BiblioViaxeira

Esta mañá o alumnado de infantil e o seu profesorado saíron visitar aos seus veciños e amigos os anciáns do Hogar San José, tal como quedamos o  día que eles estiveron no colexio.

Nesta ocasión achegámonos a ver a súa fermosa horta e prantar fresas, unha actividade organizada en conxunto co equipo de Voz Natura e o persoal do Hogar San José, e a saudar aos nosos veciños e compartir unha agradable maña con eles.

 Ao chegar dirixímonos á horta e agardamos con ilusión o momento de prantar,

cada neno prantamos unha fresa. 

Logo fomos a pérgola, onde nos agardaban moitos anciáns, sentados en forma circular en cadeiras e cadeiras de rodas. Tíñannos reservada a parte central para podernos sentar e participar na celebración dos cumpreanos do mes. 

Lucía foi nomeando, un por un aos cumpreaneiros, 

 Unha vez presentada a persoa de aniversario, un alumno entregáballe unha tarxeta de felicitación e facíanlle unha foto con marco de aniversario. Que bonito e ben organizado!

 Logo cantamos todos xuntos: "Cumpreanos Feliz"

Ao rematar saudámolos a todos

Posteriormente, o noso amigo Manuel, fixo unha demostración de "Bailar o bastón"

E nos intentamos imitalo

Despois de bailar o bastón, xunto cos anciáns, cantamos "A saía da Carolina"

E logo, nos sós, cantamos dúas cancións: O Moucho e Os Maios

Chegada a hora de irnos, despedimonos dos nosos amigos, agardando volver pronto.

Ata pronto!!!

Vaia aquí o noso agradecemento máis grande a Madre Superiora que nos permitiu esta visita e nos agasallou con chuches, a Lucía que organizou o encontro, ao todo o persoal do centro que nos recibiu con tanto agarimo e como non aos nosos amigos os anciáns cos que compartimos uns momentos ben fermosos.

Unha aperta moi grande !!!!

Con motivo do Día Internacional da Muller, dende a Biblioteca programamos diferentes actividades, entre outras a visita ao Pazo de Tor para realizar a actividade didáctica “Muller na Arte, Arte na Muller” co afán de superar as desigualdades de xénero mediante o achegamento crítico á historia e teorías da arte.

Nesta visita puidemos comprobar:

- a veracidade  do dito popular “Casa grande, con capilla, palomar y ciprés, pazo es”,

- o diferente modo de vida das distintas clases sociais (señores e persoal de servizo) e

 - as diferenzas que viñan impostas por razón de xénero,

-  tanto a nivel de vestimenta (o feito de que as mulleres non puidesen poñer pantalóns obrigaba a ter unha sela de montar diferente)

 - como de aproveitamento do tempo libre: o xogo estaba reservado aos homes (salón de xogos cun billar francés) e tamén as armas. Por iso agás  o salón de baile aberto tamén as mulleres as outras dependencias de ocio estaban reservadas aos homes.

- e de oportunidades formativas  a nivel artístico.

Parece que había un especial interese por que a muller tocase o piano, pero non tanto por que desenrolase a súa faceta pictórica, nin estaba ben visto nin se apoiaba economicamente; razón pola que dos moitos cadros que puidemos ver no pazo

(Mari Paz de Tor e os seus pais e avós)

 tan só dous foron  pintados por mulleres

(Marido de Mari Paz pintado por la pintora Monfortina, Amparo Lorenzo da Vella)

E para rematar dicir que nos impresionou, entre outras cousas,  o labirinto,

  ,

a abundancia de carruaxes

a litera de mulas

os instrumentais para rizar o pelo

e a afección de dona Mari Paz polos grilos e os gatos

Agradecemos a Dona Mari Paz que doara este pazo á Deputación o que fai posible a súa conservación e visita pública.

O alumnado de 5º de primaria o día 16 de decembro realiza unha visita cultural a Ourense.

Programación: Exposición Beléns do Mundo no obispado de Ourense, Museo das Cornamusas e As Burgas.

Visita ao Museo das Cornamusas, Ourense (La Voz de Galicia 17-12-2019)

 Visita ao Museo das Cornamusas - Faro de Vigo (Ourense)