportamento exemplar do alumnado e profesorado; por eso agradecemos a todos o seu traballo e ás familias a súa comprensión.

Grazas por axudarnos a acadar os obxectivos dunha forma exemplar e desexamos unhas moi boas e merecidas vacacións!.

A organización das actividades fin de curso é a seguinte:

• Día 21 de xuño:
• Actividades lúdicas na Pista para o alumnado de infantil e primaria, durante o horario lectivo de mañá
• Acto de graduación do alumnado de 4º de ESO- Retransmitirase en directo no Facebook ás 17:00h: Graduación Cuarto Eso As Mirandas

• Día 22 de xuño:
• Fin das actividades lectivas de todo o alumnado, coa entrega de notas ao alumnado de infantil e primaria- O horario será o habitual do centro.

• Día 25 de xuño:
• Entrega de notas alumnado da ESO ás 12:00h.

MATRÍCULA PARA O CURSO 2021-22

AVISO IMPORTANTE:

O horario da oficina administrativa para atención ao público no mes de xullo será de 10:00 ás 13:30h.

A PARTIR DO LUNS, 12 de xullo, PUBLICARANSE AS LISTAXES DO FONDO DE LIBROS E ESTARÁN A VOSA DISPOSICIÓN OS VALES DO MATERIAL.

INFANTIL E PRIMARIA:

• PRAZO: Do 20 ao 30 de xuño, só para o alumnado de nova incorporación ao centro (o resto matricularase automaticamente).

• DOCUMENTACIÓN: Sobre de matrícula a recoller no centro, a partir do día 22. 

SECUNDARIA:

• PRAZO: Do 25 de xuño ao 10 de xullo (os/as que superen todas as materias ou promocionen ou titulen en xuño) e do 1 ao 10 de setembro (os/as que realicen a avaliación extraordinaria de setembro).

• DOCUMENTACIÓN:

1. Sobre de matrícula con todo cuberto e asinado (entregarase ao alumnado o día 25 de xuño).
2. Unha fotografía tamaño carné co nome e apelidos do alumno/a escritos por detrás.
3. Para 3º e 4º da E.S.O. copia do ingreso na conta 2080-0211-61-3040003372de Abanca do importe do Seguro escolar (1,12 euros)
4. Fotocopia do DNI.

SECCIÓNS BILINGÜES:  As seccións bilingües, para o vindeiro curso académico son as que  temos aprobadas: Plástica en 5º EP e Música en 1º e 3º de ESO

SERVIZOS COMPLEMENTARIOS (TRANSPORTE E COMEDOR):

A utilización dos servizos complementarios de transporte e/ou comedor requirirá dunha solicitude específica (a disposición no centro ou na web do mesmo), que se entregará cuberta entre o 01 e o de 10 de xullo, para todos/as independentemente de cando se faga a matrícula.

IMPRESO PARA A SOLICITUDE DE SERVICIOS COMPLEMENTARIOS (pendente das instrucións da Consellería)

VARIACIÓN DE DATOS:

            Se algunha persoa quere cambiar de Relixión a Valores Cívicos e Sociais, ou viceversa, ten que cubrir o impreso que a tal efecto se proporcionará nas oficinas do centro.

            Tamén se houbo variación nos datos persoais (dirección, teléfono situación familiar, enfermidades, etc.), teñen a obriga de comunicalo, cubrindo o impreso correspondente.

LIBROS DE TEXTO E MATERIAL para o curso 2021-2022

 Nos seguintes enlaces podedes descaragar o listado de libros de texto e o material para o vindeiro curso académico :

• Libros de infantil
• Libros de primaria  (agás 5º e 6º de Primaria que son aulas EDIXGAL)
• Material 1º EP
• Material 2º EP
• Material 3º EP
• Material 4º EP
• Material 5º e 6º EP
• Libros de secundaria  (agás 1º e 2º de ESO que son aulas EDIXGAL)

A Dirección do CPI As Mirandas agradece a Luisa Lombardero o deleite ao que nos tén acostumados coas súas produccións audiovisuais en LSE, participando e quedando finalistas e gañadores... nos Concursos Cantando coas máns desde o seu inicio (hai 4 anos). Hoxe día da lingua de signos amosamos e presentamos o vídeo que recibiu a Mención Honorífica 



MIDAS do CPI As Mirandas : http://bit.ly/cantamos-premio-publico (Versión da Canción de Tanxugueiras das que recibimos a súa felicitación)

FELIZ DÍA DA LINGUA DE SIGNOS!!!

">

 

Grazas a toda a comunidade educativa e aos que, dalgunha maneira, participaron nestes actos, esperemos seguir sumando e aportando cada ano o noso grao de area para que non se quede ningún neno e nena sen os seus dereitos máis básicos como a a educación e a sanidade.

Publícase a  Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22 (código de procedemento ED330B).

O venres, 14 de maio, publicarase a listaxe definitiva do alumnado admitido para o vindeiro curso escolar, sen variacións respecto á provisional. Pode consultarse no taboleiro de anuncios do centro ou a través da aplicación admisión de alumnado  empregando a Chave365 ou o certificado dixital.

A formalización da matrícula realizarase no período comprendido entre o 20 e o 30 de xuño en educación infantil e primaria, e entre o 25 de xuño e o 10 de xullo na ESO.

A Dirección

----------------------------------------------------------------------------------------------------------------------------------------------------------------------------------------

A partir de mañá, venres 23 de abril, publicarase no taboleiro de anuncios do centro (Ao lado da oficina admiistrativa) a listaxe provisional de alumnado admitido para o vindeiro curso escolar, podendo reclamar contra a mesma no prazo de 5 días hábiles mediante unha instancia dirixida á Dirección do centro.

Todo alumnado que solicitou praza está admitido.

Pódese consultar a admisión na aplicación da Consellería: Admisión alumnado empregando a Chave365 ou un certificado dixital.

As listaxes definitivas publicaranse o 12 de maio de 2021.

A formalización da matrícula será do 20 ao 30 de xuño en Educación Infantil e Primaria e do 25 de xuño ao 10 de xullo  para a ESO.

A Dirección

A Consellería de Educación, no senso de seguir avanzando na mellora da convivencia e no marco da Estratexia galega de convivencia escolar 2015-2020, pon en marcha a realización dunha nova enquisa que permita analizar o estado da convivencia e das novas formas nas que se está a desenvolver, como consecuencia do impacto da COVID-19 na comunidade educativa.

Esta sondaxe de carácter censual “Enquisa de diagnose da convivencia 2021” ten por finalidade coñecer a opinión dos distintos colectivos (directores e directoras, profesorado, alumnado, persoal non docente e familias) e permitirá, a través do análise das respostas obtidas, a introdución de avances e melloras neste ámbito dun xeito global e integrador.

 A enquisa estará operativa desde o 12 de abril ao 29 de abril de 2021 (ambos dous días incluídos).

Esta recollida de datos faise mediante unha ferramenta informática en liña, de xeito automatizado e totalmente anónimo, a través da aplicación convivenciaxestion.

Documentos informativos:

• Preguntas frecuentes cuestionario de convivencia 2021

• Guía de usuario do cuestionario de convivencia

• Manual de uso da aplicación convivenciaxestion

• Cuestionario pictográfico

ENLACE AO CUESTIONARIO PARA AS  FAMILIAS : https://www.edu.xunta.gal/convfamil 

(Achegarase mañá (15 abril) a información e a clave de acceso das familias a través do alumnado)

ENLACE AO CUESTIONARIO PARA O ALUMNADO (5º EP A 4º ESO): https://www.edu.xunta.gal/convobrig 

O alumnado realizaranna baixo a supervisión do profesorado titor.

ENLACE AO CUESTIONARIO  PARA O PERSOAL ADMINISTRACIÓN E SERVIZOS : https://www.edu.xunta.gal/convpas

A Dirección do CPI As Mirandas informa á Comunidade Educativa que o Día Internacional da Muller, 8 de marzo, celebrouse no centro, como ven sendo habitual, o Día Internacional da Muller. Este curso non puido levarse a cabo as actuacións conxuntas co Cim do Concello e as institucións e Asociacións de Ares; nembargantes leváronse a cabo moitos traballos como podedes ver nos seguintes enlaces:

• MULLERES DA NOSA VILA . Entrevistas a mulleres que traballan en diferentes campos e quixeron compartir as súas experiencias co noso alumnado; polo que lles agradecemos esa colaboración.

• Agradecemento á concellería de Cultura de Ares polo agasallo realizado ao alumnado de 4º de ESO e á Biblioteca do centro de exemplares do libro "Libres e Vivas" da Editorial Galaxia:

• Agradecemento á FANPA de Ferrolterra polo recoñecemento e entrega do seguinte póster para o noso centro: