Blog de biblioteca

ABECEDARIO DA PAZ

Lun, 02/07/2022 - 07:57

ABECEDARIO DE PAZ

O alumnado de 1º de Reli, realiza un abecedario con palabras que fomentan a paz.

Primeiramente puxemos en común que palabras consideramos que fomentan a paz.

Unha vez elixidas buscamos e coloreamos os pictogramas e, nalgúns casos, coa colaboración da profe Sonia e Bea, aprendemos como se di esa palabra en lingua de signos

Coas pombas portadoras de palabras de paz elaboramos un mini libro que pasará a formar parte das nosas creacións, un fondo moi interesante que día a día se vai ampliando.

Estupendo traballo!

1 adxunto

30 de Xaneiro: DÍA DA ILUSTRACIÓN

Lun, 02/07/2022 - 05:48

Unha das datas destacadas do Calendario do Libro e da Lectura de Galicia é o Día da Ilustración, que se estableceu en 2014 cada 30 de xaneiro, coincidindo co aniversario de Alfonso R. Castelao.

O Día da Ilustración é unha iniciativa da Consellería de Cultura e Turismo da Xunta de Galicia en colaboración coa Asociación Galega de Profesionais da Ilustración (AGPI).

Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. O protagonista deste ano é Reimundo Patiño, un dos pais do cómic en galego.

O alumnado de 2º de primaria ven de conmemorar o aniversario de Castelao coñecendo e ilustrando algúns dos seus debuxos baixo o lema "A palabra ilustrada de Castelao" combinando nunha mesma actividade o Día da Ilustración e A Palabra, tema prioritario de BE de este ano.

Para cada un dos debuxos seleccionados e ilustrados debían comentar o que lles suxerían e propor unha Palabra identificativa.

Este foi o resultado:

Precioso traballo!

Que grandes artístas!

FERRAMENTAS DE ARTESANOS

Mar, 01/25/2022 - 07:02

Presentamos o libro-vocabulario, Ferramentas de Artesanos, coordinado pola profesora de AL, Beatriz G., e realizado polo noso alumnado en colaboración co profesorado e familias.

Canto e que ben traballarón!

Felicidades!

Grazas.

Mochilas Viaxeiras

Dom, 01/23/2022 - 19:54

Este venres retomaron a súa andaina as Mochilas Viaxeiras.

Unha actividade dinamizadora que conta con unha moi boa acollida,

como se pode apreciar no seu sorriso.

As mochilas saén os venres e regresan os xoves.

No seu interior ademáis de lecturas levan un caderno de vitacora que medra día a día coas vosas suxestións, comentarios e creacións. Caderno que cada semana agardamos con ilusión a súa chegada para poñer en común.

Boa lectura!

LECTURA E FAMILIAS

Ven, 12/31/2021 - 10:17

Publicada a Resolución da convocatoria do programa LECTURA E FAMILIAS, compartimos con toda a Comunidade Escolar a Boa Nova de ser un dos centros seleccionados polo mencionado programa.

LECTURA E FAMILIAS é un programa destinado a promover a lectura e o uso responsable da información entre os distintos sectores da comunidade escolar, integrado no Plan de Mellora de Bibliotecas Escolares (PLAMBE).

Acollemos con moita ilusión este impulso para seguir cultivando o amor pola lectura.