PROCESO DE ADMISIÓN (SÓ PARA O ALUMNADO DE NOVA INCORPORACIÓN AO CENTRO)  - CURSO 2021 –2022

 Este proceso estará regulado pola Orde do 12 de marzo de 2013 (DOG. 15/03/13), polo Decreto 254/2012 do 13 de decembro (DOG. 26/12/2012) e pola Orde 25 de xaneiro de 2017 (DOG. 01/02/2017) da Consellería de Educación e Ordenación Universitaria.

• Os postos escolares ofertados polo centro para o curso 2021-22 son os que se sinalan no Anexo I.
• O prazo de presentación de solicitudes será o comprendido entre o 1 e o 22 de marzo de 2021, ambos os dous incluídos.
• No caso de proxenitores separados, divorciados ou non unidos por ningún vínculo legal, a solicitude ten que estar obrigatoriamente asinada polos dous titulares.
• Cada alumno/a só pode presentar unha única solicitude no centro elixido en primeiro lugar. En caso contrario perderá os dereitos de prioridade.
• Se un alumno/a cambia de centro deberá comunicar a renuncia á reserva de praza no centro de orixe antes de matricularse no novo.
• Se houbese máis solicitudes que prazas nalgún nivel educativo, solicitarase a documentación complementaria para o baremo entre o 25 de marzo e o 15 de abril.
• As listas provisionais de admitidos/as publicaranse o día 23 de abril, podendo reclamar contra as mesmas no prazo de 5 días hábiles mediante instancia dirixida á Dirección do centro.
• As listas definitivas de admitidos/as publicaranse o 14 de maio de 2021.
• A formalización de matrícula realizarase no período comprendido entre o 20 e o 30 de xuño en educación infantil e primaria, e entre o 25 de xuño e o 10 de xullo na ESO
• O alumnado poderán usar os servizos de transporte e comedor segundo a lexislación vixente, marcándoo no impreso de admisión e presentando logo a correspondente solicitude específica cando formalicen a matrícula.

PRAZO: Do 1 ao 22 de Marzo de 2021

LUGAR: 

• Por Internet:
• Na aplicación Admisión alumnado da páxina web da Consellería (enlace adxunto).
• Na Sede Electrónica da Xunta de Galicia
• Nesta páxina web do centro
• Nas oficinas do centro educativo

DOCUMENTACIÓN:

• INSTRUCIÓNS XERAIS DA CONSELLERÍA
• Resolución Sorteo Letras admisión
• ANEXO I- VACANTES
• ANEXO II- ED550B-C- IMPRESO SOLICITUDE ADMISIÓN (castelá)
• ANEXO II- ED550B-G- IMPRESO SOLICITUDE ADMISIÓN (galego)

Outra documentación a entregar:

• FOTOCOPIAS DO LIBRO DE FAMILIA
• FOTOCOPIAS DO DNI DE TODOS OS MEMBROS DA UNIDADE FAMILIAR
• SENTENZA DE SEPARACIÓN OU DIVORCIO (se é o caso)
• XUSTIFICACIÓN DAS NECESIDADES DE ATENCIÓN EDUCATIVA ESPECÍFICAS (se é o caso)
• CERTIFICACO DE MATRÍCULA DO CENTRO ANTERIOR (se é por traslado)

O día 24 de febreiro celebramos o Día de Rosalía. Este ano é un pouco especial por mor das restricións sanitarias, pero iso non vai ser un atranco para que lembremos, como todos os anos a Rosalía de Castro, a nosa escritora máis universal (lembrade que ata unha estrela leva o seu nome e a compañía noruega Norwegian Airlines puxo a súa imaxe a un dos seus Boeing 737-800).

Por iso imos poñernos mans a obra. Xa sei que nos distintos cursos estanse a facer moitas cousiñas: vídeos, recitado de poemas, murais....

Desde aquí animámosvos tamén a que fagades os vosos debuxos sobre Rosalía e a súa obra para presentar ao concurso “Un debuxo para Rosalía", que convoca o Concello de Ares a través da concellería de Cultura e no que colabora o noso centro.

Aquí deixamos o cartel coas bases.  Chegado o día, faremos a difusión de todos os traballos realizados no cole para lembrar á nosa Rosalía.

FESTA DO ENTROIDO 2021

Esta semana celebramos a festa do Entroido no noso centro.

Este ano a celebración será distinta da dos anos anteriores polas circunstancias que todos sabemos, e que nos fai suprimir o desfile polas rúas do Concello.

A pesares de todo, mantendo  a nosa tradición, o celebramos como heroes e heroínas que somos e así amosámolo:          

Tamén amosamos as Danzas pola PAZ do noso alumnado:

• DANZA POLA PAZ en INFANTIL:

• DANZA POLA PAZ EN PRIMARIA

Máis información, FOTOS, ACTIVIDADES... nos seguintes blogs:

• BLOG de dinamización: TÉSMOITALINGUA
• BLOG DO PROXECTO ERASMUS+
• BLOG DE INFANTIL

BOAS E MERECIDAS VACACIÓNS!

MOITA SAÚDE E RESPONSABILIDADE. VERÉMONOS DE NOVO O VINDEIRO XOVES 18 DE FEBREIRO

A Dirección do CPI As Mirandas desexa que todas as  vosas  ilusións e metas se cumpran neste novo ano 2021!

Mañá, 8 de xaneiro,  reincorporarémonos ao horario lectivo normal  e queremos recordar  todas as normas para adapatarnos á nova situación COVID 19.

O primeiro trimestre o fixestes moi ben e debemos seguir así para manter o ensino presencial que todos desexamos.

Grazas pola vosa colaboración e compromiso; xuntos podemos acadar as nosas metas!

A Comunidade Educativa do CPI As Mirandas deséxavos unhas Felices Festas!

O día 3 de decembro celébrase o Día Internacional das persoas con discapacidade co obxectivo de promover os dereitos e facilitar a vida a esas persoas concienciado á sociedade da importancia de manter as normas establecidas ao respecto.

A Convención sobre os dereitos das persoas con discapacidade foi aprobada no ano 2006 e asinada por 180 países e dí:

"La accesibilidad y la inclusión de las personas con discapacidad son derechos fundamentales"

O noso centro que fomenta a inclusión de todo o alumnado independentemente da súa condición física, psíquica e social, non quere deixar de amosar a toda a Comunidade a importancia de cumprir as normas establecidas e fomentar a implicación de todos na mellora da vida destas persoas.

É por iso que amosamos o seguinte vídeo e Texto da Asociación Aprende a voar, no que ademáis participa un alumno do noso centro:

• Vídeo
• DOCUMENTO INFORMATIVO

Este proceso estará regulado pola Orde do 6 de novembro de 2020 (DOG. 11/11/20).

 A partir desta data, 9 de decembro,  a relación provisional de alumnado beneficiario das máscaras que se entregarán pasa a ser definitiva, sen variacións con respecto á provisional.

 As máscaras comezarána distribuírse a partir do 11 de xaneiro ao alumnado, a razón de 4 máscaras reutilizables  a cada alumno/a beneficiario/a.

Ares, 9 de decembro de 2020

A Dirección

Hoxe, 25 de Novembro, no noso centro celebramos o Día internacional da eliminación  da violencia de xénero. 

A dinamizadora, Yolanda Castro, realizou un vídeo que recolle a implicación de toda a nosa Comunidade Educativa, porque NON é NON. Non podemos mirar para outro lado,  isto é un problema social que debemos erradicar coa implicación de todos.

A reivindicación  da nosa Comunidade Educativa podedes vela no seguinte enlace:

• Vídeo 25 N

DISTRIBUCIÓN DA MÁSCARAS AO ALUMNADO

Este proceso estará regulado pola Orde do 6 de novembro de 2020 (DOG. nº 230 13/11/20).

DESTINATARIOS:

Alumnado de educación primaria e secundaria obrigatoria que pertenza a unidades familiares cunha renda per capita igual ou inerior a 6.000 euros no exercicio de 2018 ou cunha discapacidade igual ou superior ao 65%.

SOLICITUDES:

1.- O alumnado que foi beneficiario da axuda para material escolar no curso 2020-21 (actual), non terá que presentar solicitude.

2.- O resto de alumnado que cumpra cos condicións de renda e/ou discapacidade antes sinaladas presentará unha solicitude por medio dos proxenitores ou titores legais mediante o formulario normalizado.

O impreso de solicitude obterase no centro docente, no portal educativo http://www.edu.xunta.gal ou na sede electronica da Xunta https://sede.xunta.gal.

PRESENTACIÓN:

O prazo de presentación será de 10 días hábiles; é dicir, ata o 25 de novembro inclusive.

As solicitudes presentaranse no centro e estarán acompañadas da documentación seguinte:

a) Anexo II debidamente cuberto e asinado.

b) Copia do libro de familia onde figure o/os alumnos/os e os demais membros computables. Se algún membro computable non figurase no mesmo, poderase acreditar mediante o certificado ou volante de convivencia ou mediante informe dos Servizos Sociais do Concello.

c) En caso de separación ou divorcio a sentenza e/ou convenio regulador onde figure a custodia do menor.

d) Certificación da discapacidade do alumno/a ou dalgún familiar, se no é da Xunta de Galicia.

e) Documentación acreditativa de violencia de xénero, se houbese.

Esta documentación non será necesaria se xa foi presentada no seu día para a xuda de libros no curso 2020-21.

A documentación será a correspondente aos datos a 31 de decembro de 2018 e presentarase orixinal e copia para o seu cotexo.

Ares, 13 de novembro de 2020.

A DIRECTORA

Prezadas familias:

Informamos que o Plan de continxencia do noso centro contempla a educación telemática en caso de haber confinamento nunha aula ou en todo o centro, levamos días traballando co alumnado na aula virtual e vos informamos do procedemento en cada nivel/etapa educativa.

No seguinte enlace podedes atopar un videotitorial para o acceso á aula virtual para o alumnado de 3º e 4º de Primaria e a ESO. Pregamos as familias realicen probas de acceso co alumnado e se hai dúbidas podedes achegalas polo correo electrónico:

• GUÍA DE ACCESO Á AULA VIRTUAL

"Este ano continuamos no noso centro co Proxecto Abalar, enmarcado na Estratexia de Educación Dixital 2020, para proporcionarlle ao alumnado e aos docentes as ferramentas tecnolóxicas para que o ensino se axuste á realidade social na que viven as actuais xeracións.

Tedes o folleto informativo no enlace EDIXGAL, asemade no portátil do alumno vai un adhesivo que, a través do escaneo do código QR que contén, dirixe á páxina informativa do proxecto onde tedes videostitoriais contándolles todo o que deben saber sobre o Proxecto Edixgal e o tratamento ao portátil que acaban de recibir.  
Aínda así para calquera dúbida que precisedes estamos no centro a vosa disposición e no seguinte enlace:

• EDIXGAL

Este ano os acordos de cesión soamente deberán ser asinados polas familias que teñan os portátiles de nova adxudicación. Enviaremos a través dos voso fillxs estes acordos de cesión que deberán ser remitidos ao centro.

Bo día e moita saúde!!!"