Inicio do procedemento de admisión de alumnado en centros docentes sostidos con fondos públicos para o curso 2020/2021
Fase de reserva de prazas en centros de adscrición
De conformidade coa disposición adicional primeira da Orde do 12 de marzo de 2013 que regula o procedemento de admisión de alumnado en centros docentes sostidos con fondos públicos, o próximo día 1 de febreiro de 2020 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.
O prazo de solicitudes abranguerá do 1 ao 17 de febreiro, ambos incluídos.
A consulta das listaxes de alumnado admitido, que se publicarán antes do día 29 de febreiro, debe realizarse no centro no que está matriculado no presente curso ou na aplicación admisionalumnado.
Normativa de aplicación
DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Reserva de praza para o centro ao que se estea adscrito
Do 1 ao 17 de febreiro
Data do sorteo público da letra a efectos de desempate
Última semana de febreiro
Publicación de postos escolares vacantes
Antes do 1 de marzo
Presentación en prazo ordinario de solicitudes de admisión (alumnado que cambie de centro para seguir cursando a mesma ensinanza ou para estudos superiores nun centro non adscrito)
Do 1 ao 20 de marzo
Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases tras o estado de alarma (15 días inicialmente).
Recoméndase a utilización preferente da modalidade telemática para a presentación das solicitudes
Xornada de Portas abertas no CPI As Mirandas
9 de marzo ás 16:30h
Presentación documentación acreditativa dos criterios de baremo
10 días hábiles contados a partir dos 2 días seguintes ao remate do prazo para presentar as solicitudes de admisión
Publicación das listaxes provisionais de persoas admitidas e non admitidas
Antes do 25 de abril
Reclamacións (realizarase ante o Consello Escolar nos centros públicos, e ante o titular nos centros privados concertados)
Prazo máximo de 5 días hábiles a partir do día seguite á súa publicación
Publicación das listaxes definitivas de persoas admitidas e non admitidas
Antes do 15 de maio
Formalización da matrícula en Educación Infantil e Primaria
Do 20 ó 30 de xuño
Formalización da matrícula en ESO e bacharelato
Do 25 de xuño ó 10 de xullo
Prazo extraordinario de formalización de matrícula en ESO e bacharelato
Do 1 ó 10 de setembro
As listaxes de admitidos e non admitidos publicaranse nos taboleiros de anuncios dos centros educativos. Toda a información sobre proceso de admisión publícase nos centros educativos por todos os medios que teñan dispoñibles.
Cada alumna e alumno só pode presentar unha única solicitude no centro no que solicite praza en primeiro lugar, en caso de duplicidade de solicitude esta suporá a perda dos dereitos de prioridade que poidan corresponderlle.
O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.
No caso de solicitar praza en datas posteriores ao prazo fixado, realizarase na Inspección de Educación Secundaria, no Departamento Territorial da Consellería de Educación e Ordenación Universitaria.
CRITERIOS A SEGUIR PARA A SOLICITUDE:
Pódese solicitar praza a través de internet na aplicación informática «admisionalumnado (/www.edu.xunta.es/admisionalumnado/) ou presentando a solicitude cumplimentada no centro.
O alumnado que pretenda continuar estudos nun centro de adscrición, para reservar praza, deberá presentar no centro de orixe ou a través de internet o formulario de solicitude (Formulario ED550A).
O alumnado que solicite praza nun centro non adscrito solicitará a admisión a través de internet ou de forma presencial no centro docente indicado como primeira opción ou en calquera dos lugares e rexistros establecidos utilizando o formulario de solicitude (Formulario ED550B). Na solicitude pódese relacionar ata 6 centros por orde de preferencia.
Poderase consultar o estado de tramitación da solicitude a través da aplicación informática utilizando o código de solicitude e o número de DNI da persoa solicitante.
Todas as solicitudes que non pudiesen obter praza nos centros solicitados serán remitidas á comisión de escolarización que lles asignará praza nos centros onde teñan vacantes tendo en conta, cando sexa posible, as preferencias dos pais indicadas na solicitude e a puntuación obtida por aplicación do baremo.
Resolución do sorteo das letras de prioridade para o desempate no procedemento de admisión.
Resultado do sorteo 2020:
Letras primeiro apelido: "T" e "G" Letras segundo apelido: "E" e "X"
No sorteo extraeranse catro letras do abecedario, que determinarán, correlativamente, a primeira e segunda letra do primeiro apelido e a primeira e segunda letra do segundo apelido.
As catro extraccións levaranse a cabo con todas as letras.
A orde de prelación comezará pola/o solicitante cuxo primeiro apelido comece coas dúas primeiras letras extraídas e, se non houber ningún, continuarase pola/o seguinte solicitante por orde alfabética.
No caso de coincidencia no primeiro apelido entre varias/os alumnas/os, comezarase por aquela/aquel cuxo segundo apelido comece coa terceira e cuarta letras extraídas e, se non houber ningún, pola/o seguinte solicitante por orde alfabética.
No caso de coincidencia do primeiro e segundo apelido entre varias/os solicitantes, acudirase como criterio de desempate ao nome, por orde alfabética; en caso de persistir, dirimirase por sorteo.
Cando os apelidos vaian precedidos de preposicións, conxuncións ou artigos, estes non serán tidos en conta.
A semana do 13 ao 20 de xaneiro leváronse a cabo obradoiros sobre soporte vital básico e reanimación cardiopulmonar e as prácticas foron dirixidas ao alumnado do centro, quen a súa vez foi o encargado de ensinar esas prácticas de RCP ao resto de compañeiros e comunidade educativa. Estes obradoiros fóron impartidos polo profesorado de educación física do centro: Carlos Bacelo (ESO) e Bárbara Sánchez(EP).
O luns 20 de xaneiro rematamos con dous obradoiros, un para as familias e outro para o profesorado e persoal non docente. O encargado da coordinación e impartición dos mesmo foi Carlos Bacelo, profesor de Educación Física do noso centro.
Este luns 13 de xaneiro de 2020 en horario de 16:00 h. a 17:40 h., na aula de UUMM, o alumnado de 4º curso de ESO dos grupos A e B, asistiu a unha charla na que se incidiu na importancia da educación para a prevención da violencia sexual e de xénero. A charla foi impartida por Amelia Tiganus baixo o título de “Prostitución y pornografía: violencia sexual comercial”.
Amelia Tiganus, nacida en Rumanía, actualmente reside en Euskadi. Despois de superar, hai doce anos unha vivencia persoal relacionada coa prostitución e a rede de trata, converteuse en activista feminista e realiza charlas e talleres en defensa dos dereitos humanos das mulleres. Escribiu numerosos artigos e un libro. O seu labor é recoñecido e no pasado mes de novembro de 2019, recibiu un premio por parte do Ministerio de Igualdade.
Esta actividade, que contribúe ao desenvolvemento do plan de igualdade deste curso escolar, está organizada polo departamento de orientación, en colaboración co CIM de Ares.
Este día, entregaranse as notas da 1ª avaliación a todo o alumnado, non haberá comedor e a saída adiántase ás 13:30h.
Agradecemos a colaboración da ANPA, Concello e familias de Ares así como de toda a Comunidade Educativa para que todo sexa un éxito.
Non podemos esquecer aos nosos colaboradores na infraestrutura e material empregado na carreira e para o alumnado: Paula Mayobre, gran atleta aresá e madriña da Carreira Solidaria; a Gadis polo subministro de auga, e os hinchables para a Saída/Meta e o percorrido; a Froitería Bacelo y López que nos aporta a froita como reconstituínte, a Trofeso ARVI, á Protección Civil, Policía Local de Ares, á Floristería Real que pón un toque de cor...,
Aos responsables do Casino de Ares agradecemos a súa cesión para levar a cabo o Festival do Nadal
O venres 29 de novembro o noso centro despediu aos integrantes do grupo Erasmus + que estiveron a acompañarnos durante toda a semana. Unha festa rachada na que non faltaron as nosas tradicións: magosto, castañas, bailes tradicionais, xogos, cancións…. e ata chiculate con churros.
Parabéns a toda a comunidade educativa que traballou a esgallo para que todo resultase marabillosamente ben, foi unha semana intensa e non podemos estar máis que orgullosos de todos e cada un de vós: profesorado, persoal non docente, alumnado e familias. Xuntos podemos e así hai que seguir.
Desde aquí queremos dar as grazas tamén ao Grupo de Gaitas de Ares e a Miguel, o seu director, así como ao grupo Areas do Mar de Ares con Teresa Muiños á cabeza. Mil grazas por colaborar con nós nesta xornada.
Desexamos aos nosos amigos Erasmus+, que gozaran da súa estancia en Ares e que teñan unha boa viaxe de volta aos seus respectivos países.
Esta despedida é so un ata logo xa que pronto lles devolveremos a visita.
Como unha imaxe, as veces, vale máis que mil palabras, aquí tedes a reportaxe gráfica da xornada.
Os compañeiros de Turquía agasalláronnos cunha danza típica do seu país.
Tamén as nosas profesoras puxeron a nota musical coa canción "Ahí ven o maio" de Curros Enríquez
Este xoves 28 de novembro celebrouse a entrega de premios da III Edición do Concurso Escolar de Cancións en Lingua de Signos Española “Cantamos coas mans”, nun evento moi especial que tivo lugar no centro sociocultural de Fontiñas, en Santiago de Compostela.
Neste acto recibimos a Mención de Honra desta edición na que os nosos alumn@ s puideron interpretar e actuar coa cantante MJ Pérez que subiu ao escenario cos nenos e nenas que signaron a súa canción “O fío do que pendo”.
Foi unha xornada festiva, totalmente accesible en lingua de signos e na que tanto, persoas xordas como oíntes, puidemos gozar da música.
Queremos aproveitar a ocasión para, unha vez máis, agradecer o esforzo e a implicación de Luisa Lombardero, a nosa intérprete de lingua de signos, que non poido estar no evento e que é a alma mater do proxecto e, por suposto, tamén agradecer a MJ Pérez a súa colaboración para facer un ano máis, deste acto, unha gran celebración da música inclusiva.
Hoxe luns realizaron unha visita ao Concello onde foron recibidos polo alcalde e representantes do Concello. Seguidamente fixémoslles unha benvida no noso centro. O alumnado de primaria así como un grupiño de alumnos da ESO agasalláronos cun mini concerto e bailes típicos. Logo percorreron as aulas de primaria e infantil e departiron con profes e nen@s. Tamén participaron no acto que realizamos no centro con motivo do Día Internacional contra a Violencia de Xénero, no que estiveron tamén representantes do concello e do CIM (Centro de atención á muller) (No enlace anterior podedes ver as fotografías de Jorge Meis- Publicadas no Diario de Ferrol)
Desexámoslle unha estupenda estadía na nosa vila xunto a todos nós e ás familias acolledoras.
Seguiremos informando desde tesmoitalingua e a páxina web do noso cole.
A partir do domingo 24 e ata o 29 de novembro recibiremos no noso centro a 20 alumnos e 12 profesoras de 5 países (Turquía, Polonia, Rumanía, Grecia e Italia) cos que estamos levando a cabo un proxecto europeo, KA229 : Manifestaciones artísticas desde las festividades y tradiciones europeas”. Envío o enlace do blog do proxecto no anterior título, así cómo podedes informavos máis na páxina web do noso centro.
Hoxe, domingo, unha representación do centro fóron recibir aos convidados e partIcípantes no proxecto a Santiago, realizando una etapa do camiño e unha visita guiada polo casco histórico.
Pola tarde, as familias esperan ao alumnado que van acoller durante esta semana a partir das 5 .
As you can see in the pictures, today we were working a lot decorating our school to receive you.
O luns 25 de novembro teremos as seguintes actividades:
9:45h. Recepción no Concello de Ares
10:45h. Recepción no CPI As Mirandas por parte do alumnado da ESO
13:00h. Acto institucional polo Día da non violencia de xénero: CIM de Ares e toda a Comunidade educativa e os profesores e alumnos dos centros visitantes na entrada do CPI As Mirandas
16:00h. Obradoiros e talleres de gravado e de baile galego e turco.
Durante a semana visitarán as cidades da comarca ata Coruña destacando o mércores pola tarde que visitarán as Meninas de Canido e a SGHN.
É un proxecto Erasmus+ dcon intercambio escolar que se levará a cabo no centro durante 2 cursos consecutivos, con 5 mobilidades (1 a cada país participante) na que viaxan 4 alumnos e 2 profesores. Esta é a primeira mobilidade e será aquí en Ares, xa que é o centro coordinador, sendo a súa responsable Mª Josefa Seijo Bellón.
"A cadeira vermella"é a campaña que a ONG Entreculturas lanza para concienciar á poboación do Dereito á Educación de máis de 61 millóns de nen@s en todo o mundo que están sen escolarizar.
Un grupiño de alumnos/as de 1º e 4º da ESO axudarán a presentar esta campaña reivindicando a escolarización universal para todos os nenos e nenas do mundo. Así, realizarán diversas sesións de contacontos para o alumnado de infantil e primaria. Nas sesións os rapaces da ESO narrarán o conto “Mahán e a cadeira vermella”, un conto creado polo alumnado do cole Virxe da Cela de Monfero, e que fala sobre o Dereito á Educación Universal. Logo como parte da dinámica, realizarán o xogo de “ A cadeira vermella” así como un pasapalabra sobre o conto. Ao remate da sesión todos os nenos e nenas serán agasallados cunha pegatina alusiva a esta data e levarán unha pequena “cadeiriña vermella” para a súa clase, como símbolo do Dereito á Educación de todos os nen@s do mundo.
Por outra banda, na entrada de secundaria temos un mural realizado polo alumnado da ESO acompañado dunha cadeira pintada de cor vermella. Animamos a todos e todas os que o desexen, a tomar unha foto no mural coa cadeira vermella para realizar unha montaxe fotográfica como apoio á Educación Universal.
Esta actividade está organizada polo EDLG, a Biblioteca escolar e o Departamento de Relixión. Queremos a través dela potenciar o uso da lingua galega, tanto de maneira escrita como oral, e ofrecernos o lugar perfecto para mergullarnos no mundo das historias.
